بِسْمِ اللَّـهِ الرَّحْمَـٰنِ الرَّحِيمِ

Роя газетаси:

Душманларимиз кучлилиги сабабли эмас, балки бўлиниб кетганимиз учун биздан ғолиб келишяпти

Мьянма ҳукумати роҳинга мусулмонларига қарши содир этаётган қирғинлар, мусулмонлар бошига тушган қатор мусибатлардан биридир. Уларнинг мусибатини Фаластин, Кашмир, Чеченистон, Шарқий Туркистон ва бошқа ерлардаги мусулмонлар мусибатига қўшимча қилиш мумкин.

Мусулмонлар қонини тўкиш фақат улар диний озчилик бўлиб яшаётган юртларгагина чекланмади. Балки бугун АҚШ етакчилигидаги Ғарб бутун дунё даражасида Ислом ва мусулмонларга қарши уруш очди. Афғонистон ва Ироқнинг босиб олиниши, Сурия, Ливия, Яманнинг вайрон қилиниши, Покистон ва Яманда мусулмонларнинг учувчисиз бошқариладиган самолётлар билан қирғин қилиниши, Суданни бўлиб ташланиши… булар салибчилик урушига мисоллар бўлиб, бу уруш ўз ортидан миллионлаб қурбонларни, сон-саноқсиз бошпанасиз инсонларни қолдирди. Бу мусибатларнинг барчасига, исломий юртлардаги ҳукмдорларнинг ғарблик хўжайинлари билан айни ифлос урушда ҳамкорлик қилишаётгани дард устига чипқон бўлди.

Ислом Уммати ташқаридаги душманлар ва ичкаридаги хоинлардан кўраётган бу мусибатлар янгилик эмас. Ғарб илгари ҳам Шомда салибчилик урушлари қилган, мўғуллар исломий юртлардан катта минтақани босиб олишган… мусулмонлар мислсиз даражада қатли омларни бошдан кечирганлар… Салибчилар Қуддусга ҳужум қилишганда мусулмонлар қони дарё бўлиб оққан… Мўғуллар қилган қатли омда мусулмонлар қони Фурот дарёси рангини қизил ранга ўзгартириб юборган…

Ўшанда салибчилар ва мўғулларнинг мусулмонларни қирғин қилиб, ғолиб келишганига уларнинг кучлилиги сабаб бўлган эмас. Йўқ, бунинг сабаби, мусулмонларнинг сиёсий жиҳатдан бўлиниб кетганлари сабаб бўлган. Чунки айюбийлар билан салжуқийлар ва Онадўлидаги турклар бир-бирлари билан низолашишгани сабабли, салибчилар, мўғуллар ва византияликлар шижоатланиб кетишди, шу орқали ўзларининг регионал жиҳатдан кенгайиш истакларини амалга оширишга мувафақ бўлишди.

Мусулмонлар бундай офатлардан, салибчилар ёки византияликлар ёхуд мўғуллардан ёрдам сўраш орқали қутулмаганлар. Шунингдек, исломий оламдаги бошқа куфр кучларининг тарқалишига чек қўйиш йўлида шу кофир кучлардан бирортаси билан коалиция тузилган эмас. Балки ечим Мисрдаги мамлуклардан мусулмонларни бирлиштиришни, бинобарин, босқинчи кофир кучларни қувиб солишни тақозо этган. Кофир кучларнинг қувилиши бошқа душман давлатлар қалбига қутқу солган, натижада улар ўзларида яшаётган мусулмонларни репрессия қилишдан тийилишган… шу тарзда холис бошқарув соясидаги сиёсий бирлик, бир эмас, икки муаммони ҳал этган. Мамлуклардан сўнг усмонийлар Халифалик давлати етакчилиги остида хоҳ ичкарида бўлсин, хоҳ ташқарида бўлсин, барча мусулмонлар қони ва номусини ҳимоя қилиш бурчини адо этганлар.

Худди шу каби, бугун роҳинга мусулмонларига, Ливия, Яман ва Суриядаги мусулмонларга қарши содир этилаётган қирғинларнинг туб ечими ҳам, Фаластин, Кашмир, Ироқ, Шарқий Туркистон… каби юртларнинг озод этилиши масаласи ҳам, мустамлакачи кофир давлатларнинг исломий юртларга бурун суқишлари масаласи ҳам фақат битта йўл билан, яъни, мусулмонлар ўртасидаги сиёсий бирлик билан ҳал бўлади. Мусулмонлар ишларига БМТ ва халқаро ҳамжамиятдан аралашиш ва ёрдам беришни талаб қилиш эса, мисоли, қўйларни ҳимоя қилиш учун бўрилардан ёрдам сўраш билан баробар.

Демак, туб ечим: мусулмонлар орасидаги қудрат ва ёрдам аҳлининг Ҳизб ут-Таҳрирга нусрат-ёрдам бериб, биргаликда Пайғамбарлик минҳожи асосидаги иккинчи рошид Халифаликни барпо этишларидан иборат. Ушбу Халифаликкина Ислом юртларини битта етакчилик ва битта байроқ соясида ла илаҳа иллаллоҳ Муҳаммадур Росулулуллоҳ байроғи остида бирлаштиришга қодир. Ана шунда қайтадан Ислом тонги отади, мусулмонлар ва бутун башарият тинчлик ва хавфсизлик неъматига ноил бўлади. Аллоҳ Таоло бундай деди:

وَمَا أَرْسَلْنَاكَ إِلَّا رَحْمَةً لِّلْعَالَمِينَ

«(Эй Муҳаммад), дарҳақиқат Биз сизни барча оламларга фақат раҳмат қилиб юбордик»[Анбиё 107]

Роя газетасининг 2017 йил 13 сентябр чоршанба кунги 147-сонидан