بِسْمِ اللهِ الرَّحْمنِ الرَّحِيمِ

Демократия & Ислом: Қайсиниси адолатли?

Ёдингизда бўлса, Демократия ва Ислом мавзусида бир неча фикрларимизни, жумладан “Капитализм & Ислом 1 – 2” каби мақолаларни биродаримиз Фарруҳ номидан тақдим этилган эди. Ушбу мақолани том маънода “Капитализм & Ислом 3” деб аташимиз мумкин.

Кейинги икки йил ичида дунё бўйлаб, Ислом мабдаси, Ислом ақидаси ўзининг жамиятни бошқаришга яроқли тузуми бор, деган тушунча инсонлар онгида, айниқса мусулмонлар орасида, ҳар йилгидан кўра кучли тарзда кенг тарқалди.

Табиийки, куфр олами бунга жим қараб тура олмайди ва натижада золим куфр оламининг мусулмонлар устида олиб бораётган қақшатгич қирғинларию моддий урушларидан ташқари, ўз Исломини, иймон келтирган ақидасини сиёсатни бошқаришга, жамиятни бошқаришга яроқли мабда (идеология) эканини тушуниб бораётган мусулмонлар онгини захарлаш, умматни уйғонишдан тўсиш учун турли йўлларни ўйлаб топиб, ишга солиб келмоқда.

يُرِيدُونَ أَن يُطْفِؤُواْ نُورَ اللّهِ بِأَفْوَاهِهِمْ وَيَأْبَى اللّهُ إِلاَّ أَن يُتِمَّ نُورَهُ وَلَوْ كَرِهَالْكَافِرُونَ

“Улар Аллоҳнинг нурини оғизлари билан ўчирмоқчи бўладилар. Аллоҳ эса, агарчи кофирлар ёқтирмаса ҳам, Ўз нурини тамомига етказишдан бошқа ҳар қандай ишдан бош тортади”.   (Тавба. 32)

Шундай макрлардан бири дейишимиз мумкин бўлган бир холат; мусулмонлар сиёсат ҳақида гапириши кўпайиб бораётгани сайин, баъзи демократия асли нима эканлигини ўзи аниқ тушуниб етмаган, айни дамда ўзини мусулмон деб санайдиган шахслар, Ислом эскилик сарқитига айланиб бўлган, у жамиятни бошқаришга яроқли эмас, Ислом тузуми бу назарияларда холос, демократия эса реал амалдаги нарса, шунинг учун, ҳадеб Ислом тузумини мақтаб, демократияни ерга уравермасдан, демократия мусулмонларга бераётган бошпаналарга ҳам эътибор беринглар, қабилидаги сўзларни кўп айтишмоқда.

Шу ўринда демократия мусулмонларга бераётган бошпаналарга бироз тўхталиб ўтсак.

Капитализм тузуми ўзининг жорий қилган эркинликлари сабабли инсон навини сақлаш деган, жамиятни сақлаб қолишдаги муҳим ғоялардан бирини оқлай олмаслигини исботлади. Яъни инсонларга мутлоқ эркинликлар берилиши натижасида, фақатгина ҳавойи нафсини иложи борича кўпроқ лаззатлар билан қондиришни асосий бахт деб тушуниб олган Ғарб олами халқи оила қуриш, туғиш, кўпайиш каби нарсаларни иккинчи даражага туширди ва бор куч – қувватини нафсини лаззатлантиришга қаратди. Бу холат секин – аста ўз натижасини бермай қолмади. Борган сари, ушбу маданиятни ҳаёт тарзига сингдириб олган Ғарб олами аҳолиси кескин камайиб борди, табиийки, бу бошқа томонлардан муҳожирларнинг келишини кўпайишига, ёрдам берди. 

Ва яна Ғарб олами ўзининг мустамлакаларини кўпайтириш учун, Ислом юртларида, мусулмонлар кўп яшайдиган жойларда олиб бораётган салбчилик урушлари натижасида, кўплаб мусулмонлар, мусулмонлар бойликлари эвазига таъминлаб олинган тинч давлатларга кетишга мажбур бўлишмоқда.

Энди яна тепадаги мавзуга қайтсак.Жамиятни бошқаришда капитализм (демократия) тузуми адолатлироқми ёки Ислом тузумими?

Бу саволга жавоб топиш учун, хозирда демократия олиб келган, инсонлар ҳаёт тарзидаги баъзи холатларни кўриб чиқишимиздан олдин, ўзини мусулмон деб хисоблаган дўстларимизга эслатиб қўймоқчимизки, Аллоҳ Таъоло тўғридан тўғри, оддий сўзлар билан, оддий маънода, турли айланма ботил йўлларга буриб бўлмайдиган тарзда, содда қилиб айтиб қўйган:

وَمَن لَّمْ يَحْكُم بِمَا أَنزَلَ اللّهُ فَأُوْلَـئِكَ هُمُالْكَافِرُونَ

“Ким Аллоҳ нозил қилган нарса билан ҳукм юритмаса, ундай кимсалар кофирлардир”.   (Моида. 44)

 Ана энди, ўша баъзи холатларга эътиборингизни қаратамиз…

•    Демократияда гейлик, лесбиянкалик каби жирканч, жамиятни бузулишга олиб борувчи холатларга бемалол қўйиб берилади. Исломда эса, тақиқланади.

•    Демократияда ароқ ичиб, маст аласт бўлиб юриш каби, жамиятни бузғунчиларга тўлдирувчи холатларга рухсат берилади. Исломда эса, тақиқланади.

•    Демократияда ота онасини қариялар уйига олиб бориш айб ҳисобланмайди. Исломда эса, тақиқланади.

•    Демократияда фарзандларини етимхоналарга ташлаганга ҳеч қандай чора кўрилмайди. Исломда эса, бундай жирканч иш тақиқланади.

•   Демократияда уйсиз кўчада қолганни “бомж” деб тахқир билан қараб кетилаверади. Исломда эса, биронта инсон бундай холатга ташлаб қўйилмайди.

•    Демократияда нима бўлишидан қатъий назар, ўша нарсадан фойда келадими йўқми, мана шу жиҳатига қаралади, агар фойдали бўлса, уни бемалол қилинаверади, масалан фоҳишахонлар очиш. Исломда эса, жамиятни бузувчи, умматнинг онгини фақатгина шаҳвоний хирс билан яшайдиган қилиб қўювчи, тубан холатларга олиб борувчи ҳар қандай ишлар, холатлар тақиқланади, жумладан мазкур фоҳишахоналар ҳам.

•    Демократияда халқ мулки бўлган табиий бойликларни бир неча капитал эгалари ўзлаштириб ўзиники қилиб олади, ва натижада уммат бойлиги саноқли шахсларда(олигархлар, миллиардерлар ва юқори табақа мансабдорларида) тўпланиб қолади, қолганлар эса хаққлари ўғирланаётганини хис қилмай, шу бойларга мардикорлик қилиб юраверади. Исломда эса, уммат мулкини умматга тўғри тақсимланади.

•     Демократияда бошқарувчи президент ёки бош вазир кабилар, манфаат учун яшаётгани сабабли, манфаат олдида ҳар қандай хоинликни қилаверади, муҳими халқ билиб қолмаса, ёки халқни турли ясама қонунлар билан алдашни имкони бўлса бўлди. Исломда эса, хукумат бошқарувчиси Халифа Аллоҳдан қўрқувчи, тақводор шахс бўлади ва олиб бораётган бошқарувини, сиёсатини умматдан яшириб ўз мафаати учун хизмат қилдира олмайди, у Аллоҳдан қўрқади.

•    Демократияда одамлар ўйлаб топган қонунларни бошқа одамлар устига жорий қилинаверади. Исломда эса, Аллоҳ берган қонунлар билан жамият бошқарилади.

•    Демократияда инсон ҳар қандай ишни қилаётганда, бу ишимга Аллоҳ нима дер экан, деган хаёл билан эмас, балки бу ишимдан қандай фойда келар экан, деб қилади. Исломда эса, ҳар қандай инсон, ҳар бир қилаётган ишида бу ишимга Аллоҳ нима дер экан, деб амал қилади. Ва хоказо…

Хурматли ўқувчи, сизнингча қайси тузум адолатли?

Ҳизб ут-Таҳрирнинг Ўзбекистондаги медиа офиси Муслим

04.01.2015й.