Куфр ҳаётига тақлид қилишни бас қилайлик

بِسْمِ اللهِ الرَّحْمٰنِ الرَّحِيم

Эрта тонгда қуёшнинг чиқишига қараб фикр юритганмисиз? Ёки қуёшнинг ботишини кузатиб, ўйлаб кўрганмисиз? Биз яшаётган ер яралибдики, қуёш ўз нурлари билан уни ёритади ва иситади. Лекин на чиқишида ва на ботишида ўзига белгилаб қўйилган вақтдан кечикмайди ёки илгарилаб кетмайди. Айнан унинг олдида заррадек бўлган биз инсонларда бор нарса ердаги ҳаётнинг давом этишида муҳим омиллардан бири бўлган шундай улкан қуёшда йўқ. Яъни инсонда бор бўлган ихтиёр унда йўқ.

Биз фикримизни ердаги инсонларнинг кўзига яққол кўринадиган нарсадан бошладик. Лекин қолган нарсалар ҳақида фикрлаб кўрсангиз ҳам, уларда инсонга берилган ихтиёрни топа олмайсиз. Бирида ҳаёт йўқ, бирида ақл йўқ, бошқаларида яна нималардир йўқ… Лекин инсонда ихтиёр билан бирга шу ихтиёрни амалда ижро қилувчи омиллар ҳам мужассам. Мисол учун ақл. Яъни инсон икки нарсадан бирини ақл юритиш орқали танлаш имкониятига эга. Худди куфр ёки иймондан бирини танлаш каби. Инсон ўз эътиқодини ўзи танлайди ва бу билан ҳаёт тарзини ҳам белгилайди. Агар инсон эътиқод қилаётган ақидасига тушуниб иймон келтирган бўлса, демак, у шу иймони билан бирга ўзи қабул қилган ақида бўйича яшашни ҳам танлайди. Бунинг учун эса, ақидага иймон қуруқ даъво эмас, ақл юритиб, тушуниб эришилган иймон бўлиши керак.

Демак, инсонда ихтиёр бор. Яъни ўз ҳаёти учун асос бўладиган ақидани танлаш ихтиёри.

Инсон бу каби имкониятлардан қандай фойдаланмоқда?

Бутун дунёга назар ташласак, халқаро миқёсда куфр қонунлари жорий қилинганини кўрамиз. Аллоҳга итоат қилишини даъво қиладиган мусулмонлар эса, ўз ҳаётларига Аллоҳнинг ҳукмларини татбиқ қилиш учун ҳаракат қилиш ўрнига, ғарбнинг куфрий ҳаётига тақлид қилиб яшашга интилмоқда. Шунинг учун мусулмонлар яшайдиган юрт бўлсак-да, ҳаётимиз борган сари бузуқлик ботқоғига ботиб бормоқда. Бу ҳолатни ҳаётнинг исталган соҳасига назар ташлаб ҳис қилишингиз мумкин. Ҳатто исломий тушунчаларга ғарбча қараш шаклланиб улгурди. Демократия каби куфрни Исломдан, деб билиш ҳам бу фикрларимизнинг исботидир.

Шу ўринда, ҳавас қилаётганингиз, унинг ҳаётидек яшашга интилаётганингиз ғарб ҳаётига назар солиб, тафаккур қилишга чақирамиз. Ташқи томондан моддий бойликлар билан безатилган ҳаётнинг ичкариси, яъни асли қандай эканлигига озгина эътибор билан қараб баҳо бериш керак.

Аслида биз ўз Исломимизни ҳаётимизга татбиқ қилсак, бизнинг ҳаётимиз ғарб ҳаётидан анчайин гўзал, фаровон ва хотиржам, ҳатто моддий жиҳатдан ҳам юксак бўлиши аниқ. Исломни ўрганайлик ва уни ўз ҳаётимизга, жамият ҳаётига татбиқ қилиш учун бирдамликда ҳаракат қилайлик.

Ҳизб ут-Таҳрирнинг Ўзбекистондаги медиа офиси. Абдуллоҳ

01.01.2020й