БМТ қурбонни ўлдириб сўнг унинг жанозасида қатнашмоқда
بِسْمِ اللَّـهِ الرَّحْمَـٰنِ الرَّحِيمِ
Матбуот баёноти
БМТ қурбонни ўлдириб сўнг унинг жанозасида қатнашмоқда
БМТ 2017 йил 17 январда билдиришича Ямандаги кураш ўн мингдан кўпроқ одамнинг қурбон бўлишига олиб келди. Қонунийликни қўллаб-қувватлаш деган баҳона билан Саудия бошчилик қилаётган коалиция билан қонунийлик деган нарсага қарши бош кўтарган Ҳусийлар ўртасидаги урушда шунча одам қурбон бўлди! Ҳолбуки Ҳусийларни ҳокимиятга шерик қилишга ҳаракат қилаётганлар Америка ва шу БМТнинг ўзидир. БМТнинг яна билдиришича Ямандаги уруш «Бу аҳволни ҳал қилиш зарурлигини таъкидламоқда, хусусан урушдаги озиқ-овқат етишмаслиги, касалликлар каби аҳволдан зарар кўраётган яманликлар сони тобора кўпайиб бораётгани сабабли бу аҳволни ҳал қилиш зарурлигини таъкидламоқда» эмиш.
Яманда уруш авж олгани сайин инсоний кризис янада кескин ва янада хатарли тус олмоқда. Бунинг оқибатида вазият тасвирлаб бўлмайдиган даражада фалокатли бўлиб қолди… ўн минглаб одам ўлдирилди. Бу фақат эълон қилингани, холос! Бу урушнинг давом этишидан миллионлаб Яман аҳли азият чекмоқда. Улар учта нарсадан: уруш, очлик ва касалликдан азоб чекишмоқда. Улар соғлиқни сақлаш ва таълим каби асосий заруриятларга муҳтож бўлиб қолишмоқда. Айни вақтда «арабий» коалиция кучлари ва Ҳусийларнинг қуролли тўдалари тинимсиз тўс-тўполон, ўлдириш ва бемалол қон тўкиш муҳитини ёйиб инглизлар ва америкаликларнинг бу минтақа устидаги курашига хизмат қилишмоқда. Бу хунрезлик қонунчиликни қўллаб-қувватлаш ёки ундан маҳрум қилиш деган ниқоб остида амалга оширилмоқда.
Табиий бойликлар уч бурчагида жойлашган ва нефт билан газнинг энг катта заҳиралари бўйича энг олдинги ўринни эгаллаб турган Яман Англия ва Америка бошчилик қилаётган ўзаро қир-пичоқ сиёсий низоларга бўйин эгмоқда. Ваҳоланки бу иккаласи (яъни Англия ва Америка)дан ҳар бири бўлиб ташлаш режаси бўйича иш тутади. Бу икки мустамлакачидан ҳар бири бўлиб ташлаш ўзининг манфаатларига хизмат қилади деб билса буни тоифачилик ва қабилачилик уруши, қонунийликни қўллаб-қувватлаш ва «терроризм ва экстремизм»га қарши кураш деган ниқоб остида амалга оширади. БМТ каби халқаро ташкилотлар худди шу «қозон»нинг ичида иш олиб бориб, тинч аҳолининг ўлдирилишига ҳисса қўшади, сўнг инсон ҳуқуқи ва тинчлик ўрнатиш деган даъволар билан жар солиб қурбоннинг жанозасида қатнашади!! БМТнинг араб минтақасининг шарқию ғарби бўйлаб жар солаётган фожиали сценарийлари фош бўлиб, очилиб қолди. Чунки БМТ Америка манфаатларига аъло даражада хизмат қилиш учун бутун тоқатини сарфламоқда, сийқаси чиққан қоралаш ва ташвиш билдиришни яна такрорламоқда, янада кўп музокаралар ўтказиб ва янада кўп ён беришлар орқали кризисни тезроқ ҳал қилиш зарурлиги ҳақида жар солмоқда. Бу билан БМТ ҳар сафар ўзининг барбод бўлган ва кераксиз ташкилот эканлигини исботламоқда.
Яманда ечим «бепушт» жиноятчи ташкилотлар «пушти камари»дан туғилмайди ва халқаро ҳамжамият ва халқаро ҳуқук деган нарса қарорларига суяниш билан ҳам туғилмайди. Аксинча Уммат ақидасидан – Ислом муолажаларини ҳакам қилиш ва Раббоний қонунга қаттиқ амал қилиш билан – туғилади. Бугун Яман аҳли ўзининг ҳақ-ҳуқуқларини ҳимоя қиладиган, қонини асрайдиган ва куфр ва ёвузлик чангалини тийиб қўядиган Пайғамбарлик минҳожи асосидаги рошид Халифалик давлатига ўта муҳтож бўлиб турибди.
Эй, холис мусулмонлар армиялари! Бу Уммат қони ҳақида Аллоҳдан қўрқинг, мазлум мусулмон биродарларингизга ёрдам беришга ҳаракат қилинг ва қурол-аслаҳани ҳақ йўлда кўтариб чиқинг… Амирликлар, Иордания, Саудия ва Қувайтдан иборат араб коалициясидаги эй армиялар, Роббингиздан ҳаё қилинг, хоин, малай ҳокимларни рози қилиш учун ва жазоингиз Аллоҳнинг қаҳр-ғазаби ва мазлумларнинг лаънати бўлиши учун Ямандаги биродарларингизни ўлдириш, уларнинг фарзандларини ва аёлларини террор қилиб қўрқувга солишдан иборат ўз қўлингиз билан қилаётган жиноятларингиздан уялинг… Эй Эрон режими ва унинг ҳизблари ва тўдалари мусулмонлар юртларида бузғунчилик қилишдан, фитналарни алангалатишдан ва мусулмонлар қони эвазига мустамлакачилар режаларини амалга оширишдан тийилинг.
Ҳизб ут-Таҳрирнинг
марказий матбуот бўлими
