Давлат ҳукмронлиги йўқ бўлса инсонлар ҳалок бўлиб, қонлари оқизилаверади!!
بسم الله الرحمن الرحيم
Матбуот баёноти
Давлат ҳукмронлиги йўқ бўлса инсонлар ҳалок бўлиб, қонлари оқизилаверади!!
Кордофанда Ҳумур қабиласи билан Кабобиш қабиласи ўртасида бўлиб ўтган жангни юракларимиз эзилиб кузатдик. Бу шундай гуноҳи азимки, унда қабилачилик асосида Аллоҳ тўкишни ҳаром қилган қонлар оқизилди, одамлар ўлдирилди!
Кордофан парламенти аъзосининг матбуотга берган баёнотига кўра, Судан президентлик аппарати 29 мартдан буён тўхтамаётган ҳодисалар оловидан хабардор, бироқ давлат можарони ҳал этиш ва жиноятчиларни жазолаш учун ҳеч қандай куч юбормаган, оқибатда қонли ҳодиса яна такрорланиб, Кордофаннинг Ғарбий ва Шарқий вилоятларигача ёйилган.
Бу ҳодисага нисбатан биз Ҳизб ут-Таҳрир-Судан вилояти аъзолари қуйидагиларни ёритмоқчимиз:
Биринчидан: Ислом инсонни ноҳақ ўлдиришни ҳаром қилди. Аллоҳ Таоло бундай деди:
وَلَا تَقْتُلُوا النَّفْسَ الَّتِي حَرَّمَ اللَّـهُ إِلَّا بِالْحَقِّ
«Аллоҳ (ўлдиришни) ҳаром қилган жонларни ўлдирмангиз, бироқ ҳақ билан бўлса, мумкин» [Анъом 151]
Набий САВ ҳам мусулмонларни бир-бирларини ўлдириш оқибатидан огоҳлантириб, видолашиш ҳажида бундай марҳамат қилганлар:
«وَيْلَكُمْ لا تَرْجِعُوا بَعْدِي كُفَّارًا يَضْرِبُ بَعْضُكُمْ رِقَابَ بَعْضٍ»
«Ҳолингизга вой бўлур, мендан сўнг бир-бирингизни ўлдириб, қайта кофирга айланиб қолманг». Яна бундай деганлар:
«إِذَا الْتَقَى الْمُسْلِمَانِ بِسَيْفَيْهِمَا فَالْقَاتِلُ وَالْمَقْتُولُ فِي النَّارِ»
«Икки мусулмон бир-бирига қарши қилич кўтарса, ўлдирган ҳам ўлган ҳам дўзахда бўлур».
Иккинчидан: Ислом мусулмонларни қабилачиликдан огоҳлантирди, қабилачилик асосида ўзаро низолашган ва бир-бири билан жанг қилишга чақириб, одам тўплаган кимсаларни қаттиқ қоралади. Росулуллоҳ САВ бундай дедилар:
«مَنْ دَعَا بِدَعْوَى الْجَاهِلِيَّةِ فَهُوَ مِنْ جُثَا جَهَنَّمَ قَالُوا يَا رَسُولَ اللَّهِ وَإِنْ صَامَ وَصَلَّى قَالَ وَإِنْ صَامَ وَصَلَّى وَزَعَمَ أَنَّهُ مُسْلِمٌ»
«Ким жаҳолатга (Исломда йўқ низога) чақирса, у жаҳаннам аҳлидандир. Ё Росулуллоҳ, агар намоз ўқиб, рўза тутса ҳамми? деб сўрашди. Шунда Росулуллоҳ: Ҳа, гарчи намоз ўқиб, рўза тутса ҳам ва ўзини мусулмон дея даъво қилса ҳам, дея жавоб бердилар». Яна Росулуллоҳ САВ бундай деганлар:
«دَعُوهَا فَإِنَّهَا مُنْتِنَةٌ»
«Уни (жаҳолатни) тарк этинг, у сассиқ нарсадир».
Учинчидан: Ислом мусулмонларни ораларида келишмовчилик чиқса, муаммо ҳал бўлиши учун, уни Аллоҳ ва Росулига қайтаришга буюрди ҳамда буни мўминлик аломатларидан бири эканини баён қилди. Аллоҳ Таоло айтади:
فَإِن تَنَازَعْتُمْ فِي شَيْءٍ فَرُدُّوهُ إِلَى اللَّـهِ وَالرَّسُولِ إِن كُنتُمْ تُؤْمِنُونَ بِاللَّـهِ وَالْيَوْمِ الْآخِرِ ۚ ذَٰلِكَ خَيْرٌ وَأَحْسَنُ تَأْوِيلًا
«Агар бирон нарса ҳақида талашиб қолсангиз, агар ҳақиқатан Аллоҳга ва охират кунига имон келтирган (мўмин) бўлсангиз, у нарсани Аллоҳга ва Росулига қайтаринг, мана шу яхшироқ ва чиройлироқ ечимдир» [Нисо 59]
Тўртинчи: Ушбу оқизилган ҳаром қонлар жавобгарлиги Судан ҳукумати зиммасига тушади. Чунки шу давлат бунга ўхшаган ҳодисаларни ҳал этишда бир неча бор эътиборсизлик қилди. Айни иш биринчи пайдо бўлгандаёқ, янада кўп тўкилмасдан ва ахборот воситалари бу хабарларни кенг тарқатмасидан олдин, унга эътибор қаратмоғи шарт эди. Дарҳақиқат, Ислом давлатга инсонлар ишларини ғамхўрлик билан бошқаришга, уларни ҳимоя қилиш ва хавфсизликларини таъминлашдек ўз вазифасини адо этишга буюрган. Бу нарса ҳатто ҳукмдорнинг вазифалари ичидаги энг муҳими саналади. Росулуллоҳ САВ бундай дедилар:
«الإِمَامُ رَاعٍ وَمَسْئُولٌ عَنْ رَعِيَّتِهِ»
«Имом-халифа бошқарувчидир ва у ўз қўл остидагилардан жавобгардир». Ушбу жавобгарлик давлат зиммасига, одамлар ўртасида ўзаро жанг келиб чиқмасидан олдин, уларнинг қонларини ҳимоя қилиш бурчини юклайди. Зотан, ҳимоя қилиш, давлатнинг ўз ҳайбати билан хавфсизликни муҳофаза қилишини, қаттиқўллик билан жиноятчини жазолашини, ким бўлишидан қатъий назар, ҳатто бутун қабила бўлса ҳам, шафқат қилмасдан унга шариатнинг тийиб қўювчи уқубатини қўллашини англатади.
Бешинчидан: Агар мусулмонларни ўз давлатлари бўлганда эди, бу содир бўлмасди. Пайғамбарлик минҳожи асосидаги рошид Халифаликда ҳоким ғамхўр, ҳукм эса омонат бўлади, одамлар ҳаққи бемалол еб кетса бўладиган емиш бўлмайди!!
Хотима: Биз Ҳизб ут-Таҳрир-Судан вилояти аъзолари бир-бирларига қарши жанг қилаётганларни Аллоҳ Таоло буюрган нарсага даъват қиламиз: Аллоҳ уларга жонлари тўғрисида тақво қилишга, барчаларини жамлайдиган имоний биродарликка аҳамият қаратиб, жангни тўхтатишга, адоваткор жиноятчини жазога тортишга, уни ҳаспўшламасликка буюради. Аллоҳ Таоло бундай деди:
إِنَّمَا الْمُؤْمِنُونَ إِخْوَةٌ فَأَصْلِحُوا بَيْنَ أَخَوَيْكُمْ ۚ وَاتَّقُوا اللَّـهَ لَعَلَّكُمْ تُرْحَمُونَ
«Мўминлар ҳеч шак-шубҳасиз оға-инилардир. Бас, сизлар икки оға-инингизнинг ўртасини ўнглаб қўйинглар! Аллоҳдан қўрқинглар — шояд У зот томонидан бўладиган раҳматга эришсангизлар» [Ҳужурот 10]
Биз уларни бунга ўхшаш масалаларда мўмай пул ишлашдан тап тортмайдиган уруш савдогарларига ва сиёсат даллолларига имкон бермасликка чақирамиз. Шунингдек, мустамлакачи душманлар йўлига тўсиқ қўйишга чақирамиз. Чунки душманлар бундай ҳодисалардан юрт ва фуқаро ишига бурнини суқишда фойдаланиб, разил мустамлакачилик манфаатлари йўлида урушни алангалатишмоқда. Аллоҳ Таоло бундай деди:
لَوْ أَنفَقْتَ مَا فِي الْأَرْضِ جَمِيعًا مَّا أَلَّفْتَ بَيْنَ قُلُوبِهِمْ وَلَـٰكِنَّ اللَّـهَ أَلَّفَ بَيْنَهُمْ ۚ إِنَّهُ عَزِيزٌ حَكِيمٌ
«Агар (сиз) ердаги бор нарсани сарфласангиз ҳам, уларнинг дилларини бирлаштира олмаган бўлур эдингиз. Лекин Аллоҳ уларни бирлаштирди. Албатта, У қудратли, ҳикматлидир» [Анфол 63]
Иброҳим Усмон (Абу Халил)
Ҳизбут Таҳрирнинг Судан
вилоятидаги расмий нотиғи
Телефон: 0912377707 – 0912240143
Электрон почта: spokman_sd@dbzmail.com
