Болаларни нима учун масжиддан ҳайдашмоқда?
Болаларни нима учун масжиддан ҳайдашмоқда?
بسم الله الرحمن الرحيم
Хабар: Фарғона вилоят, Сўх туман, Ҳазрати Али жоме масжидида таровеҳ намози ўқилаётган пайтда ИИБ ходимлари ҳамроҳлигида бир гуруҳ расмийлар ёш болаларни масжиддан қувиб чиқарди.
Бу ҳақда Озодликка хабар берган сўхликка кўра, масжид имоми ҳам расмийларни тўхтатиш ўрнига уларга қўшилиб болаларни ҳайдаган.
Ҳазрати Али МФЙ раиси Субҳонали Нишонов бундай воқеа бўлганини рад этди.
Мактаб директори эса, қуйи синф ўқувчилари дарсларга келмай ухлаб қолаётгани сабабли, уларни таровеҳ намозидан қайтариш ишлари олиб борилганини айтди.
Жорий йилнинг 10 апрель куни Сўх туманидаги Ҳазрати Али жоме масжидига, шу номдаги МФЙ раиси Субҳонали Нишонов, 5-мактаб директори Бахтиёр Полвонов ИИБ профилактика инспекторлари билан рейд уюштириб, таровеҳ намозига келган ёш болаларни масжиддан ҳайдаб чиқаргани ҳақида, шу воқеа гувоҳларидан бири Озодликка хабар берди:
“Ҳаммалари бир бўлиб бостириб кирди, намозни бузиб, масжид ичидан ёш болаларни итариб, бақир-чақир билан ҳайдаб юборишди. Ачинарлиси шундаки, булар етмагандек, масжид имоми уларни тўхтатиш ўрнига уларга қўшилиб, болаларни ҳайдаб юборишди. Барча масжид ва маҳалла аҳли бу воқеадан хафа бўлишди ва хавотирдалар”. (Озодлик, 16.04.2022й)
Изоҳ: АҚШ ҳукумати терроризмга (Исломга) қарши курашиш учун маблағ ажратар экан, Ўзбекистон ҳукуматидан реал натижаларни талаб қилади. АҚШ молиялайдиган ўзбекзабон ахборот воситалари (мавзуга алоқаси бўлмаса ҳам) Ўзбекистонлик рўмолли аёлларни ва соқолли эркакларни кўрсатаётгани Американинг диний вазиятдан хавотирда эканлигини Мирзиёев ҳукуматига етказишдаги бир сигнали дейишимиз мумкин. Лекин расмий Вашингтон ўзини бу ишларга дахлдор эканлигини яшириш ва мавқеини сақлаш учун инсон ҳуқуқлари бузилишига қарши баёнотлар бериб келади. Шунинг учун АҚШ Давлат департаменти 2021 йилдаги ҳисоботида Ўзбекистонда фуқароларнинг фундаментал ҳуқуқлари қўпол равишда бузилаётганини қайд этган. Мирзиёев ҳукумати эса, “халқ агар Исломга берилса уларни аввалги қўрқоқ ва лоқайд ҳолатига қайтара олмаймиз” деган хавотирда маккор сиёсий режалар ишлаб чиқди. Бу ҳукумат ваҳима уйғотмасдан мақсадга етиш учун вилоят ёки туманларни эмас, маҳалла фуқаролар йиғинларини “диний фон” юқори бўлган қизил ва сариқ ҳудудларга ажратиб, қизил ҳудудларда Исломга қарши янада кучлироқ курашмоқда. Натижада муаммо маҳаллага оид, айбдорлар эса, МФЙ бошқарувчилари бўлиб қолмоқда. Эътиборли жиҳати шундаки, маҳалла раислари дохил юз минглаган фуқароларнинг таклиф ва шикоят хатлари жавобсиз қолдирилиб, ушбу хабарнинг тўлиқ матнида келтирилган “қизил ҳудуд” раиси Нишоновнинг таклифи дарҳол қабул қилинишида ҳукумат режасига мувофиқлик борлигини ҳеч ким гапирмаяпти.
Ҳукумат болаларни масжиддан қайтариш билан илмга шароит яратаётганини айтиб келади. Лекин у “илм” Ислом сингари тўғри дунёқарашни ва яхшиликлар улашувчи фазилатларни шакллантирмаётганини ёшлардаги ахлоқий бузилиш ва ўз жонига қасд қилиш ҳолатлари ортаётганидан ҳам кўриш мумкин. Бундан ташқари, ўқитувчиларнинг ўқувчи қизларга тегажоғлик қилаётгани ва ёшлар фаолининг ўз жонига қасд қилгани бу таълим тизими асосидан бошлаб чирик эканлигини кўрсатади. Мана шу таълим дарсликларида Исломнинг фахри бўлган саҳобаларни босқинчилар сифатида, куфр-ширк ақидаларини эса, аждодларимизнинг эътиқоди деб уларга эҳтиром руҳида тарбиялашга уринилаётган, давлат медиаси ва виртуал доиралар ёшларни бузуқчиликка чорлаётган бир пайтда, болаларни Аллоҳнинг уйидан ҳайдашда имом ва домлаларнинг бош бўлаётгани даҳшатли ҳолатдир. Чунки ёш бола масжидда бирор кишидан қўпол муомала кўрса масжиддан совимайди. Агар имом ёмон муомала қилгудек бўлса ёш болалар буни унутмайди ва масжидга бўлган ихлоси сусаяди. Масжидга ўрганмаган ёшларнинг Аллоҳни ҳукмларига бўйин эгиши қийин бўлади. Тоза фитратда, мусулмон оилада дунёга келган ёш авлодни Ислом билан тарбиялашга тўсқинлик қилаётган куч шубҳасиз демократик тузумдир. Чунки бу тузум динни ҳаётдан ажратиш асосига қурилган. Мана шу куфр мафкурасига чақираётган Америка бошчилигидаги Ғарб яқин ўн йилликларда ўзининг бузуқликларини юртимизга бемалол олиб кириши учун ўзига замин ҳозирлаяпти. Бу ишда Америка давлати Ўзбекистон ҳукуматига молиявий кўмак кўрсатишдан ташқари, қисқа ўқув курслари ва тажриба алмашиш усуллари орқали мусулмонларнинг фикр ва туйғуларига таъсир қилмайдиган ҳамда яшаш тарзини ўзгартирмайдиган маърифий Исломга даъват қилиш йўлларини ўргатяпти. Бундан мақсад келажакда ажнабийнинг юртимиздаги сиёсий, иқтисодий ва ижтимоий манфаатлари Исломий фатволар билан қувватлансин. Бундай вазиятда болаларнинг таровеҳга қатнашиши ҳам ҳеч нарсани ўзгартирмаслиги аён бўлади. Хулоса қилиб айтсак, болаларни масжиддан ҳайдаш, маҳаллаларни касаллик кенг тарқаган ҳудудлар каби қизил, сариққа ажратиш Исломга қарши аёвсиз кураш бораётганини англатади. Бу курашда Ислом ғолиб келиши, эмин-эркин ибодатлар қилинадиган, фарзандларимиз масжидлардан қувилмай, аксинча катта жомеъларда хатми Қуръон қиладиган даврга етишимиз учун биздан Исломни ҳаётга, ҳокимиятга қайтариш талаб этилади. Зеро, ҳукуматнинг ташвиқот минбарига айланган масжидлар ҳақ сўзни айтадиган Аллоҳнинг уйига айланиши учун давлат ҳам Аллоҳ нозил қилган ҳукмлар билан бошқарилиши лозим.
وَمَا لَهُمْ أَلاَّ يُعَذِّبَهُمُ اللّهُ وَهُمْ يَصُدُّونَ عَنِ الْمَسْجِدِ الْحَرَامِ وَمَا كَانُواْ أَوْلِيَاءهُ إِنْ أَوْلِيَآؤُهُ إِلاَّ الْمُتَّقُونَ وَلَـكِنَّ أَكْثَرَهُمْ لاَ يَعْلَمُونَ
– “Уларга нима бўлдики, улар Масжидул Ҳаромдан тўссалар ҳам ва унинг валийлари бўлмасалар ҳам, Аллоҳ уларни азобламас экан. Унинг валийлари фақатгина тақводорлардир. Лекин кўплари билмаслар”. (Анфол:34)
Ҳизб ут-Таҳрирнинг Ўзбекистондаги матбуот бўлими аъзоси Абдураҳмон
06.05.2022й
