بِسْمِ اللهِ الرَّحْمٰنِ الرَّحِيم

Даъватни кўтариб чиққан онахоннинг вафот хабари

Ҳизб ут-Таҳрир – Иордания вилояти фозила мураббия онахон Фатҳия Юсуф Аҳмадсаботайн (Нажоҳсаботайн-Умму Муоз)нинг бугун 2021 йил 21-апрел душанба куни эрта тонгда вафот этганини қайғу ила хабар қилади.

Умму Муоз бутун ҳаётини Аллоҳ Азза ва Жаллага итоат қилиб, Пайғамбарлик минҳожи асосидаги рошид Халифаликни барпо этиш орқали исломий ҳаётни қайта бошлашга даъват қилиш билан ўтказди. Бу фозила онахон Ҳизб ут-Таҳрир сафида даъватни кўтариб чиқаётган ҳур аёллардан бири эди. Ушбу йўлда кўп машаққатларни бошдан кечирганига қарамай, шу ҳолатда собит турди. Масалан, 2018 йил Иордания режими Умму Муозни даъватни етказгани учун – кекса ёшдалигига қарамай – қамоққа олди. Аммо бу тазйиқ ва қамоқлар Умму Муозни саботига сабот, Аллоҳ йўлида даъватни етказиш қатъиятига қатъият қўшди, холос.

Дарҳақиқат, марҳума ўткир сиёсий ақл ва ёрқин фикр соҳибаси эди. Жамиятда, хусусан, аёллар орасида фикрий ва сиёсий форумлар ва тадбирлар орқали фикрий ва сиёсий онгни ёйиш билан фаолият қилди. Бир неча китоблар ёзди. Улардан муҳимлари «Исломий уйғониш тушунчалари», «Ҳизбий уюшма шарҳи», «Илмонийликнинг биринчи қурбони Афғонистондир» китобларидир. То Парвардигори ҳузурига чақирилгунга қадар мана шундай равишда даъватни етказишда собит турди.

Биз Аллоҳ Таолодан Умму Муозни ўзининг кенг раҳматига буркашини, бепоён жаннатига дохил этиб, биздан, Ислом ва мусулмонлардан гўзал мукофот билан тақдирлашини сўраб қоламиз.

Бергувчи ҳам, олгувчи ҳам Аллоҳ. Биз Роббимиз Субҳанаҳу ва Таоло рози бўладиган ушбу каломдан бошқасини айтмаймиз: Инна лиллаҳи ва инна илайҳи рожиун, ла ҳавла ва ла қуввата илла биллаҳ.

Ҳизб ут-Таҳрирнинг Иордания вилоятидаги матбуот бўлими