بِسْمِ اللَّـهِ الرَّحْمَـٰنِ الرَّحِيمِ

Роя газетаси:

Картер: Америка миллатчилик қайтаётганига гувоҳ бўлмоқда

АҚШ собиқ президенти Жимми Картер Америка миллатчилик қайтаётганига гувоҳ бўлмоқда, деди ва ўз тоифасидаги диндор баптистларни жамиятни ўзгартириш ишини қабул қилишга даъват қилди.

АҚШ собиқ президенти бу сўзларни ўтган пайшанба баптистлар конгресси мезбонлик қилган саммитда айтди. У Атланта штатида уч кун давом этган ва қора танлилар билан оқ танлилар ўртасида ҳамкорлик пайдо қилишга қаратилган айни саммитда маъруза қилди.

У айрим оқ танли америкаликлар миллатчиликни кўрган пайтларда, жамиятдаги ўзларининг обрўли мавқеларини йўқотиб қўйишдан қўрқиб, унга сукут қилишни афзал кўришяпти, деди. Картер маърузасида сиёсий фаолияти давомида эътиқод муҳим рол ўйнаганини кўп гапирди. У ҳозир тўқсон бир ёшда бўлиб, ўзи яшайдиган Жоржия штатидаги черковда бир ойда бир неча бор дарс бериб келади. (Скай-Ньюс арабия).

Роя газетаси шарҳи:

АҚШ собиқ президенти Жимми Картер сўзлари зимнида чалғитиш мавжуд. У Америка миллатчилик қайтаётганига гувоҳ бўляпти, деди. Аслида эса миллатчилик бу юртда тугатилмаган, тугатилганда эди, қайтмоқда дейиш мумкин бўларди. Йўқ, миллатчилик узоқ вақтдан бери бу юртда сақланиб келмоқда. Америкада миллатига қараб дискриминация қилинаётганини ташкилотлар, бошқармалар, полиция ва бошқалар ҳаммаси тасдиқлашади. Энди, Картернинг диндорлардан жамиятни ўзгартириш ишини қабул қилишга даъват қилаётганига келсак, бу улардан миллатчилик муаммосини ҳал қилишга ҳисса қўшишларини талаб қилаётганини англатади. Демакки, Ғарб ҳазорати миллатчилик масаласини ҳал этишдан ожиз ва ҳал этолмагани сабабли ҳам динга мурожаат қилишга мажбур бўлишяпти. Ҳолбуки, Ғарб ҳазорати динни ҳаётдан ажратиш ақидасига асосланган. Ҳаётдаги энг муҳим ишлар эса инсонларнинг ўзаро муносабатларини тартиблаштиришдир.

Роя газетасининг 2016 йил 21 сентябр чоршанба кунги 96-сонидан