Роя газетаси:

Де Мистура Женева музокаралари фитнасини амалга ошириш учун Сурия халқига йўллаган мурожаатида ўзини Шом аҳлига қайғураётган қилиб кўрсатмоқда

Де Мистуранинг Сурия халқига йўллаган мурожаати

БМТнинг Суриядаги вакили Стефан де Мистура Женевадаги Сурия кризиси билан боғлиқ музокаралар бошланишидан олдин Сурия халқига видеомурожаат йўллади. У ўз мурожаатини Сурия халқига салом бериш билан бошлар экан, жумладан бундай деди: «Ассалому алайкум! Сурия ичкариси ёки ташқарисида, қочқинлар лагерларида, ёки дунёнинг бошқа ерларида бўлишларидан қатъий назар, барча суриялик эркак ва аёлларга, болалар ва қизларга. Яқин кунларда Сурияга қайта барқарорлик, тинчлик, қадр-қиммат олиб келиш учун яна Сурия музокаралари ўтказилади». Унинг таъкидлашича, сурияликлар бор овозлари билан «бас, етар энди», деб ҳайқиришлари ҳамда Сурия ичкариси ёки ташқарисидан «Женева-3»да қатнашиш учун кетаётганларга улардан умид қилаётганларини ва яхшилик кутаётганларини билдиришлари вақти аллақачон келди. Илгари бўлиб ўтган конференциялардан айтарлик ҳеч қандай фойдага эришилмаганидан кейин де Мистура бу конференциянинг муваффақиятли якунланиши зарурлигини таъкидлаб, бундай деди: «Ўзингиз кўп конференцияларга гувоҳ бўлдингиз. Улардан иккитаси амалда ўтказилди. Аммо ушбу конференциянинг муваффақиятсизликка юз тутиши мумкин эмас. Биз сизларнинг овозларингизни эшитиб турибмиз. Сизлар: етар энди, шунча қирғинлар, қийноқлар ва қамоқлар, бас, етар шунча уйларни вайрон бўлгани, шаҳарларнинг бомбардимон қилингани, ким бомбардимон қилаётганини ҳам билмаяпмиз, фақат бомбалар ва ракеталарнигина кўряпмиз, дея айтмоқдасиз. Кейин яна сўзини давом эттириб бундай деди: Бу конференция бир фурсат бўлиб, уни ўтказиб юбормаслик керак. Биз сизнинг умидларингизни пучга чиқармаймиз, Бирлашган Миллатлар Ташкилоти Сурия халқидан ҳаргиз воз кечмайди. Бироқ биз сизнинг айнан ҳозир муносиб вақт эканини ҳис этишингизга муҳтожмиз. Биз Сурия халқи учун қўлимиздан келган барча нарсани қиламиз». (Байрут Пресс).

Роя газетасининг 2016 йил 3 феврал чоршанба кунги 63-сонидан