بِسْمِ اللهِ الرَّحْمٰنِ الرَّحِيم

Роя газетаси:

Британия Хитой билан муносабатларини мустаҳкамламоқда

Британия бош вазираси Тереза Мэй Хитой президенти Си Цзиньпин ва унинг бош вазири Линь Цюаньга мактуб юборди. Мактубда Лондоннинг «Хитой билан савдо, ишлар ва халқаро масалаларда ҳамкорликни мустаҳкамлаш»га интилаётгани таъкидланган.

Бу Англиядаги 24 миллиард доллар қийматидаги «Хинкли-Пойнт» ядровий лойиҳанинг расман тасдиқланиши Мей томонидан кечиктирилишига доир тортишувлар манзарасида юз берди. Бу лойиҳанинг тасдиқланиши Хитой томонидан молиялаштирилишига боғлиқ хавфсизлик масалаларини эътиборга олиб кечиктирилган эди.

Британия давлатининг Осиё ишлари бўйича вазири Алок Шарма твиттердаги саҳифасида Хитой ташқи ишлар вазири Ванг билан бўлган учрашув «ажойиб ва илиқ бўлганини, бу учрашув келажакка йўл очганини» ёзди. Унинг маълум қилишича, Хитой ташқи ишлар вазири Ванг Шармага «Пекин Лондоннинг Хитойга нисбатан очиқ сиёсат олиб боришда давом этажагига ишонишини» билдирган.

Роя газетаси шарҳи:

Маълумки, Британия билан Хитой ўртасидаги алоқалар кескин ривожланмоқда. Бу Хитой раҳбари ўтган йилнинг октябр ойида амалга оширган тўрт кунлик ташрифи чоғида кўринди. Икки мамлакат ўзларининг якуний баёнотида «йигирма биринчи аср учун кенг қамровли глобал стратегик ҳамкорлик ўрнатилганини» маълум қилишди. Баёнотда айтилишича «Бир неча ўн йиллардан буён Хитой раҳбарининг Британияга биринчи бор ташриф буюриши Хитой-Британия алоқаларидаги олтин даврни очади. Бу алоқалар давомий, кенг қамровли бўлиб ҳар икки томон учун фойдали ҳамкорликни ўз ичига олади».

Кўриниб турибдики, Британиянинг ҳозирги бош вазираси «Мей» айни шу йўналишда кетмоқда. Чунки у Хитой ҳукмдорларига йўллаган мактубида Британия Хитой билан савдо, бизнес ва халқаро масалаларда ҳамкорликни кучайтиришни исташини таъкидлади. Бу шуни англатадики, Британия Америкага қарши Хитойдан фойдаланиш учун унга таъсир ўтказишга ҳаракат қилмоқда. У молиявий, иқтисодий ва сиёсий ишларда Хитойнинг ўрни кучайишини истайди.

Биз Британиянинг қурилиши Хитой томонидан амалга ошган инфратузилмага инвестиция ётқизиш учун Осиё банкида иштирок этишга шошилишини мана шундан тушуна оламиз. Би-Би-Си 2015 йил 14 мартдаги хабарига кўра, Америка маъмурияти Хитой томонидан қўллаб-қувватланган ривожланиш банкининг таъсисчи аъзоларидан бири бўлиш учун Британиянинг ариза беришига нисбатан безовталигини ифодалаганига қарамасдан, у бунга шошилмоқда.

Роя газетасининг 2016 йил 24 август чоршанба кунги 92-сонидан