بسم الله الرحمن الرحيم

Роя газетаси:

Эй Шом аҳли, ўзгармас-собит асосларсиз ҳеч қандай қўзғолон тўғри бўлмайди

Устоз Омир Солим Абу Убайда

Қўзғолон (الثورة) сўзи фикр ва тушунчалар, урф-одатлар, мавжуд тузумлар тўпламининг инқилобий равишда ўзгаришини ҳамда мавжуд воқеликни тубдан қўпориб ташлаб, ўрнига янги воқеликни ўрнатишни англатади. Бутун тарих давомида халқлар ўз воқеига қарши қўзғалиб келган. Қўзғолонлари орқали тўғри йўлни белгилаб, ўша йўл бўйича юришга ва кўзланган мақсадларига етишга ҳаракат қилишган. Франция қўзғолонини таъкидлаш тариқасида эмас, мисол тариқасида келтирадиган бўлсак, унда черков истибдодига, динни ниқоб қилиб ҳукм юритишга қарши қўзғолон қилинган бўлиб, то айни мақсад ҳосил бўлмагунча унинг олови ўчмаган.

Шомдаги қўзғолон эса, башарият таниган тузумлар ичида энг ваҳший тузумга қарши, яъни Ислом давлатини ағдариб, ўрнига тикланган ва Шомдаги Асад режими унинг бир қисми ҳисобланган энг ваҳший халқаро тузумга қарши кўтарилган муборак қўзғолондир.

Бу қўзғолон чуқур илдиз отган тизимни ер билан яксон этиб, ўрнига узоқ вақтлар давомида ҳаётдан йўқ қилинган Исломни қайта олиб келиш мақсадида кўтарилди. Бунга яққол далил – унинг масжидлардан келиб чиққанлиги ҳамда унинг ўзлигини англатган шиорлардир.

У – куфрни Исломга алмаштиришни ва ўн уч асрдан зиёд вақт мобайнида улуғвор бўлиб келган қалъани қайта тиклашни истаган қўзғолондир.

Бироқ уни мағлубиятга учратиш йўлида тил бириктирувчилар ҳамда мол-дунёларини сарфлаб, уни жиловлаб олувчилар чиқди ва бу истакларига етишди ҳам… Фақат қўзғолоннинг бир қисми омон қолди, холос.

Хўш, Шом қўзғолонининг ортга кетиши ва адашишига ҳамда баъзи хусусиятларини йўқотишига сабаб нима?!

Сабаб аниқ-равшан, бу қўзғолон ўзига ўзгармас-собит асосларни қабул қилмади. Чунки ўзгармас-собит асослар – ҳаракат йўлидир, бу йўлни ёритувчи ҳидоят чироғидир. Ахир, ўзгармас-собит асос ва ҳаракат режаси бўлмаган қўзғолон қандай қилиб тўғри кетиши мумкин?!

Биласизми, ҳар бир нарсанинг ўзгармас-собит асоси бўлади, ҳаракатланувчи шу ўзгармас-собит асосга биноан ҳаракатланади ва шу собит асоси бўлмаса, ҳаракатланувчи барбод бўлади? Мусулмон инсон ҳаётида исломий ақида бўлишини ва ундан балқиб чиққан аҳкомлар ўзгармас-собит асослар эканини биласизми? Қўзғолоннинг ҳам ўз ўзгармас-собит асослари борлигини, шу асосларсиз барча қурбонликлар зое кетишини, қимматли нарсалар бекорга сарфланишини биласизми? Хўш, қўзғолоннинг ўзгармас-собит асослари нима?

Бу собит асослар нима эканини айтишдан олдин, агар уларни ўзимизга ўзгармас-собит асос қилиб олмасак, нима бўлиши мумкинлигини айтайлик. Қачон уларни ўзимизга собит асос қилиб олмасак, у ҳолда, биз унга қарши жанг қилаётган, биз ўлдирмоқчи бўлаётган душман дўстга айланиб қолади, энди, уни ўлдиришга эмас, балки дўстлигини қозонишга ҳаракат қиладиган бўлиб қоламиз! Номусингизни топтаётган, ҳурларингизга тажовуз қилаётган душманни, дастурхонингизга ўтқазиб, иззат-икром кўрсатадиган бўлиб қоласиз! Сиз овозини эшитишни ҳам, қорасини кўришни ҳам истамаган душман, энди, хўжайинингиз, қўшнингиз, дўстингиз, ҳамкорингиз, меҳмонингиз, сирдошингиз, ҳатто қизингизни берган куёвингиз бўлиб қолади!!

Қандай қилиб душман бизга ғамхўрлик қилувчи ва хавфсизлигимизга жавобгар, фарзандларимизга вакилга айланади?! Қандай қилиб душман дўстга айланди?! Наҳотки, бу режим билан ярашиб, кўз олдингизда ака-ука, опа-сингилларингизни ўлдиришига қўйиб беришингиз, бунга сукут қилишингиз мумкин бўлса?! Қандай қилиб сиз қарши чиққан тизимнинг ҳалқаларидан бўлган давлатларга ишонишингиз мумкин?! Ўзингиз Росулуллоҳ байроғидан бошқани байроқ қилиб кўтариб, Исломдан бошқани альтернатив қилиб олган бўлсангиз-у, яна ё Роббим, нега менга нусрат бермаяпсан, дейишингиз тўғри келадими?!

Ҳизб ут-Таҳрир қаттиқ саъй-ҳаракат қилиб, сизни қонхўр режимни ағдаришни ўзгармас-собит асос қилиб олишга 2014 йилдан буён даъват қилмаяптими?! Одамлар режимни ағдаришни мақсад қилиб олишдию,  бироқ ўзгармас-асос қилиб олишмади. Шунинг учун биз бу одамлар дастурхонида қонхўр режим одамларини иззат-икром қилинаётганини кўриб турибмиз.

Энг ёмон мусибат – одамларнинг ўлчовни йўқотиб қўйиб, итоатсизлик қилишаётгани ва зое кетишаётганидир. Ахир, Шом аҳли ҳам бугун зое кетмаяптими?! Агар улар Ҳизб ут-Таҳрирни ўзларига сиёсий етакчи қилиб олиб, режимнинг башараларию таянчлари билан қўшиб ағдаришни қўзғолондаги собит асосга айлантиришганда ҳамда ўзларини дўст, дея иддао қилаётган анави давлатлар билан алоқаларини узишганда эди, шу кунларга тушармиди?!

Қандай қилиб, Аллоҳ рози бўладиган лойиҳани қабул қилмай, Аллоҳ нусратини умид қиласиз?! Сиз Умматингиз лойиҳасини қўйиб, дунёвий тузумни, фуқаровий, демократик давлатни, Ғарб лойиҳасини олсангиз-у, Аллоҳ нусрат берадими сизга?! Ахир, Умматингиз лойиҳаси – Ҳизб ут-Таҳрир Қуръону суннатдан истинбот қилиб, сизга тақдим этган, Аллоҳнинг ваъдаси ва Росули Aнинг башорати бўлмиш Пайғамбарлик минҳожи асосидаги рошид Халифалик лойиҳаси-ку?! Шунингдек, Ҳизб ут-Таҳрир Қуръону суннатдан истинбот қилиб, сизга тақдим этган, Аллоҳнинг ваъдаси ва Росули Aнинг башорати бўлмиш Пайғамбарлик минҳожи асосидаги рошид Халифалик лойиҳаси-ку?!

Шомдаги, Идлибдаги ва Шомнинг бошқа ерларидаги қолган қўзғолон аҳлига айтар сўзимиз:

Олдингизда олтин фурсат турибди. Бу сизнинг қудратли бўлиш фурсатингиздир. Қудратки, у билан қонхўр режимни бутун гумашталарию иттифоқчилари ва хўжайинлари билан қўшиб дафн қила оласиз, қайтиб уларнинг изи ҳам кўринмайдиган қилиб йўқ қила оласиз… Умматга эса, нафақат Шомда, балки бутун дунёда халоскорлик йўлини кўрсатасиз. Бас, ушбу ўзгармас-собит асосни қабул қилинг ва қаерда бўлманг, уни фаолиятингизга асос қилиб олинг.

Умматнинг Шомдаги ўзгармас-собит асослари қуйидагилар:

Режимни башараларию таянчлари билан қўшиб ағдариш;

Куфр давлатларидан халос бўлиб, уларнинг нуфузларига якун ясаш;

Пайғамбарлик минҳожи асосидаги рошид Халифаликни барпо этиш.

Эй Шом аҳли, сиздан бошқалар хато қилишди, сиз бундан ибратланинг, умид тугамайди, у ҳамон мавжуд, у пасангини ўзгартирадиган, қўзғолон йўлини қайта ёритадиган умиддир. Ана шунда икки ҳовлида ҳам зафар қучасиз. Бу Аллоҳга ҳаргиз мушкул эмас

﴿إِنَّ فِي ذَلِكَ لَعِبْرَةً لِأُوْلِي الْأَبْصَارِ﴾

«Албатта бунда фикр эгалари учун ибрат бор»     [Оли Имрон 13]

Роя газетасининг 2018 йил 29 август чоршанба кунги 197-сонидан