بسم الله الرحمن الرحيم

Матбуот баёноти

Блинкеннинг Ўзбекистонга ташрифи

Жорий йилнинг 28 феврал куни АҚШ Давлат котиби Энтони Блинкен Остонада Марказий Осиё – АҚШ ташқи сиёсат идоралари раҳбарларининг C5+1 форматидаги саммитида иштирок этди. Сўнг шу кунни ўзида расмий ташриф билан Тошкентга келди. 1 март куни президент Шавкат Мирзиёев Блинкен бошчилигидаги делегацияни қабул қилди. Кутилганидек, Американинг юксак мартабали расмийсининг ташрифини бош мавзуси Марказий Осиё давлатларини Россиянинг агрессив сиёсатидан эҳтиёт бўлишга ва ундан узоқлашишга чақириқ бўлди. Бу борада Америка минтақа давлатларига бор имкониятини ишга солган ҳолда ёрдам беришга тайёр эканлигини ҳам қатъий таъкидлади. Жумладан, С5+1 саммитида Блинкен бошқа давлатлардан кўра Марказий Осиё минтақаси аҳолиси Американинг Россияга нисбатан жорий қилган санкцияларидан кўпроқ жабр кўрганини ва у бу йўқотишлар ўрнини қоплаб беришини айтди. Шу кунни ўзида Америка Давлат департаменти томонидан берилган ёзма баёнотда Марказий Осиёда иқтисодий барқарорлик ташаббуси (ERICEN) доирасида минтақавий дастурларга 25 миллион доллар ажратилиши эълон қилинди.  Шунингдек, Блинкен Россиянинг Украинага нисбатан босқинчилик уруши минтақа давлатларини ташвишга солаётганини ва Россия эртага уларга ҳам тажовуз қилмаслигига ҳеч қандай кафолат йўқ эканини айтди.

Блинкеннинг Ўзбекистонга ташрифига келсак, аввало, у АҚШ Ўзбекистоннинг мустақиллиги, суверенитети ва ҳудудий яхлитлигини доимо қўллаб-қувватлашда қатъий эканини яна бир бор қайд этди. Россиянинг Украинага нисбатан агрессиясидан минтақа давлатлари каби Ўзбекистон ҳам катта зарар кўраётганини таъкидлади ва озиқ-овқат учун 16 миллион доллар шошилинч ёрдам ажратилганини айтди. Яна Ўзбекистонда Россия пропагандасига қарши курашда маҳаллий нашрларни кучайтириш борасидаги ўз фикрларини айтиб ўтди. Мирзиёев билан учрашуви чоғида Блинкен Байденнинг саломини ва эзгу тилакларини етказган. Ўзбекистон Мирзиёев бошқаруви даврида демократик ислоҳотлар жадал тус олганини ва Америка буни олқишлашини алоҳида таъкидлаб ўтган. Шунингдек, Блинкен ўтган йилнинг 1-2 июль кунлари Қорақалпоғистоннинг Нукус шаҳрида содир бўлган оммавий тартибсизликлар бўйича тергов ишларида холис ва шаффоф бўлишни сўраган, дин эркинлиги ҳамда инсон ҳуқуқлари соҳасидаги ислоҳотларни тўлиқ амалга оширишни ҳам муҳокама қилган.

Булардан кўриниб турибдики, Америка кўпдан бери орзу қилаётган ишни амалга оширишнинг қулай вақти етиб келган, деб ҳисоблаяпти, яъни Россиянинг Украина билан оворалигидан фойдаланиб, Американинг Марказий Осиё, хусусан Ўзбекистондаги таъсир доирасини кенгайтириш. Шунинг учун ҳам Россия-Украина уруши бошланганидан бери Ғарб, хусусан Американинг Ўзбекистон билан алоқалари жадаллашиб боряпти. Блинкеннинг ташрифи ҳам Американинг ўз мақсади сари ташлаган қадамларидан биридир. Америка Ўзбекистонни мумкин қадар Россиянинг сиёсий ва иқтисодий таъсиридан чиқариш учун иқтисодий, сақофий, таълим лойиҳалари орқали ҳаракат қилмоқда.

Биз юртимиздаги мусулмонларни Американинг бу қадамларидан огоҳ бўлишга чақирамиз. Зеро, унинг “эзгу мақсадлари” ортида фақат Америка манфаатлари ётади. У Россияни Украинага тажовузда айблаб, бутун дунёга бонг уриб, суверенитет, ҳудудий дахлсизлик ҳақида сафсата сотиб ётибди. Ваҳоланки, унинг ўзи бутун дунё бўйлаб мусулмонлар юртларининг суверенитетларини ер билан битта қилди. Хусусан, ўзи қабул қилган халқаро норма ва қонунларни писанд қилмай Ироқ ва Афғонистонни босиб олди. Қаерга борса ортидан қашшоқлик, очлик, вайронагарчилик, бузуқликдан бошқа нарса қолдирмади. Бунда жирканч демократияни бошқа халқларни қул қилиш ва бойликларига эгалик қилиш учун қурол қилиб олди. Энди қандай қилиб унинг расмийси тилидан айтилаётган гапларга ишониш мумкин?!  

Ҳақиқий ечим Америка ҳам, Россия ҳам, Хитой ёки Европа ҳам эмас. Балки фақат Исломдир. Биз анави бир-биридан ёвуз бўлган мустамлакачи давлатларга қарам бўлишдан нажот топадиган йўл фақат Исломдир.

Эй Ўзбекистон мусулмонлари! Роббингизнинг фарзи бўлмиш Халифаликни тиклашга ҳаракат қилаётганларга ёрдам беринг! Зеро, бунда дунёю охират саодати бор.

Аллоҳ Таоло деди:

  ﴿يَا أَيُّهَا الَّذِينَ آمَنُواْ اسْتَجِيبُواْ لِلّهِ وَلِلرَّسُولِ إِذَا دَعَاكُم لِمَا يُحْيِيكُمْ وَاعْلَمُواْ أَنَّ اللّهَ يَحُولُ بَيْنَ الْمَرْءِ وَقَلْبِهِ وَأَنَّهُ إِلَيْهِ تُحْشَرُونَ﴾

“Эй мўминлар, Аллоҳ ва Унинг пайғамбари сизларни абадий ҳаёт берадиган нарсага (яъни, динга) даъват қилар экан, уни қабул қилинглар ва билингларки, шубҳасиз, Аллоҳ ҳар бир киши билан унинг қалби ўртасини эгаллаб турур ва шубҳасиз, Унинг ҳузурига тўпланурсизлар”              (Анфол: 24).

Ҳизб ут-Таҳрирнинг Ўзбекистондаги матбуот бўлими