Эй Уммат! Хорлик ботқоғидан азизлик қучоғига қачон қайтасан?!
بسم الله الرحمن الرحيم
Эй Уммат! Хорлик ботқоғидан азизлик қучоғига қачон қайтасан?!
“Сизнинг бугунги ҳолатингиз хорликдан ўзга нарса эмас” десак “Йўқ, биз тинчмиз” дейсиз, “Нахотки зулмларни хис қилмаётган бўлсангиз, ахир бошингизда кофирнинг малайи ўтириб олиб истаганини қиляпти” десак, “Тинчликни ушлаб турган юртбошимиз омон бўлсин” дейсиз, “Сиз Исломни, иймонингизни унутиб қўймоқдасиз, бу ҳукумат ва унинг хизматида бўлган имомлар сизни алдашмоқда” десак, “Тинчлик бўлса барчаси топилади” дейсиз. “Кўзингизни очинг, сизни қулдек кўришмоқда, бойликларингизни ит каби талашмоқда” десак, “Юқорида ўтирганлар нима қилишни ўзлари яхши билишади” дейсиз, “Ахир сиз бугунгидек хорликка лойиқ эмассизку, сизни куфр билан бошқаришмоқда” десак, “Сиёсатга аралашма” дейсиз.
Биз даъватчилар сиз учун киммиз, Эй Уммат! Биз сизнинг фарзандларингиз эмасмизми?! Нега ҳукуматдан бўлган қўрқувингизни бир озга унутиб Ислом даъватига қулоқ очмайсиз, бизнинг мамлакат аҳолиси наҳотки Пайғамбаримиз соллаллоҳу алайҳи ва саллам даврларидаги — даъватни қабул қилмай қўйган — Макка аҳлига ўхшаб қолса?! Ҳаётимизни ечилмай қолаётган муаммолар билан тўлдириб ташлашди. Яшаш тарзимизга назар солинса, ҳар бир муаммоимиз Ислом билан ечим топади. Нега шу муаммоларни кўтариб юргунча Ислом билан ечиб олмаябмиз ёки Исломимиздан ечим олишимизга нега йўл беришмаяпти?! Бизларни Ислом билан яшашимиз кимларга оғирлик қилади?! Кимлар бугунги куфрий бошқарув остидаги ҳаётни “Исломга монанд” деб бизларни алдамоқда?! Атрофимизга назар солайлик ва адолатсизликларнинг бошланиши қаерга бориб тақалаётгани тўғрисида фикр юритайлик.
Кўриб турибмизки ҳукуматнинг манфаатларига хизмат қилувчи оммавий ахборот воситаларида Исломий даъватчиларни қоралаш ва даъват ишларини одамларга ёмон кўрсатишни мақсад қилган дастурларнинг кети узилмай қолди. Қанчадан-қанча даъватчилар қамалиб, юртдан қувилиб ҳамда шаҳид бўлган ва бўлаётган бўлишларига қарамай Аллоҳнинг инояти билан инсонлардаги Исломга харислик йўқ бўлиб кетмади. Шунинг учун ҳукуматнинг Исломий даъватчиларга нисбатан адоватли душманлиги ортса ортиб бормоқдаки асло камайгани йўқ. Бу ҳукуматнинг Исломга нисбатан душманлиги қилаётган ишларида намоён бўлган бўлсада бундай ҳақиқатни тушунмаётган ва тушунишга имконияти бўла туриб тушунишни истамаётганлар ҳам йўқ эмас. Бу нарсаларни англаганлар жуда яхши хис қилмоқдаларки Ўзбекистон ҳукумати ашаддий жиноятчилардек Исломга қарши бор куч ва имкониятини сарфлаб ҳаракат қилмоқда.
Мана шундай ҳолатга келиб қолишимиз қандай рўй берди?
Мустақиллик йилларининг бошларида халқ омматан Исломий туйғуга бурканди ва Исломга мойиллик кундан кунга кучайиб борди. Ана шу даврларда бу ҳолатни кузатиб турган ва ўзининг куфрий бошқарувига раҳна солиши мумкинлигини тушунган ҳукумат Исломга қарши Исломий деб танилган шахслардан фойдаланишга қарор қилди. Яъни халққа нисбатан қўполлик билан муомила қилишдан ўша даврларда қўрққан ҳукумат бошқарувчилари ўзларини Исломий қилиб кўрсатишга уруниб ва ўзларига хизмат қиладиган уламоларнинг оят ва хадисларни таъвил қилиши орқали Исломни ниқоб қилган ҳолда мусулмонларга нисбатан курашни бошлаб юборди.
Аввало “Ислом аста секинлик билан” деган, яъни Исломга амал қилишда босқичма босқичликни ёқловчи тадрижийлик тушунчаси одамлар онгига сингдирилди. Яъни бундан Исломий амалларга бўлган харисликни сустлаштириб, Исломга тўлиқ амал қилишга журъат қилган мусулмонларнинг журъатларини пасайтириш мақсад қилинган эди. Чунки айтиб ўтганимиздек ўша даврларда худди бугунгидек даъватчиларни очиқча қамаб, масжидларни истаган вақтда ёпиш, муслималарнинг рўмолларига қўл чўзишга ҳукуматнинг журъати етмас эди. Шундай қилиб ҳукуматнинг эътибори жамиятдаги инсонларни етаклай бошлаган Исломий даъватчилардан жамият бошқарувини тортиб олишга қаратилди. Яъни “Динда мажбурлаш йўқ” деган тушунча бошқа асл маъносидан бошқа томонга йўналтирилиб, инсонларнинг онгида даъватчиларнинг Исломга мувофиқ қилаётган даъватлари борасида худди динга мажбурлашдек тушунча хосил қилинди. Бу ишлар имомлар ва диний деб танилган шахслар орқали амалга оширилди. Аслида эса ҳукумат ва унинг бошқарувида динга адоватли кишиларнинг кофир хўжайинлари томонидан чуқур ўйланган режалар асосида ишлар олиб борилди. Баъзи имомлар ва уламолар ана шу режани амалга ошириб беришдаги хизматчилар бўлишди. “Шохнинг амри вожиб” деган тушунчани бугунги ботил тузумни татбиқ қилаётган ҳокимларга итоат қилиш томон буришди. Аслида эса мусулмон инсон Исломни татбиқ қилаётган бошлиққа итоат қилиши вожиб хисобланади, куфр тузумини татбиқ қилаётганга эмас. Асосий ҳаракатлар халқнинг сиёсийлигини пасайтиришга қаратилди. Яъни “Сиёсатга аралашма” тушунчаси одамларнинг онгида мустаҳкам ўрнашиши учун жиддий фаолият олиб борилди ва бугунги кунда ҳам ҳукуматнинг бундай фаолияти ҳар хил шаклда давом этиб келмоқда.
Қолаверса бошлиқлар жамият бошқарувини бурч сифатида билмадилар, улар бу ҳолатни ўзларининг давлат орттиришлари учун берилган имконият сифатида кўрдилар. Вахолангки улар ўз мансабларини Аллоҳ Таъоло томонидан берилган синов деб эмас, аксинча бошқалардан кўра фарқли тоифа вакиллари бўлганликлари учун ўзларига берилган мукофот деб билдилар ва улар бу мукофотни хўжайинлари бўлган мустамлакачи давлатлар томонидан берилган ҳиммат дея қабул қилдилар. Шунинг учун бошқарувдаги бирламчи вазифалари шу мустамлакачи давлатларга хизмат қилиш дея тушуниб қолишди. Бу бошқарувчилар ана шу тушунчалари асосида мустамлакачи давлатларнинг кўрсатмаларидан заррача четга чиқа олмайдилар, юзаки қараган инсонларда баъзида улар етакчи давлатларга қулоқ солмаётгандек кўриниши мумкин, лекин чуқур фикрлаган инсонлар бу кўринишнинг алдамчи эканлиги ва улар ўз бошқарувларини мустаҳкамлаш учун айнан ана шу етакчи давлатлар кўрсатмалари асосида иш олиб боришаётганини яхши тушунадилар.
Албатта бир мақолада жамиятни алдашдаги уларнинг барча кирдикорларини очиб бериш қийин. Бизнинг бу борадаги мақолаларимиз аввалдан сизларга тақдим қилиб келинмоқда. Ҳизб сифатидаги фаолиятимиз мобайнида ана шу ботил бошқарувчиларнинг аслида куфрга малай эканлиги ва умматга нисбатан хиёнат қилишлари очиб келинади. Буларга холисона қулоқ солган биродарлар фикр юритиб ҳукуматларнинг қилаётган ишларига чуқур назар ташласалар у золим, хоинларнинг умматга зулм қилаётганликларини англашлари қийин эмас.
Юқорида айтиб ўтилганлардан хулоса қилинадиган бўлса бу ҳукуматлар халқнинг уйғонишини ва ўз ҳақ ҳуқуқларини талаб қила олиш даражасига боришини асло хоҳламайдилар. Шунинг учун жамиятдаги оммавий илмсизликни янада кучайтиришга қаттиқ эътибор қаратмоқдалар. Бу эътиборларининг асосий қисми Исломий тушунчалардан жамиятни узоқлаштиришга қаратилган бўлиб, жамиятнинг Исломий уйғониши улар учун жуда катта фожеа хисобланади. Чунки бу золимона бошқарувдан қутулишнинг ягона йўли Ислом шариати бўйича ҳаракат қилишдир. Улар буни яхши идрок қиладилар ва шунинг учун жамиятни Исломдан узоқлаштиришга тиш тирноқлари билан ҳаракат қилиб келмоқдалар.
Эй Уммат! Биз сизнинг фарзандларингиз сифатида бугунги хорликлардан халос бўлишингизни истаймиз! Бу жирканчли жиноятларни қилишдан ўзини тиймайдиган ҳамда инсонийлигини йўқотган, ботил тузумни татбиқ қилувчилар ва уларнинг шу тузумлари билан бирга воз кечишингизни истаймиз! Устингизда манфур бошқарувчилар турганини ва уларнинг татбиқ қилаётган тузумлари орқали Сизга қанчалар зулм қилаётганини билишингизни, идрок этишингизни истаймиз! Ҳамда Сиз ва кейинги авлодларингиз Ислом билан ошно бўлган ҳолда, Ислом шариатига амал қилиб, ҳаётларининг барча соҳаларида адолатни ғолиб қилиб яшашларини истаймиз! Зеро азизлик фақат Исломдадир, азизликни истаганлар, кеч бўлмасидан, Исломий ҳаракат қилишни бошласинлар!
Ҳизб ут-Таҳрирнинг Ўзбекистондаги медиа офиси Абдуллоҳ
29.08.2016й.
