Бу малай ҳукмдорлар мусулмонларни бунчалар таҳқирлашмаса?!
بِسْمِ اللهِ الرَّحْمٰنِ الرَّحِيمِ
Бу малай ҳукмдорлар мусулмонларни бунчалар таҳқирлашмаса?!
«Samanews» веб-сайти (ҳижрий 1441 йил 16 зул-қаъда, милодий 2020 йил 7 июл сешанба куни) нашр қилган хабарда бундай дейилади:
«Фаластин Озодлик ташкилоти ижроий қўмитасининг бош котиби Соиб Ариқот Баҳрайн подшоҳи шайх Холид ибн Муҳаммад оли Халифа билан телефон орқали суҳбатлашиб, араб давлатлари тинчлик ташаббусини ўзгартириб бўлмаслигини ҳамда босқинчиликка чек қўйиб, мустақил Фаластин давлатини барпо этиш ва унинг пойтахтини 1967 йил чегараларидаги шарқий Қуддус, деб эълон этиш лозимлигини таъкидладилар.
Томонлар сешанба куни телефон орқали бўлиб ўтган ушбу чуқур суҳбат ва мулоқот чоғида яна «Исроил»нинг аннекция қарорига ва аҳоли пунктлари қурилишини кенгайтиришига қаршилик изҳор қилдилар».
Роя газетаси шарҳи:
Баҳрайн ҳукмдорлари Манама саммитида Аср келишувини тарғиб қилишга шошилган ҳамда Трампнинг ушбу машъум келишувини нишонлашда қатнашишган эди. Шундай қилмишларни содир этган бу ҳукмдорлар энди яҳудий вужудининг Ғарбий Соҳилдаги маълум ерларни аннекция қилишига ўзларини қарши қилиб кўрсатишяпти. Гўё бу аннекция Аср келишуви талабларида йўқдай! Бу малай ҳукмдорлар мусулмонларни бунчалар таҳқирлашмаса?! Наҳотки, мусулмонлар учун уларни ағдариб, бу дунёю охиратда шараф келтирувчи Ислом бошқарувини барпо этиш вақти келмаган бўлса?!
Роя газетасининг 2020 йил 15 июл чоршанба кунги 294-сонидан
