بِسْمِ اللهِ الرَّحْمنِ الرَّحِيمِ

Сиз мусулмонлигингиздан фахрланасизми?

Фахр туйғуси инсон шу ишни тўғри қилганлигидан ёки танлаганлигидан ишончи комил бўлса пайдо бўлади. Инсон фахрланаётган амалидан қониқади ва тўғри эканлигини исбот қилиб, унга зид бўлган нарсалар билан курашишга ундайди. Чунки фахр туйғусини пайдо бўлишига сабаб бўлган амалига қилинган хар бир хужумни ўзига қилинганидек қабул қилади ва имкони борича химоя қилади, албатта бунда амалига мувофиқ келадиган фикрлар билан харакатланади. Бу гапларимни тушуниб ўз хаётингиздаги воқеаларга назар солаётгандирсиз, яшаш тарзимиздан келиб чиқиб янада кенгроқ қилиб сухбатлашсак.

Саволни яна такрорлайман, сиз мусулмонлигингиздан фахрланганмисиз? Агар Исломни яхши тушунмасак ҳам мусулмон эканлигимиздан фахрлана оламизми? Ислом бўйича амал қилмаётган бўлсак унда ҳам мусулмон эканлигимиздан фахрланишимиз мумкинми? Агар кейинги иккала саволга ҳам “Ха, фахрланса бўлади” деб жавоб бераётган бўлсангиз, мен бу жавобингизга қаршиман. Инсон қандай қилиб ўзи билмаган нарса тўғрисида фахрлана олиши мумкин? Инсон ўзи амал қилмайдиган, тўғрироғи хаётида у бўйича яшамайдиган бўлса қандай қилиб фахрлансин?! Балки сизга жуда билимдонлик қилаётганга ўхшаётгандирман, лекин булар оддий хақиқатлардир.

Келинг энди мақсадга ўтсак, инсон фахрланаётган нарсасини бошқаларидан устун эканини хис қилганлиги учун фахрланади, устун эканини хис қилиш учун эса, уни яхши билиш керак, чунки инсон нисбий ўлчов асосида ўлчайди. Агар сиз у нарсани билмасангиз бошқа нарса билан нисбатлай олмайсиз, аввал ўрганиб, у тўғрисида билимга эга бўласиз ва билганларингиз бўйича бошқаси билан солиштирасиз. Билмаганингиз учун Исломни устун эканлигини ҳам била олмайсиз, устун эканлигини билмасангиз мусулмон эканлигингиздан фахрлана олмайсиз ҳам.

Мисол: Бир яқинингиз спорт мусобақасида ғолиб бўлди, сиз яқинингизни яхши танийсиз ва кўп муомала қиласиз. Лекин мусобақада ғолиб бўлганлигини билмасангиз, эшитмасангиз сизда яқинингизни ғолиблиги учун фахр туйғуси пайдо бўладими? Албатта йўқ, чунки сиз билмаган нарсангиз тўғрисида фахрланишингиз мумкин эмас.

Мусулмон бўлиш Исломга амал қилиш демакдир. Яшаш тарзингизда Исломга амал қилмаётган бўлсангиз, демак сизда амал қилиш учун Исломдан бошқа тушунча ва фикрлар бор. Чунки инсон хар доим маълум бир тушунчалар асосида харакатланади. Исломдан бўлмаган тушунча ва фикрларни тўғри деб билмаганингизда, сиз у тушунчалар бўйича харакатланмас, ёки улар бўйича яшамаган бўлар эдингиз. Сизнинг Исломдан бошқа тўғри деб билган тушунча ва фикрларингиз бўйича яшаш тарзингиз Исломни билмаганлигингиз, ёки яшашингиз учун нолойиқ деб билганлигингиз учун шаклланган. Исломни адолатли, тўғри эканлигига ишончи комил бўлган инсон эса, у бўйича яшайди ва Ислом бўйича тўғри яшаётганлигидан фахрланади. Сизни эса Ислом билан яшаш ўрнига бошқа фикр ва тушунчалар билан яшашингиз мусулмонлик дегани эмас, мусулмон бўла олмаган инсон қандай қилиб мусулмонликдан фахрланиши мумкин?! 

Мисол: Агар сиз бирор кимга хунар ўргатмаган, ёки таълим бермаган, тарбия қилмаган бўлсангиз сизда қандай қилиб “Устозман” деган фахр пайдо бўлсин? Қилмаган ишингиз бўйича ёлғондан ўзингизни фахрланган қилиб кўрсатишингиз мумкин, лекин асл фахр туйғуси сизда пайдо бўлмайди.

Ислом бўйича яшаш эса оилада ва кўчада, давраларда ва ёлғизликда Ислом билан харакатланиш, хохиш ва истакларингиз, орзу умидларингиз Ислом билан чамбарчас боғлиқ бўлиши демакдир. Яъни Ислом, Аллоҳ билан боғлиқликни, бошқа инсонлар билан муомала, алоқаларни ва инсонни ўзига ўзи қандай муносабатта бўлиши кераклигини ўргатади. Буларга ибодат, рост гапириш, кийим кийиш каби амаллар кириб кетади.

Биродарлар мусулмон бўлиш учун ва мусулмонлигимиздан фахрланишимиз учун Исломни ўрганишимиз ва унга амал қилишимиз керак бўлади. Ёлғон фахрланиш, сизни Ислом билан яшашингизга сабаб бўлмайди. Бугунги кунда Ислом билан яшаш – Исломий хаётни қайта бошлашга харакат қилишдир, мусулмонлигидан фахрлана олган инсон Исломий хаётни қайта бошлаш йўлида албатта харакат қилиб Исломга қарши зид бўлган фикр ва тушунчаларга қарши, Исломий фикрлар билан қуролланиб курашади.

Ҳизб ут-Таҳрирнинг Ўзбекистондаги медиа офиси Абдуллох

09.08.2014й.