Роя газетаси:

Саудия билан Эрон Вена музокараларини қўллаб-қувватлашда давом этишга аҳд қилишди

Де Мистура: Саудия-Эрон зиддиятлари Сурия музокараларига ҳаргиз таъсир қилмайди

БМТнинг Суриядаги вакили Стефан де Мистура ўтган якшанба куни Теҳронга қилган сафари чоғида Эрон билан Саудия ўртасида келиб чиққан дипломатик зиддиятлар Сурия низоси хусусида кетаётган музокараларга ҳаргиз таъсир этмаслигини билдирди. У Эрон пойтахтида журналистлар олдида бундай деди: «Менга Саудия ташқи ишлар вазири ўзлари тарафидан ҳеч қандай салбий таъсир бўлмаслигини таъкидлади». Кейин «Эрон ҳам менга айнан шундай нарсани ваъда қилди», дея қўшимча қилди. Ўз навбатида, Саудия ташқи ишлар вазири Одил Жубайр ҳам Саудиянинг Сурия низоси ечимига эришишга қаратилган келишувларни «қаттиқ қувватлаши»ни, Эрон бўҳрони бунга асло таъсир қилмаслигини таъкидлади. Араб давлатлари Лигасига аъзо давлатлар ташқи ишлар вазирларининг одатдан ташқари йиғинидан сўнг Қоҳирада Араб давлатлари Лигаси қароргоҳида матбуот конференцияси бўлиб ўтди. Конференцияда Одил Жубайр Риёзнинг «Сурия мухолафатини ҳам, у ердаги тинчликка эришиш ечимига қаратилган саъй-ҳаракатларни ҳам қўллаб-қувватлаши» тўғрисида баёнот берди. У яна Саудиянинг Эрон Ислом республикаси билан бўлган келишмовчиликларга қарамай, айни саъй-ҳаракатларни албатта қўллаб-қувватлашини таъкидлади.

Роя газетасининг 2016 йил 13 январ чоршанба кунги 60-сонидан

0

0

Related posts:

Сиёсий ечим Башар Асад ва унинг режимини қўзғолон интиқомидан қутқаришга қаратилган Кўрфаз давлатлари қарори: Америкалик хўжайинга мутелик Сурия мухолафати: де Мистура бизга босим ўтказмоқда Париж Суриядаги ярашув битими матни билан танишишни талаб қилмоқда