بِسْمِ اللَّـهِ الرَّحْمَـٰنِ الرَّحِيمِ

Чиқиб кетиш байрами ҳукмдорлар алдови ва Уммат уйғониши ўртасида

2016 йил 15 октябр кунини Тунисдаги ҳукмрон тўда сўнгги француз аскарининг Тунисдан чиқиб кетишининг эллик уч йиллигини байрам қилиб буни ғалаба, мустақиллик ва мустамлакадан озодлик далили сифатида қабул қилишмоқда. Улар Франция армиясининг Тунисдан чиқиб кетишини 1961 йил 19-22 июлдаги Бизерта жанги билан боғлашмоқда. Тарихдан маълумки, Франция қўшини Тунисдан Бизерта тўқнашувидан сўнг икки йил ўтиб чиқиб кетган. Ушбу жангга гувоҳ бўлган кўпчиликнинг гувоҳлик бериб айтишларича, бу икки давлат армиялари ўртасидаги уруш бўлмаган, балки номардлик қирғини бўлган, яъни жинояткор Франция ўз учоқлари ва танклари ёрдамида тунислик қуролсиз оддий фуқароларни бомбардимон қилган, бу фуқаролар орасида бир тўп миллий гвардия ва яқинда тузилган ҳукумат қўшинлари бўлган, холос… Франция портловчи модда тўлдирилган шишалар ва «напалм» ёрдамида ўзининг қора ғаразини тунислик мусулмон халқ бошига сочган… Бир неча кун давом этган қирғинда 6 минг қуролсиз инсон шаҳид бўлган, улардан фақат саноқли сондаги қуролланган армия ва қўриқчилар бўлган.

Мазкур чиқиб кетиш қуйидагиларга далолат қилади:

1 –    Мардлар сулоласидан бўлган Тунис фарзандлари Франциянинг тиш-тирноғигача қуролланган террорчи армиясига яланғоч кўкси ва мислсиз шижоати билан қарши турдилар… мустамлакани илдизи билан қўпориш учун ҳамда душман кучларини бутунлай ҳайдаб чиқариш йўлида қонлар дарё бўлиб оқди…

2 –    1956 йил эълон қилинган мустақиллик сохта эди. Чунки Франция қўшини Бизертани ўз чангалларида тўла саккиз йил ушлаб туришди (Жюль Ферри Бизертанинг бутун Тунисдан ҳам муҳим ҳисобланганини айтади). Франция учоқлари шу шаҳардан ҳавога кўтарилиб, ҳар куни Жазоирдаги мужоҳидларга зарба берди. Бу эса ўлиб кетган Бурқиба ва унинг тўдаси мужоҳидларни қирғин қилишда мустамлакачи Францияга ҳамкорлик қилганини англатади. Ниҳоят, Бурқибанинг бадбўй хиёнати чор атрофни тутиб, Жазоирдан ҳам мужоҳидлар, Тунисдан ҳам сохта мустақилликка рози бўлмаган мужоҳидлар ва Мисрдан ҳам мужоҳидлар унга қарши кўтарилгач, бу кимса Бизерта жангини уюштирди…

Ҳеч қандай режасиз, лойиҳасиз равишда уюштирилган сохта жангга Туниснинг ҳамма вилоятларидан минглаб қуролсиз кишилар Бизертага оқиб келишди… ва қатли омга дуч келишди… Бурқиба буни – Франция Бизерта жангидан икки йилдан сўнг чиқиб кетди, деган далил билан фақат ўзининг обрўсини ошириш учун қилди. Кейин у Тунис ва Жазоир фарзандларини қирган Франция билан қайноқ муносабатлар ўрнатди, бу вақт ичида у доим – биз Франция билан мана шундай янги муносабатларимизни мустаҳкамлаймиз, деган гапни уялмай очиқ айтарди.

Ҳа, Франция қўшинларининг Тунисдан чиқиб кетгани рост. Бироқ мустамлака у ердан чиқиб кетдими?! Умуман, исломий юртлардан мустамлака чиқиб кетганми?!

Чиқиб кетишни шодиёна байрам қилишнинг бундан ҳам хатарлироқ жиҳати бор:

Уни байрам қилаётганлар Тунисни исломий юртларнинг табиий вужудидан ажратишни исташади. Тунис ҳам шу буюк бир давлатнинг вилоятларидан бири эди. Тунис, Жазоир, Миср ва бошқа исломий ўлкаларни мустамлака қилиш шундай бир халқаро режа доирасида бўлганки, унга ўша пайтдаги жинояткор Британия айни ишдан манфаатдор Франция, араб ва турк хоин раҳбарлари ёрдамида етакчилик қилган, шу орқали халқаро қудрат сифатидаги Халифалик билан Исломни йўқ қилишни, мусулмонлар давлатини вайрон этишни қасд қилишган… Франция Тунис ва Жазоирдан, Британия Миср ва Фаластиндан қачон чиқиб кетишди, қачонки, янги ҳукмрон элита фикрий ва сиёсий жиҳатдан илмоний Ғарб фикрига тобе эканидан ҳамда бу янги раҳбариятнинг Ислом ва унинг даъватига қарши курашажагидан, сиёсий вужуднинг қайта барпо бўлиши олдида бор кучлари билан тўсиқ бўлажакларидан кўнгиллари хотиржам бўлгандан кейингина чиқиб кетишди. Бу сиёсий вужуд бутун дунё мусулмонларини битта давлатга жамловчи рошид Халифалик эди. Ҳақиқатдан ҳам Тунис Бурқиба бошқаруви пайтида илмоний давлатга айланиб, Исломга қарши уруш қилди, қутурган бу урушда куфр ва ундан туғилган кимсаларга мулозамат кўрсатилди, ҳатто ҳар бир ёт ва ёввойи фикрга кенг эшик очиб берилди, мустамлакачи давлатлар ширкатларининг бойликларни ташиб кетишларига, юрт ва фуқарони қашшоқлаштиришларига қўйиб берилди, бу улкан балои офат бутун Ислом ўлкаларига оммалашди.

Ҳўш, мустамлакачи ҳақиқатдан ҳам чиқиб кетганми?? Ёки йигирманчи асрнинг қирқинчи йилларида ва ундан кейин аталган миллий озодлик, деган нарса мусулмонларни мустамлака кетди, дея алдаш учун бўлганми?? Жавоб шуки, мустамлака юртларимиздан фақат номда чиқиб кетди, амалда эса қолди. У ўз ортидан сиёсий малайлар, машойихлар, партиялар каби бутун армияни қолдириб кетди. Ўзига музокаралар орқали юрт бошқаруви калитини топширадиган хизматкор ва қулларни танлади. Ғарб кучлари юрт ишларини парда ортида туриб идора қилишда давом этишди.

Хўш, исломий юртлардан амалда чиқиб кетибдими? Нега Америка ва Британиянинг ҳарбий базалари бутун исломий дунёни қамал қилиб турибди? АҚШ қўшинлари 1990 йилдан бери нега Ироқни тарк этмайди? Бутунлай хонавайрон этилган Афғонистонни унутдикми? Франциялик аскарлар Ливияда нима қилишяпти, британиялик аскарлар Яман, Тунис ва Ливияда нима қилишяпти?

Булардан ташқари, барча юртларимизга ин қуриб олган халқаро жосуслик хизматларини айтмайсизми?! Британиянинг собиқ ташқи ишлар вазири Хейг унинг юрти Тунисдаги элчихонасида британиялик мулозимлар сонини бир неча баробар оширгани тўғрисида баёнот берган. Тунисдаги АҚШ элчихонаси эса, уни ярим ҳарбий база, дейиш мумкин, чунки у ер беш минг мулозимни ўз ичига олган. Хўш, улар нима қилишади???

Хўш, мустамлакачи исломий юртлардан чиндан чиқиб кетибдими? Муборак Фаластин замини қани, армияларимиз уни босқинчи яҳудийлар ифлослигидан покладиларми? Росулуллоҳ САВнинг Шомида, Ҳалабида нималар бўлмоқда, ахир, қонхўр Башар Асаднинг қирғин ишларига бутун дунё армиялари ёрдам бермоқда-я?!

Биз орзу қилган ҳақиқий чиқиб кетиш, нафақат Тунисда, балки бутун исломий юртлар мустамлакадан тўла озод бўлмоғидир. Тўла озод бўлмоқ эса, Ғарбнинг Умматимизга бегона бўлган, бизга темир ва олов билан зўрлаб ўтказган капиталистик фикрлари, дастурию қонунларидан озод бўлмоқдир, бизга зўрлаб ўтказилган демократиясидан, шаҳидларимиз қонини булғаётган ифлос маблағидан озод бўлмоқдир.

Тўла озод бўлиш мустамлакачиларга қул бўлишдан, илгари бўлганимиздек, бошқа инсонларсиз ёлғиз Аллоҳнинг қулига қайта айланишимиздир. Илгари бўлганимиздек, буюк битта давлатда Аллоҳга, Росулига ва Китобига имон келтирган бўлишимиздир:

–    Хўжайинлик ёлғиз Аллоҳнинг Ўзига бўлади, Угина бизга қонун тузиб беради.

–    Салтанат мусулмонларники бўлади, улар ораларидан бир кишини танлаб, унга байъат қиладилар, уларни Роббул оламин аҳкомлари билан бошқариши шарти билан унга байъат берадилар, унга ўзлари ҳам ёрдам берадилар, ундан ҳисоб талаб қиладилар, унинг етакчилигида юртларини мустамлакачи бузғунчилардан қутқарадилар, нафақат ўз юртларини балки бутун дунёни бугун Америка, Британия, Франция, БМТ, Халқаро Валюта Фонди, Жаҳон Банки… каби жинояткор давлатлар ва ташкилотлардан қутқарадилар.

Барча мусулмонларнинг, уларнинг пешқадами бўлган холис ҳарбий қудратли етакчиларининг меҳнатлари ва содиқ аскарларининг азм-қарорлари билан бўладиган ҳақиқий чиқиб кетиш мана шу. Агар Бизерта тўқнашувини хотиралаш керак бўлса, Бизертада мустамлакачиларга қарши яланғоч кўксини тутиб бўлса ҳам имонлари билан отилиб чиққан зотларни хотирлайлик. Зотан, уларни фақат ҳақиқий эр кишилар қадрлайдилар. Биз Тунис, Ливия, Миср, Ҳалаб… бутун Шомдаги, Фаластин, Ироқ… даги шаҳидларимизга бундай деймиз: сизлар мустамлакачи кофирларга қарши жиҳод қилишда бизни ортда қолдиришдек шарафга ноил бўлдингиз. Биз ҳам озодлик жангини албатта давом эттирамиз ва биз унинг сўнгги босқичларида яшамоқдамиз. Чунки Уммат ғафлат уйқусидан уйғониб, қайта қўзғалди, малай ва хоин ҳукмдорларни фош этмоқда. Қиладиган бир иш қолди, холос, у ҳам бўлса: холис ҳалол ҳақиқий мард ҳарбий етакчилар илдам қадам ташлаб, кеча Ибн Али, Қаззофий ва Муборак сингари раҳбарлардан тозаланилгани каби, бугунги раҳбарлардан қўлларини ювиб, покланадилар, уларни ҳимоя қилишдан воз кечадилар, Роббим Аллоҳ деб, Роббул оламиндан ўзгага тиз чўкишни билмайдиган, Росулуллоҳ САВнинг халифаси бўладиган ва уларни Ислом билан бошқарадиган, сафларини, қўшинларини бирлаштириб, мустамлакачи ёвузларни қақшатқич даражада қувиб соладиган кишига байъат берадилар.

يَا أَيُّهَا الَّذِينَ آمَنُوا اسْتَجِيبُوا لِلَّـهِ وَلِلرَّسُولِ إِذَا دَعَاكُمْ لِمَا يُحْيِيكُمْ ۖ وَاعْلَمُوا أَنَّ اللَّـهَ يَحُولُ بَيْنَ الْمَرْءِ وَقَلْبِهِ وَأَنَّهُ إِلَيْهِ تُحْشَرُونَ

«Эй мўминлар, Аллоҳ ва Унинг пайғамбари сизларни абадий ҳаёт берадиган нарсага (яъни, динга) даъват қилар экан, уни қабул қилинглар ва билингларки, шубҳасиз, Аллоҳ ҳар бир киши билан унинг қалби ўртасини эгаллаб турур ва шубҳасиз, Унинг ҳузурига тўпланурсизлар»    [Анфол 24]

Ҳизб ут-Таҳрир                                                            14 муҳаррам 1438ҳ

Тунис                                                                             15 октябр 2016м