بِسْـــمِ اللهِ الرَّحْمٰـــنِ الرَّحِيـــم
Ўзбекистон –"Газпром" алоқалари

Россиянинг "Газпром" компанияси Ўзбекистон билан 2013 дан 2015 йилга қадар ўзбек газини сотиб олишлик ва Ўзбекистон ҳудудидан газ олиб ўтишлик тўғрисидаги шартномага қўл қўйди. Шартнома "Газпром" ОАЖ бошқарув раисининг ўринбосари Александр Медведов бошчилигидаги делегация Тошкентга қилган иш сафари мобайнида 24 декабр куни имзоланди.

Маълумотларга кўра, "Газпром" Ўзбекистондан ҳар минг кубметр учун 253 доллар бахосида 7,5 млрд кубметр газ сотиб олади. 2012 йил бошидан буён Ўзбекистон Россияга 8,686 млрд кубметр газ етказиб берган, 2011 йил октябр ойига қадар эса, "Газпром" 16 млрд кубметр ўзбек газини сотиб олган эди.

Россия матбуотига кўра, 2012 йил декабр ойи ўрталарига келиб ўзбек газини етказиб беришлик сезиларли камайган, буни қиш совуқлари бошланиши сабабли Ўзбекистон аксар газини ўз ички эхтиёжларига сарфлашлиги билан боғлашмоқда.

Аммо, Ўзбекистондаги бугунги кунда оддий ҳалқ газ таъминотидаги узилишлар ва тақчилликлар сабабли бошдан кечираётган қийинчиликлар, Ўзбекистон ҳукуматини ўз ички эхтиёжи учун газ хажмини оширганлигига далолат қилмайди.

Йилдан-йилга газ билан боғлиқ муаммоларни кўпайиб боришлиги, ўтган йиллар мобайнида вилоятлар ва чекка ҳудудлар йўлиқаётган газ тақчиллиги муаммоси, бу йил Тошкент вилоятини ҳам қамраб олишлиги, Ўзбекистон расмийларини бу масала юзасидан ҳалқ манфаати йўлида ҳаракат қилмаётганини кўрсатиб турибди.

Россияга газ етказиб бериш қисқаришлигини асосий сабабларидан бири, бу Ўзбекистон ҳукуматини Хитойга йилига 10 млрд кубметр газ етказиб беришлик тўғрисидаги шартнома имзоланишлиги билан боғлиқ.

2014 йилга бориб газ етказиб бериш тармоғини учунчи шахобчаси ишга тушишлиги билан Ўзбекистон Хитойга йилига 25 млрд кубметр газ етказиб беришликни режалаштирмоқда.

Ўзбекистонни газга бўлган ички эхтиёжи 2008 йилги ҳисобига кўра, 52,6 млрд кубметрни ташкил этган. Газ қазиб олиш эса, 2012 йилга келиб 1,4 фоизга камайиб 45,595 млрд кубметрни ташкил этган.

Бугунги кунда Ўзбекистон қазиб олаётган газ ўз ички эхтиёжига етмаган холда, четга сотадиган газ экспортини йилдан-йилга ошириб бормоқда. Чунки, Каримовнинг ўз ҳалқини газ ва электр таъминотидан маҳрум қилиб бўлса ҳам ўзи эгаллаб турган ҳокимиятидан ажраб қолмасдан олдин имкон қадар ҳамёнини тўлдиришликдан ўзга ғам-ташвиши йўқ.

Абдуллоҳ