Эй мусулмонлар! Асло бўшашманг, курашни давом эттиринг!

بسم الله الرحمن الرحيم

Ички ишлар вазирлигининг расмий сайтида “Диний мутаассиблик жавобгарликка сабаб бўлади” сарлавҳаси остида хабар эълон қилинди. Унда жумладан шундай дейилади:

“2023 йилнинг февраль ойида ижтимоий тармоқларда араб давлатларида кенг тарқалган “бурқа” кийган номаълум аёлнинг “Аёллар эҳтиёт бўлинг” номли видеолавҳаси тарқалди. Унда аёлларнинг ташқи кўриниши танқидга олингани акс этган.

Ушбу ҳолат юзасидан ўтказилган ўрганишлар давомида мазкур видеоролик муаллифи 2003 йилда Тошкент шаҳрида туғилган, пойтахтдаги олий таълим муассасаларининг бирида таҳсил олувчи фуқаро Қ.Ш. эканлиги аниқланди ва 2023 йил 2 март куни Шайхонтоҳур тумани ИИО ФМБга таклиф этилди. …суд идоралари томонидан фуқаро Қ.Ш.га нисбатан Маъмурий жавобгарлик тўғрисидаги кодекснинг 184²-моддаси (Диний мазмундаги материалларни қонунга хилоф равишда тайёрлаш, сақлаш, олиб кириш ёки тарқатиш) билан базавий ҳисоблаш миқдорининг 50 баробари миқдорида жарима жазоси тайинланди”.

Бундан аввал ҳам шунга ўхшаш ҳолат юз берганди. Ўшанда Буюк Ипак Йўли метро бекати ёнида жойлашган “Milavitsa” аёллар ич кийими дўконининг рекламасини танқид қилган йигит ҳам БҲМнинг 3 баробари миқдорида жаримага тортилганди. Ушбу муслим ва муслималар ўзлари эътиқод қиладиган Ислом динининг буйруқ ва тақиқлари асосида фикр билдирдилар. Зотан, яхшиликка буюриб, ёмонликдан қайтариш барча мусулмонларга фарз қилинган амаллардандир. Аллоҳ Таоло айтади:

كُنْتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنْكَرِ وَتُؤْمِنُونَ بِاللَّهِ ۗ وَلَوْ آمَنَ أَهْلُ الْكِتَابِ لَكَانَ خَيْرًا لَهُمْ ۚ مِنْهُمُ الْمُؤْمِنُونَ وَأَكْثَرُهُمُ الْفَاسِقُونَ

– “(Эй Уммати Муҳаммад), одамлар учун чиқарилган миллатларнинг энг яхшиси бўлдингиз. Зеро, сиз маъруфга буюрасиз, мункардан қайтарасиз ва Аллоҳга иймон келтирасиз.                                                                       (Оли Имрон:110)

Бироқ динни ҳаётдан ажратишга асосланган куфр тузумида мусулмонлар ўз эътиқодларига кўра бирор воқеа-ҳодисага муносабат билдирсалар, улар жазоланишади. Мусулмонларга келганда сўз эркинлиги ҳукуматнинг “эсидан” чиқиб қолади. Қандай ҳам унга риоя қилсин, ахир сўз эркинлиги кофир мустамлакачи Ғарб ўйлаб топган чўпчак эканлиги аллақачон фош бўлиб улгурган бўлса. Мана, Америкада биринчи ҳижобли депутат сифатида танилган Илҳан Умар (Исроил)ни танқид қилгани учун ташқи алоқалар қўмитасидан чиқариб ташланди. Бу ҳақида ББС ахборот агентлиги хабар тарқатган эди. Агар Илҳан Умар Қуръони Каримда келган яҳудийлар ҳақидаги оятларни танқид қилиб чиққанда эди, дарҳол “сўз эркинлиги” даъвоси билан олқишларга сазовор бўларди. Швеция ва бошқа Европа давлатларида Қуръони Карим ёқилди. Бундай манфур жиноятга ана шу давлатлар рухсат бериб, Қуръонни ёққан кимсани полиция ҳимоя қилиб ҳам турди. Ёки Францияда пайғамбаримиз Муҳаммад ﷺ карикатура қилинди ва буни давлат сўз эркинлиги сифатида ҳимоя қилди. Демократия ҳомийлари бўлмиш бу давлатлар сўз эркинлиги борасида иккиюзламачилик қиладилар. Манфаат бўлса сўз эркинлигига рухсат берилади, бўлмаса йўқ.  Демократик қадриятлардан бири бўлган сўз эркинлиги сохта ва икки хил стандартларга асосланган экан, ўзбек ҳукумати қандай ҳам унга амал қилсин?! Бу ўзбек ҳукуматининг ўзи қабул қилган принцип ва қонунларига умуман амал қилмай келишига яна бир далилдир.

Юқоридаги хабарда айтилишича, кимдир диндан гапирмоқчи бўлса, қонун бўйича аввал Ўзбекистондаги динга алоқадор идоралардан рухсат олиши керак экан. Бу ҳам дин қаттиқ назорат остида эканлигини кўрсатади. Ваҳоланки, демократияда давлат дин ишларига аралашмаслиги керак. Асосийси шуки, Исломда динни муайян одамлар етказсин, деган кўрсатма йўқ. Исломда динни салла-чопонлилар, дипломи борлар… етказсин, деган гап ҳам йўқ. Абдуллоҳ ибн Амр розияллоҳу анҳудан ривоят қилинади, Набий ﷺ:

بَلِّغُوا عَنِّي ولو آية

«Мендан бир оятни бўлса ҳам етказинглар, дедилар». (Бухорий)

Дин анави демократияни кўр-кўрона татбиқ қилишга ошиқаётган ҳукуматни хоҳишига кўра ва у белгилаб берганидек ҳам етказилмайди, балки Шариат қандай белгилаб берган бўлса, шундай етказилади. Бугунги тузумда эса, динга даъват қилиш жиноят сифатида баҳоланаётганини кўриб турибмиз. Шуларга кўра айтамизки, устимизда ботил тузумни татбиқ қилаётган ҳукуматда на холислик бор, на бир принцип, унинг якка-ю ягона муқаддас нарсаси бу манфаатдир. У Ислом мафкурасига енгилганидан сўнг фақат кучга таянишдан ўзга йўли қолмади. Шунинг учун ҳам мусулмонларни Исломнинг фикр ва аҳкомларини ўрганишдан, уларга амал қилишдан узоқлаштириш мақсадида шафқатсиз кураш олиб бормоқда. Бу унинг заифлигидан, ич-ичидан чириб битганидан, қулашга яқин қолганидан дарак беради.

Биз юртимиздаги мусулмон ака-укаларимиз, опа-сингилларимизга хитобан айтамизки, ҳукуматнинг бундай сиёсатига қарши туришда давом этинг! Унга қарши қилган ҳар бир ҳаракатингиз, ҳар бир сўзингизни кам санаманг. Чунки мана шундай арзимасдек кўринган амалларингиз анави бадбахт ҳукумат ва у татбиқ қилаётган ботил тузумнинг мўрт пойдеворидан бир ғиштнинг кўчишига, унинг янада заифлашишига сабабчи бўлади. Орамиздан чиқаётган ҳақни етказишдан қўрқмайдиган, Аллоҳнинг фарз қилган амалларини куч-тоқати, имконияти даражасида бажаришга интилаётган биродарларингизни қўллаб-қувватланг! Айниқса, бугунги мавзумиз қаҳрамони бўлган муслима синглимиз сингари жасоратли, иффатли, покдомон аёлларимизни анави золим ҳукуматга хорлатиб қўйманг!

فَاسْتَقِمْ كَمَا أُمِرْتَ وَمَن تَابَ مَعَكَ وَلاَ تَطْغَوْاْ إِنَّهُ بِمَا تَعْمَلُونَ بَصِيرٌ

– “Бас, буюрилганингдек мустақим тур ва сен билан тавба қилганлар ҳам. Туғёнга кетманглар. Албатта, У қилаётган амалларингизни кўриб турувчидир”.  (Ҳуд:112)

Ҳизб ут-Таҳрирнинг Ўзбекистондаги матбуот бўлими аъзоси Форуқ

14.03.2023й