ДХХми ёки МХХми, у барибир мусулмонлар қонини ичадиган ташкилотдир

بِسْمِ اللهِ الرَّحْمٰنِ الرَّحِيم

Хабар: 2020 йилда Ўзбекистон Давлат хавфсизлик хизмати (ДХХ) идоралари саъй-ҳаракати билан 4 та террорчилик актининг олди олинди. Бу ҳақда ДХХ матбуот хизмати хабар қилди.

Аниқлик киритилишича, улардан 2 таси Ўзбекистонда, 2 таси МДҲ мамлакатларида содир этилиши режалаштирилган эди.

Ўтган йили экстремистик ва террористик ташкилотларнинг 67 та яширин гуруҳлари фаолиятига чек қўйилган. Экстремизм ва терроризмга алоқадорликда айбланиб, хорижда яшириниб юрган 98 нафар Ўзбекистон фуқароси мамлакатга олиб келинди ва жавобгарликка тортилган. (05.04.2021й. sputniknews-uz.com)

Изоҳ: Аввало, ДХХ бўладими ёки МХХми, номни ўзгаргани уни тўғриланиб ёки энди адолатли бир ташкилотга айланиб қолганини билдирмайди. Яъни қандай ном қўйилишининг эътибори йўқ. Ушбу ташкилот номда ўзгарган бўлса-да, аслида ҳали ҳам халқни қўрқитиб келаётган ёзувлик машинаси сифатида қолмоқда. Юқоридаги каби ҳисоботларни эса, ўз жиноятларини ва унга сарфланаётган улкан маблағларни оқлаш учун чиқаради. Хусусан ушбу ҳисоботда ташкилот “терроризм” ва “экстремизм”га қарши муваффақиятли курашгани билан мақтанибди. Ушбу атамаларнинг маъноси қўрқитиш, куч ишлатишни ҳамда асосан Ислом ва мусулмонларга қарши курашни назарда тутар экан, келинг, бир ўйлаб кўрайлик, одамлар кимдан кўпроқ қўрқади? Улар айтаётган “террорист” ва “экстремист”ларданми ёки айнан шу ДХХданми? Инсоф билан айтингчи, ахир шу ташкилотнинг ўзи мана неча йилдирки халқнинг юрагига қўрқув солиб келмаяптими? ДХХ ертўласи, деса одамларни қўрқувдан титроқ босмаяптими? Биргина номини эшитиш ҳам юракларни така-пука қилмаяптими? Демак, ҳақиқий террорист ва экстремист айнан шу ташкилотнинг ўзидир. Унинг қўли бегуноҳ одамлар қонига ботиб кетган, у бу шармандаликдан ҳеч қачон қутула олмайди. Агар эсингиздан чиққан бўлса, яна бир эслатиб қўйишимиз мумкин. Ушбу номларни ДХХ жуда яхши танийди. Бу мусулмонларнинг Роббим Аллоҳ дегани учунгина қамалишида ва инсон ақлига сиғмайдиган қийноқларга тутилишида айнан ДХХнинг ҳиссаси улкандир. Мана улардан баъзиларининг номлари:

Сиддиқов Жўрабой – 1958 йил, Андижон вилояти Ойим қишлоғи;

Саидмахмудов Саидазиз – 1971 йил, Тошкент вилояти Олмазор тумани;

Қодиржон Умрзақов Тешабоевич – 1964 йил, Андижон вилояти Қорасув шаҳри;  

Ахмедов Абдуҳаким Ахрорович – 1963йил, Тошкент шаҳри Учтепа тумани;

Қудратуллоҳ Сотволдиев – 1962 йил, Марғилон шаҳри;

Маҳмуджон Нўмонович Ҳасанов – 1974 йил, Андижон шаҳри;

Ҳолматов Икромжон Довудович – 1979 йил, Андижон вилояти Қорасув шаҳри;

Достон Абдураҳмонов – 1972 йил, Тошкент вилояти Чиноз тумани;

Ан Евгений – 1977 йил, Тошкент шаҳри;

Абдуғофир Тўлажонов – 1948 йил, Тошкент шаҳри;

Султон Мурод Мусаев – 1969 йил;

Абдураҳим Тўхтасинов Абдурауфович – 1971 йил, Андижон шаҳри;

Наиманов Каримжон Рустамович – 1975 йил, Тошкент шаҳри…

Булар денгиздан бир томчи холос. ДХХ қурбонлари сони мингларни ташкил қилади, бунга етим қолган фарзандлар, ўз жуфти ҳалолидан айрилган муслималар, фарзанд дардида куйиб адо бўлган ота-оналарни ҳам қўшинг. Биз буларни ҳеч қачон унутмаймиз. Яна шуни биламизки, у эълон қилаётган ҳисоботларнинг аксари бегуноҳ инсонларнинг қони эвазига бўляпти. Мусулмонларнинг покиза қони эвазига. Буларнинг барчасига Ислом тузумини татбиқ қилиш билан нуқта қўйиш мумкин холос. Фақат угина мазлумнинг ҳаққини золимдан олиб беради. Золимларнинг оқибати ҳақида эса, Аллоҳ Таоло шундай дейди:

وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ

– “Сен ҳаргиз, Аллоҳ золимлар қилаётган нарсадан ғофил, деб гумон қилма. Фақатгина уларни кўзлар қотиб қоладиган кунгача қўйиб қўяди, холос”.                                                                                                                          (Иброҳим:42)

Ҳизб ут-Таҳрирнинг Ўзбекистондаги матбуот бўлими. Фаррух

07.04.2021й