Демократик сайловларда сайламасангиз ҳам сайлайдилар, унда иштирок этиб ҳаром ишга қўл урганингиз қолади холос

بِسْمِ اللهِ الرَّحْمٰنِ الرَّحِيم

Демократик сайловлар юртимиз йўлбошчисини гўё халқ танлаган ишончли киши эканини оламга кўрсатиш учун холос. Бугунги Ўзбекистон режимида сиз азиз халқ овози аҳамиятсиздир. Сайлов қоғозида кимни танласангиз танланг, улар шу жараёнда қатнашганингиздан мамнунлар. Чунки бу билан сиз оламлар  Роббиси қонунидан бошқа нарсани – ботил низомни ихтиёр этганингиздан мамнун бўладилар. Зеро, уларнинг барчаси устингизда шариат татбиқи бўлишига қаршидирлар.

Сиз эҳтимол баъзи Исломий рукнларга изн беришларига умидвор бўларсиз. Намозингиз тўкис бўлса, рўзаларда кенглик қилишса, соқолингизни қириб ташламаса, қизларингиз рўмолига осилмасалар, ҳажга йўлларни очиб беришса, Қуръон ўрганишга тўсиқ бўлмасалар, минбарда бисмиллаҳ, десалар бошингиз осмонга кўтарилгудай қувонарсиз, балки чорак асрдан бери зиндонларда қолиб кетаётган, баъзан салафанларда ўлиги келаётган фарзандларингизни бағрингизга қайтарсалар қувончдан кўзларингиз намланар, лекин биз иймон аҳлига шулар кифоями?

Эй азиз халқ, қачонгача нариги золимдан кўра буниси тузук, деб ожизланасиз?! Яхши ва ёмон деган ўлчовингиз бунчалар қувватсиз, хақир бўлмаса! Устингиздагини зулмини наригисидан кўра озроқ экани учун шукр қилиб, умрни ўтказишга қачон кўникиб улгурдингиз. Бу каби ўлчовларни улоқтириш вақти аллақачон келганини сезмадингизми? Қолаверса, сиз эъзозлаган Қуръон ва Суннат бу аҳволингизга қандай қарашидан ғафлатдамисиз? Ахир, Аллоҳ Таоло:

وَمَن لَّمْ يَحْكُم بِمَا أنزَلَ اللّهُ فَأُوْلَـئِكَ هُمُ الظَّالِمُونَ

– “Кимда-ким Аллоҳ нозил қилган нарса билан ҳукм юритмаса, бас, ана ўшалар золимлардир”,                                      (Моида:45)

وَمَن لَّمْ يَحْكُم بِمَا أَنزَلَ اللّهُ فَأُوْلَـئِكَ هُمُ الْفَاسِقُونَ

– “Кимда-ким Аллоҳ нозил қилган нарса билан ҳукм юритмаса, бас, ана ўшалар фосиқлардир”,                                       (Моида:47)

وَمَن لَّمْ يَحْكُم بِمَا أَنزَلَ اللّهُ فَأُوْلَـئِكَ هُمُ الْكَافِرُونَ

– “Кимда-ким Аллоҳ нозил қилган нарса билан ҳукм юритмаса, бас, ана ўшалар кофирлардир”,                                     (Моида:44)

деб ўз каломида огоҳ этмаганмиди? Бас, шундай экан Роббимизга қайтайлик, зора нажот топгувчилардан бўлиб, даҳшатли Кундаги шармандаликдан халос бўлсак.

Сиз азиз халқни аввалда шом вилоятидаги сохта халифаликни кўрсатиб алдаган бўлса, ҳозирда афғондаги биродарларимизни ғарб фитналари билан чалғитиб қўрқитмоқдалар. Исломга ташна умматни ўша найранглари билан алдаб, мана сизлар хоҳлаётган Халифалик, деб жар солмоқдалар. Улар билмайдиларки, бу каби ёлғон ва макрларга алданадиган уммат кечаги эди. Бугунги уммат Расулуллоҳ ﷺ ўз асҳоблари билан тиклаган соф Ислом Давлатига кўз тикмоқда. Ва оламдаги барча инсониятни чинакам эзгуликка чорламоқда. Оламнинг бефарқ бўлмаган кишилари муаммолар асрига якун ясовчи Пайғамбарлик минҳожи асосидаги Халифаликка кўз тиккан. Ва бугуннинг чириб битган капитализмидан қўлларини ювиб қўлтиққа урганлар. Агар мусулмонлар устига кофир ғарб ўрнатиб кўйган малай президентлар ва уларга итоат қилишни вожиб деяётган сарой уламолари бўлмаганида эди, бу умматнинг эзгулик Давлати кўз очиб юмгунингизча тикланиб, қалбларга хотиржамлик берган бўларди.

Сиз азизлар ўн тўрт аср давомида азизликни мўминларга ҳамроҳ эта олган Халифалик Давлатини ҳаётга қайтариш учун тиним билмай ҳаракатда бардавом бўлган Хизб ут-Таҳрир чақириғига эргашинг. Зеро, инсоният учун ягона нажот йўли Аллоҳнинг ҳукмларига қайтишдир.

Ҳизб ут-Таҳрирнинг Ўзбекистондаги матбуот бўлими аъзоси Зайниддин

07.09.2021й