بِسْمِ اللَّـهِ الرَّحْمَـٰنِ الرَّحِيمِ

Роя газетаси:

Европа Иттифоқи билан АҚШ ўртасидаги иқтисодий муносабатларга оид келишмовчиликлар

Брюссел-Вашингтон ўртасидаги эркин савдо борасидаги сўзлашувлар муваффақиятсизлиги

Германия иқтисод вазири Зигмар Габриел ўтган якшанба куни Европа Иттифоқи билан АҚШ ўртасидаги эркин савдо битимига оид сўзлашувлар муваффақиятсиз бўлганини хабар қилди.

Германиянинг (келаётган якшанба куни эфирга узатиладиган) «ZDF» каналига берган интервьюсининг матбуот матнида Зигмар «АҚШ билан сўзлашувлар амалда муваффақиятсизликка учраганини, чунки европаликлар Америка талабларига бўйсунишни истамасликларини», таъкидлади. Кейин у – у ҳам Германия канцлерининг ўринбосари – «Айни масалада ҳеч қандай олға силжиш йўқ», дея қўшимча қилди.

Маълумки, уч йилдан бери Брюссел билан Вашингтон ўртасида савдо ва инвестиция масалаларида музокаралар кетмоқда. Иккала томон ҳам уларни 2016 йилда тамомлашни мақсад қилишганди. Бироқ бир неча масалаларда, шу жумладан, қишлоқ хўжалик масаласида келишмовчиликлар пайдо бўлди.

Айни келишувдан дунёда эркин савдо учун энг катта минтақа барпо қилиш ва ташкилотларга оид тўсиқларни олиб ташлаш каби Европа Иттифоқи билан АҚШ ўртасида савдо ва инвестиция муносабатларини мустаҳкамлаш назарда тутилган. Бу тўсиқлар ширкатларни АҚШ бозори билан бирга Европа бозорига тегишли маҳсулотларни монополия қилишга мажбур қилмоқда. (Россия Сегодня).

Роя газетасининг 2016 йил 31 август чоршанба кунги 93-сонидан