Бўлиниш тўғри ечим эмас, у шаръан ҳаром ва жоҳилият наърасидир
بِسْمِ اللَّـهِ الرَّحْمَـٰنِ الرَّحِيمِ
Матбуот баёноти
Бўлиниш тўғри ечим эмас, у шаръан ҳаром ва жоҳилият наърасидир
Яман мустамлакачи давлатлар, хусусан, АҚШ-Британия ўртасида регионал ва маҳаллий қўғирчоқлар ёрдамидаги нуфуз, бойлик талашув курашларига, урушларга гувоҳ бўлиб турган бир пайтда, жанубдаги баъзи сепаратист ҳаракатларнинг Яман жанубини шимолидан бўлишга чақириқлари янграб қолди. У ерда Ийдрус Забидий жанубни идора қилиш ва ички ва ташқи жиҳатдан жанубга вакиллик қилиш учун ўтиш даври кенгашини ташкил қилди. Бундан олдин у билан президент Абдуроббиҳ Мансур Ҳодий ўртасида Ҳодий ва ҳукуматининг «қонунийлиги» борасида келишмовчилик чиқиб, бу келишмовчилик Забидийнинг Адан ҳокими вазифасидан бўшатилишига олиб келди. Бунинг ортидан жанубдаги баъзи сепаратист кучлар «Тарихий Адан» ҳукуматини эълон қилиб, Забидийни жанубни тамсил этувчи вакил қилиб тайинлашди.
Хоҳ Яман жануби билан шимолини бўлиш бўлсин, хоҳ бошқа исломий юртдаги бўлинишлар бўлсин, барчаси таърифлаб бўлмайдиган даражада ёмон жиноятдир. Чунки мусулмонлар юртлари битта вужуд бўлиши лозим, ҳар қандай оқлов бўлмасин, уни қисмларга бўлиш ҳаром ҳисобланади. Чунки аслида исломий юртлар бўлинмас бир бутундир. Мусулмонлар юртлари Сайкс-Пико битими ёрдамида бўлиб ташланиши оқибатида Уммат ҳамон азоб-уқубатлар, офатлар ва аламларни тотиб келмоқда. Чунки зулм ва адолатсизликнинг ечими бўлинган юртларни парчалаб, мустамлакачилик чегараларини тортиш ҳамда исломий юртлар, хусусан, Яманда бири-биридан ёмон сохта чегараларни пайдо қилиш билан бўлмайди. Яман аҳли мустамлакачилик чегараларини йўқ қилиш йўлида ҳаракат қилиш ва қурбонликлар бериш билан чиниққан. Чунки бундай чегаралар исломий юртларни, айниқса, Яманни улкан қамоқ лагерига ва мустамлакачи Ғарбнинг қўрғонига айлантиради.
Эй Яман шимолию жанубидаги аҳлимиз!
Зулм ва адолатсизликка юрт бирлиги сабаб бўлмаган. Аллоҳ хайрингизни берсин, онгли тарзда бир ўйлаб кўринг, ахир, муолажа қилишдан олдин касалликни билиш керак-ку! Юртнинг шимолию жануби тинкасини қуритган ушбу зулм ва адолатсизликка татбиқ қилинаётган капиталистик тузум сабабчидир, шунингдек, шу тузумни татбиқ қилиб, ҳокимият ва бойликларимиз устидан ҳукмронлик қилаётганлар бу зулм ва адолатсизликни олиб келгандир.
Дарҳақиқат, мустамлакачиликдан сўнг бу юртни на ақлни қаноатлантирадиган ва на фитратга мувофиқ келадиган социалистик тузум темир ва олов ёрдамида бошқарди, одамларни мулкка эга бўлишларига тўсқинлик қилиб, бойликка тўлиб тошган бир юртда уларни қашшоқ-бахтсиз халққа айлантирди… Сўнг капиталистик тузумнинг республикачилик бошқаруви даврида жануб билан шимол бирлашди, аммо бу дард устига чипқон бўлди. Чунки социалистик тузум бойларни йўқ қилиб, камбағалларни бой бўлишига йўл бермаган бўлса, капиталистик тузум камбағалларни йўқ қилиш ва бойларни баттар бой қилиш учун келди. Шу тарзда юрт аҳли ёмғирдан қочиб, дўлга тутилди… Мулк халқ ва миллатники, деган социализмга меросхўр сифатида капитализм ва унинг республикачилик бошқаруви келди. Бу тузум капиталистик республика даврида зўравон шахсларнинг мулкига айланди, яъни инсонларга бойликлардан ва омма мулкидан фойдаланишларига, ўз насибаларини олишларига йўл бермади.
Дарвоқе, Яман аҳли Набиййимиз Муҳаммад Мустафо САВ асос солган биринчи Ислом давлати соясида Умматнинг бир бўлаги бўлиб яшаганлар. Чунки Ислом Уммати битта раҳбар ва битта байроқ остида ягона Уммат эди. Яман аҳли биринчи янги аср ва оғир шароитларга қарамасдан фаровон ҳаёт кечирди ҳамда имон ва ҳикмат аҳли, улфат ва раҳмат аҳли бўлишга лойиқ бўлди. Чунки уларнинг ҳаётларини ўзгартирган ва уларни ўз дошқозонида тоблаган нарса Ислом тушунчалари ва аҳкомлари эди. Бироқ кейин мустамлакачилик келиб, бизга ўз ҳазоратини зўрлаб ўтказгач, бугунги мана шу аҳволга тушдик!!
Эй Яманнинг шимолию жанубидаги аҳлимиз, бундай аҳволимизнинг ечими онг ва идрок билан бўлади. Зулм ва адолатсизликни ва бунинг сабабини онгли тарзда тушунмасдан реакция билдириш билан бўлмайди. То капиталистик песпублика бошқарувини ўзгартириб, ўрнига Ислом тузумини, яъни Пайғамбарликка асосланган рошид Халифалик тузуми барпо этилмас экан, бирорта ҳам самарали ечим бўлмайди. Сиз социализм, капитализм, республикачилик, қироллик, миллатчилик ва ватанпарварлик каби бошқарувларни ўз тажрибангиздан ўтказдингиз, уларнинг бирортаси ҳам муаммони ҳал қилолмади, жароҳатингизга малҳам бўлолмади, аксинча, ҳамма иллатга сабабчи бўлди, бадбахтликка бош бўлди. Шунинг учун бўлинишни талаб қилиш ечим эмас. Бу – зулм оқибатида, уни ўрганилмасдан ва масъулиятсизлик билан билдирилган бир реакция, холос. Ҳатто бу мустамлакачи давлатлар лойиҳаси айниқса, Америка истаги ҳамдир. Чунки Америка ўз режасини амалга оширишда халқ қўзғолонларидан фойдаланмоқчи, минтақани ўзининг жиноятчилик лойиҳаси бўлмиш янги Ўрта Шарқ лойиҳаси доирасида қайта тузмоқчи. Бас, шундай экан, Аллоҳ хайрингизни берсин, Американинг қуролига айланиб қолманг, сизни ва юртингизни янада кўпроқ азоб-уқубатларга, бадбахтлик кетидан бадбахтликка етаклаётганларга алданиб қолманг.
Яманнинг шимолию жанубидаги курашаётган томонлар нуфуз ва бойлик талашиш устида Англо-Американинг халқаро курашлари учун тайёр қурол бўлмоқдалар. Улар Яман ва унинг аҳлига хиёнат қилиб, ғарблик хўжайинларига уларни топшириб қўйишди. Сизнинг эса, эй Яман аҳли, елкангизга ҳақиқий ўзгартириш жавобгарлиги тушади. Яъни, сизга имон ва ҳикмат сифатини ато этмиш Ислом ақидасидан балқиб чиққан онгли ёрқин назар билан касалликка ташхис қўйиб, муоалажа қиладиган ўзгартиришдир. Шубҳасиз, ҳақиқий, самарали, фаол ўзгартириш ҳамда мустамлакачилик тизимини илдизи билан қўпориб, йирик курашаётган давлатларнинг малайлари илигига болта уриш Ямандан мустамлакачилар қўлини тийиб қўйиш билан бўлади. Бу эса, Аллоҳ шариатини ҳакам қилиш ва Пайғамбарлик минҳожи асосидаги рошид Халифалик тузуми соясида шариат билан ҳукм юритувчи бир ҳокимни сайлаш билан амалга ошади. Токи, сиз Яман аҳли, гоҳ бўлиниш даъвоси билан, гоҳ демократия, гоҳ федерация, гоҳ социализм даъвоси билан, гоҳ илмоний капиталистик республика бошқарувига чақириш билан мустамлакачи кофирларнинг тажриба майдонига айланмаслигингиз, регионал ва маҳаллий қуроллари бўлиб қолмаслигингиз керак!!
Биз сизга касаллик қандайлигини ва унинг давоси нима билан бўлишини очиқ баён қилдик, бас, Аллоҳ Таолонинг ушбу каломида айтилган салафларингизга ўхшаб қолманг:
فَقَالُوا رَبَّنَا بَاعِدْ بَيْنَ أَسْفَارِنَا وَظَلَمُوا أَنفُسَهُمْ فَجَعَلْنَاهُمْ أَحَادِيثَ وَمَزَّقْنَاهُمْ كُلَّ مُمَزَّقٍ ۚ إِنَّ فِي ذَٰلِكَ لَآيَاتٍ لِّكُلِّ صَبَّارٍ شَكُورٍ
«Улар «Роббимиз, сафарларимиз орасидаги (масофани) йироқ қилгин», дейишиб, ўзларига зулм қилдилар, бас Биз уларни (одамлар гапириб юрадиган) чўпчак-ҳикояга айлантириб қўйдик ва бўлак-бўлак қилиб (ҳар томонга тирқиратиб юбордик). Албатта бунда ҳар бир (балоларга сабр-қаноат қилгувчи, неъматларга) шукр қилгувчи учун оят-ибратлар бордир» [Саба 19]
Ибратланинг, булар сизга далил ва сабоқ бўлсин. Шиалар, суннийлар, зайдийлар, шофеийлар каби мазҳабпарастликни ва шимолликлару жанубликлар, деган минтақапарастликни тарк этинг, Аллоҳ бирор ҳужжат туширмаган нарсага садоқат кўрсатиб буларга боғланиб қолманг. Буларнинг барчаси Аллоҳни ғазаблантирадиган жоҳилият чақириқларидир. Зеро, гуноҳ жиҳатидан жоҳил-динсиз бўлишнинг ўзи кифоядир.
Бизнинг сизга насиҳатимиз шуки, жангни режим ва у ердаги раҳбарларга қарши қаратинг, уларнинг ким бўлишларининг фарқи йўқ. Модомики, Англо-Америка каби курашувчи давлатлар қўлидаги қурол эканларми, шунинг ўзи етарли. Малай золим ҳукмдорларга ҳаргиз таянманг, улар сизга ҳар қанча дўстлик тўнини кийиб, алдовчи фатволар чиқариб беришмасин, фақат Ғарб манфаатларини рўёбга чиқаришади, мустамлакачилар фойдаси учун астойдил ҳаракат қилишади, сиз учун эса, на аҳдга ва на бурчга боқадилар. Биз Ҳизб ут-Таҳрир аъзолари мана шу золим зўравон режимларни илдизи билан қўпориш учун фаолият қилмоқдамиз, юртларимизни бирлаштириш ва муҳофаза қилиш учун бел боғлаганмиз. Бас, ҳақ даъват томонида бўлинг, Пайғамбарлик минҳожи асосидаги рошид Халифаликни барпо қилишга бўлган даъватга нусрат-ёрдам ва мададкор бўлишингиз, бу уруш ва курашларда ҳалок бўлишингиздан яхшидир. Зеро, бу уруш ва курашлар сизни жаҳаннамга тортмоқда, сиз орқали мустамлакачи кофирлар манфаатларини амалга оширмоқда, бу йўлда сиз бу дунёда ҳам, охиратда ҳам зиён кўрганлардан бўлиб қоласиз.
Аллоҳим биз етказдик, Аллоҳим Ўзинг гувоҳ бўл.
Ҳизб ут-Таҳрирнинг Яман вилоятидаги матбуот бўлими
Телефон: 735417068
Электрон почта: aan1924@gmail.com
Ҳизб ут-Таҳрир сайти: www.hizb-ut-tahrir.org
Ҳизб ут-Таҳрирнинг матбуот бўлими сайти: www.hizb-ut-tahrir.info
