بِسْمِ اللهِ الرَّحْمنِ الرَّحِيمِ

Де Мистура ташаббуси: Суриядаги мусулмонларга қарши Америка бошчилик қилаётган халқаро тил бириктирувдир унинг устидан фақат Пайғамбарлик минҳожи асосидаги рошид Халифалик билангина ғолиб бўлинади Халифалик сабабли Ислом ва унинг аҳли азиз, куфр ва унинг аҳли хор бўлади

БМТ вакили Стефан де Мистура Сурия оппозициясидаги сиёсатчилар ва ҳарбийларни ўзининг режаси бўйича ҳаракат қилишга кўндириш учун Истанбул билан Газиантеп ўртасида бўзчининг мокисидек қатнамоқда, Америка буни зўр бериб олқишламоқда. Унинг режаси бутун Сурияда, хусусан Ҳалабда жангни тўхтатишни, у ердаги ҳарбий вазиятни қандай бўлса ўша ҳолича музлатиб қўйиш мақсадини кўзда тутади. Бу режада асосий эътибор бошланғич нуқта сифатида Ҳалаб шаҳрига қаратилган. Чунки бу режа Ҳалабнинг «курашдан холи минтақа» бўлишини, қамалдаги минтақаларга инсонпарварлик ёрдамлари етказиб берилишига йўл очиб қўйишни, оппозиция билан режим ўртасидаги музокараларга йўл ҳозирлашни ҳамда «миллий ярашув» амалиётини йўлга қўйишни тақозо қилади… Де Мистуранинг Ҳалабдаги қуролли гуруҳларнинг бир неча қўмондонлари билан улардан ўзининг жангни музлатиб қўйиш режасига принципиал розилик олиш учун учрашиши ҳам режалаштирилган.

Эътиборни тортадиган иш шуки, де Мистуранинг ҳозирги хатти-ҳаракати Ҳалабни қамал қилиш учун ҳарбий тайёргарлик билан бир вақтда кетмоқда. Қудус дивизияси қўмондони Қосим Сулаймоний бошчилик қилаётган бу ҳарбий ҳозирликка Эрон ҳомийлик қилмоқда. Бу ҳарбий тайёргарликка Эронга тобе мазҳабпараст кучлардан минглаб кўнгиллилар чақирилди. Мақсад оппозицияга босим ўтказиб ана шу режани қабул қилишга мажбур қилишдир. Шуни ҳам айтиш керакки, де Мистуранинг бу режаси ўз хатти-ҳаракатида асосий эътиборни Хавфсизлик Кенгашининг «терроризмга қарши кураш»га ва ажнабий жангчиларнинг бу минтақага оқиб келишини тўхтатишга тааллуқли 2170 ва 2178 қарорларини татбиқ этишга қаратади ва бу татбиқни ўзининг хатти-ҳаракатидаги асос деб билади.

Де Мистура ўзининг режасида таклиф қилаётган нарса ғоятда макрли ва хатарлидир. Чунки у асос сифатида Америка ечими «поезди» йўлга чиқадиган «Женева-1» конференциясига таянади. Америка ечими эса ҳокимиятни Америка малайларига топширишга асосланади, бу малайлар режимдан бўладими ёки оппозициядан бўладими ёки ҳар икковидан бўладими, сиёсатчилар бўладими ёки ҳарбийлар ёки хавфсизлик ходимлари бўладими, бунинг фарқи йўқ. Бунда бу малайларнинг қўллари қонга беланмагани рўкач қилинмоқда… Бу режадаги макр шундан иборатки, бу режа курашни тўхтатишга чақириши билан сулҳдан иборат бир ҳолатни вужудга келтиришни мақсад қилмоқда. Чунки бундай сулҳ режимни қулашдан қутқазишга ва воқени қандай бўлса ўшандай ўзгаришсиз қолдиришга олиб келади. Яъни режим ўзгармайди, аксинча режимни янги Сурия борасидаги келишувдаги асосий томон ва шерик сифатида тан олишга олиб келади. Оқибатда режимни бу курашдан бир четда «бетараф» турадиган қилиб, жангни Сурия аҳли бўлмиш холис кишиларга қарши йўналтирилади. Буни «терроризмга қарши кураш» ва «ажнабий жангариларни ҳайдаб чиқариш» деган ниқоб остида амалга оширилади. Бунда мустамлакачилар Бағдодий ташкилоти Ислом ва Халифалик номи билан амалга ошираётган даҳшатли жиноятлардан халқ ўз бағрига олган исломчиларни йўқ қилиш учун фойдаланишади. Де Мистура режаси амалга оширишга ҳаракат қилаётган нарсанинг мағиз моҳияти мана шундан иборат… Ундан мақсад олдинги малайнинг ўрнини эгаллайдиган кейинги малайни етиштириб чиқарилганидан кейин Америка ечимига йўл ҳозирлашдир… Бу билан эса қўзғолон зое қилинади, қудрати йўқ бўлиб кетади, баракоти буғдек йўқ бўлади, кураш ўзининг тўғри йўналишидан ва асосий мақсадидан чиқиб кетади. Қўзғолондан мақсад режимни қулатиш ва сохта эмас, балки Абу Бакр, Умар, Усмон, Али, Умар ибн Абдулазиз каби – уларнинг ҳаммасидан Аллоҳ рози бўлсин – рошид халифалардек ҳукм юритадиган ҳақиқий Халифаликни тиклашдир. Росулуллоҳ САВ бизга башорат қилган Халифалик мана шудир.

Эй Ислом диёрининг маркази бўлган Шом Суриясидаги мусулмонлар!

Қайси мусулмон Ислом ва мусулмонлар душмани Американинг вакили де Мистура билан бу душманнинг режасини амалга ошириш ва унинг этагига осилиб юриш учун учрашишни қандай қабул қилиши мумкин ахир?! Мусулмон одам малай бўлишда Башар Асад ўрнини эгаллашни ҳамда Шом юртидаги исломий лойиҳага қарши Америка қўлидаги қурол бўлишни қандай қабул қилиши мумкин ахир?!

Мусулмонлар учраётган энг хатарли нарса фақат халқаро тил бириктирув, Американинг душманлиги, Сурия режимининг мусулмонларга қарши ғайриинсоний, ваҳшиёна суратда қилаётган жиноятлари ва улардан воз кечишигина эмас, балки мусулмонларнинг ечимга шаръий назар билан қарашлари йўқлиги ҳам энг катта хатардир. Бу ечим шундоқ уларнинг назарлари олдида турибди. Ундан бошқа ечим йўқ. У ваъда қилинган рошид Халифаликдир. Ундан бошқа ҳар қандай таклиф барбод бўлишга маҳкум бўлиб, Америкага ўзининг йўли бўйича ўзгариш ясаш имконини беради. Росулуллоҳ САВ тариқати бўйича ўзгариш ясаш эса холис Аллоҳ учун амал қиладиган, Росулуллоҳ САВга содиқ бўлган қувват аҳли бўлишини тақозо қилади. Бундай қувват аҳли рошид Халифаликни тиклашга ҳақиқий ҳаракат қилаётган Ҳизб ут-Таҳрирга ёрдам берадилар. Улар бошпана ва ёрдам берган ансорлар каби бўлиб қоладилар, натижада дунёю охиратда зафарга эришадилар, бу эса буюк зафардир… Кучли, Азиз Аллоҳ Ўзининг пайғамбарларига ва мўминларга дунё ва охиратда ёрдам берувчидир:

إِنَّا لَنَنصُرُ رُسُلَنَا وَالَّذِينَ آمَنُوا فِي الْحَيَاةِ الدُّنْيَا وَيَوْمَ يَقُومُ الْأَشْهَادُ  

«Албатта Биз пайғамбарларимизга ва имон келтирган зотларга ҳаёти дунёда ҳам, гувоҳлар (ҳозир бўлиб) турадиган кунда (қиёматда) ҳам ёрдам берурмиз» [Ғофир 51]

Ҳизб ут-Таҳрир                                                                      17 сафар 1436ҳ

Сурия вилояти                                                                        9 декабр 2014м