Энди навбат уяли телефонлардан фойдаланишга таъқиқ солинадими?

Ўзбекистон телеканалларида 09.07.2012й “Ахборот” агентлиги ва “Давр” информацион агентлиги ва шу билан бирга “Аср” информацион агентликлари тарафидан ёшларнинг телефондан фойдаланишларининг зиёни хақида бир қанча кўрсатувлар бўлиб ўтди. Кўрсатувда асосан шифокорлар, санъат усталари, педагог олимлари нутқ сўзладилар, яъни буларнинг фикрича телефон ёшларга ижобий тарафи бўлгани каби зиёни ҳам кўпроқ, ундан кўп фойдаланган ёшларда, бетгачопарлик, уятсизлик, беписандлик шунга ўхшаш нарсалар кузатилмоқда, деб жар солишмоқда.

Бундай мавзудаги кўрсатувларни Ўзбекистон телевидениеси маълум вақтдан бери тез – тез кўрсатиб келмоқда.

Изох: Хозирги кунда каттаю кичик ёшдаги инсонлар, уяли телефонлардан кенг кўламда фойдаланмоқдалар, шунингдек алоқа тармоқларидан ва интернет орқали нафақат Ўзбекистонда, балки бутун дунёда бўлаётган воқеа – ходисаларни кузатишмоқда. Бу эса ёшларда маълумотни бойитиб воқеа – ходисаларга нисбатан қарашини ва фикрлаш доирасини кенгайтириб, Ўзбекистонда берилаётган маълумотлардан ташқари ўзгача маълумотларга эга бўлишлиги билан Ўзбекистон режимини тахликага солмоқда. Чунки флешкарталар ва интернетдаги видеосайт ва излаб топиб берувчи сайтлар орқали Ўзбекистонда қасддан ёритилмаётган ва тилга олишликни ман қилинаётган маълумотларни ва Ўзбекистон режими ўзига хавф деб билаётган нарсаларни ўқиса ва кўрса бўлади.

Энди бу ахмоқ режим ўзини – ўзи шундай ботқоққа тиқди, яъни ўзига қарашли маълумот тарқатувчи воситаларни фақат байрамона кайфиятда фақат Ўзбекистон режимини, унинг сиёсатини, рахбарини мақтаб улуғлашдан бошқа нарсага ярамайдиган қилиб қўйди.

Бунга зид ўлароқ ёшлар муқобил маълумотларни ўша интернет ва телефонлардан олмоқда, бу кетишда режим ҳатто ўзининг кўланкасидан ҳам қўрқиб бориши табиий, чунки сиёсати ёлғон – алдов, қўрқитиш, зулм ва зўравонликка асосланганлиги туфайли, ўзи ҳам ҳеч кимга ишонмайдиган ва барча нарсадан шубха қиладиган паранойя касаллигига мубтало бўлган беъморга ўхшаб қолди. Энди бўлса юқорида тилга олинган ЎЗ ТВнинг кўрсатувларида сўзлаган шифокорлар, педагоглар ва хоказоларнинг ёшларни бетгачопарликда, уятсизликда, беписандликда айиблашлари, бу холатлар телефон ва шунга ўхшаш мосламалар таъсиридан эмас, балки Ўзбекистон режимининг саёз ва тор хисобланган ватанпарварлик ва миллатчилик мафкураларини ўзига мафкура сифатида қабул қилганликларидадир. Чунки инсоннинг уйғониши бундай сохта мафкуралар билан бўлмайди, балки уйғониш ўз ақидаси асосида яшашлик демакдир. Шунинг учун Ўзбекистондаги мусулмонлар эътиқодда мусулмон бўла туриб, ҳаётда капиталистик қонунларни татбиқ қилиб, фикр йўналишда эса миллатчилик ва ватанпарварлик фикрлари билан етакланиб, шундай хор ва аянчли ахволга тушиб қолдилар. Ўзбекистон мусулмонларининг хорликдан яна Олий ва Азиз Умматга айланишлиги фақат ўз ақидаси бўлган Ислом дини асосида яшашлик, ҳаётда Аллоҳ Таъолонинг шариатини татбиқ қилишлик ва фикрий йўналишда Ислом мафкурасини фикрий етакчи қилиб олмоқлик лозим бўлишлиги шарт. Ана шунда бундай одобга тааллуқли бўлган масалалар ёки муаммолар ўз – ўзидан ечилиб кетади.
 
Ҳизб ут-Таҳрирнинг Ўзбекистондаги медиа офиси Абдуллоҳ