“Экстремизм” ва “терроризм” атамалари кофир Ғарб ўйлаб топган қўрқитув механизмидир

بِسْمِ اللهِ الرَّحْمٰنِ الرَّحِيم

Инсоният тарихининг ҳар бир даврида ботил ақида тарафдорлари ҳақ аҳлига нисбатан ёлғон ва туҳматлар уюштириб келганлиги ҳеч кимга сир эмас. Бундан мақсад одамларни қўрқитиб, уларни ҳаққа эргашишдан тўсишдир. Шу йўлда ҳақни кўтариб чиқаётган шахс ёки жамоаларга нисбатан одамларни қўрқитадиган ҳар хил ном ва атамалар ўйлаб топиляпти. Афсуски, бундай адаштирувларга кўпчилик одамлар ишониб, аслида ўзларига дўст бўлганларни душман тутиб, ҳақиқий душманларни эса, дўст тутяптилар. Бугун асосан Ислом ва мусулмонларга нисбатан ишлатилаётган “экстремизм” ва “терроризм” атамалари ҳам одамларни Ислом ва унинг даъватчиларидан қўрқитиш учун кофирлар томонидан ўйлаб топилган атамалардир. Ҳозиргача ушбу атамаларга аниқ таъриф берилмай келинади. Шунинг учун мустамлакачи кофир давлатлар уларни ўзи хоҳлаган одам ёки жамоага нисбатан ишлатади, хоҳламаганига ишлатмайди. Ушбу мавзуда гапирар эканмиз, шунга ўхшаш атамаларни қўллаш янгилик эмаслиги, олдин ҳам амалда ишга солинганлигини эсга олиб ўтсак мавзу янада ойдинлашади.

Собиқ Иттифоқ даврида коммунистик ҳукумат томонидан чайқовчи, ҳозирда кўпроқ савдогар дейиладиган одамлар қаттиқ танқид қилинар, бу иш билан шуғулланганлар ҳатто қамоққа ташланарди. Ҳукуматнинг тарғибот-ташвиқот ишлари натижасида одамлар ҳақиқатдан ҳам чайқовчиларни жуда ёмон кўрарди. Чайқовчи деса ҳамманинг кўз олдига одамларнинг ҳаққини ейдиган, фақат ўзини ўйлайдиган очкўз бир кимса келадиган бўлиб қолганди. Жамиятдаги бундай муҳит ҳаммага ўз таъсирини ўтказиб, чет эл товарлари яширин равишда, халқ тили билан айтганда “под прилавка” сотиларди ва бундай товарлар халқ орасида “импортный” деб номланарди. Албатта, одамларга бундай фикрларни сингдиришдан коммунистик ҳукуматнинг аниқ мақсади бор эди. Социализм ақидасига эътиқод қиладиган ва ундан келиб чиқадиган тузумни татбиқ қиладиган давлатда хусусий мулкка эга бўлиш тақиқланган бўлиб, барча мулк давлатники ҳисобланарди. Иқтисод ҳам давлат ихтиёрига кўра белгиланарди. Шундан келиб чиқиб, чайқовчилик билан шуғулланган одамларга социалистик тузумнинг ғояси бўлмиш моддий ривожланишга тўсқинлик қилиб, уни тўхтатадиган ёки секинлаштирадиган унсур сифатида қараларди. Шунинг учун ҳам ҳукумат чайқовчиликка қарши қаттиқ курашар ва одамларга ҳам уни хунук кўрсатарди. Токи, фақат ҳукумат эмас, халқ ҳам чайқовчиларни душман деб билсин ва уларга қарши курашсин.

Социалистик мабда ҳукмрон бўлган даврларда Ўрта Осиёдаги мусулмонлар орасида коммунистик ҳукуматнинг тарғибот-ташвиқот ишларига алданиб, савдогарларни ёмон кўриб, уларни душман ҳисоблаб юрганлар ҳам кўп бўлган. Ваҳоланки, улар мусулмон экан, Исломнинг савдо ҳақидаги ҳукмларига мурожаат қилиб, ечимни ундан олишлари керак эди. Мусулмонлар ўзларидаги фикрий заифлик натижасида, аслида Аллоҳ ҳалол қилган нарсани ёмон кўриб, уни қилган одамни маломат қиладиган бўлдилар. Бу коммунистик ҳукуматнинг ташвиқотларига кўр-кўрона эргашишнинг оқибатидир.

Собиқ Иттифоқ қулагач, савдогарлик кенг ёйилди. Худдики у энди жирканч эмас, балки ҳалол касб эканлиги “ойдинлашгандек”. Ҳатто савдогарлар бошқа одамлардан кўра баландроқ даражага кўтарилди, халқ орасида ҳурматга сазовор одамларга айланди. Буни қарангки, бир тузум қулаши билан унинг фикр ва тушунчалари, дунёқараши ҳам қулади. Кеча жиноятчи ва халқ душмани бўлганлар бугун ҳурмат-иззатда. Демак, қиссадан ҳисса шуки, биз мусулмонлар тарихда бўлган ишлар борасида фикр юритиб, бугун ҳам алданиб қолишдан эҳтиёт бўлишимиз, ким нима деса эргашиб кетавермасдан, синчковлик билан текшириб олишимиз зарур бўлади.

Кимдир фалончи террорист, экстремист экан ёки ҳукумат тарафидан мана шу атамалар билан Ислом ва мусулмонларга қарши тарғибот ва ташвиқот қилинаётганда, тўхтанг, ишониб кетаверманг, ишонишга ҳали улгурасиз. Сиз бу борада бир фикр юритиб кўринг. Бунга ҳақиқатда ишониш керакми ёки йўқми, Ислом шариати нима дейди, каби саволларга жавоб изланг. Чунки мусулмон одам ҳар қандай хабар ва маълумотларни текширмасдан олиши жоиз эмас. Айниқса, бундай хабарлар кофир ёки фосиқ кимсалар томонидан тарқатилаётган бўлса. Аллоҳ Таоло айтади:

يَاأَيُّهَا الَّذِينَ آمَنُوا إِنْ جَاءَكُمْ فَاسِقٌ بِنَبَإٍ فَتَبَيَّنُوا

– “Эй мўминлар, агар сизларга бир фосиқ кимса бирон хабар келтирса, сизлар (ҳақиқий аҳволни) аниқлаб-текшириб кўринглар!”                   (Ҳужурот:6)

Акс ҳолда, кофир ва фосиқ кимсалар тарқатаётган хабарларга кўр-кўрона эргашиб, дўстни душман, душманни дўст ҳисоблаб, эртага Аллоҳнинг раҳматидан мосуво бўлиб, мўминлар олдида қаттиқ ҳижолат чекиб қолишингиз ҳеч гап эмас.

Ҳизб ут-Таҳрирнинг Ўзбекистондаги матбуот бўлими аъзоси Абдуллоҳ

19.06.2021й