بِسْمِ اللهِ الرَّحْمٰنِ الرَّحِيمِ

Эрдоган билан яҳудий вужуди президенти ўртасида дўстона табрик ва учрашувлар!

«Араб 48» веб-сайти (ҳижрий 1443 йил 2 шаввол, милодий 2022 йил 2 май душанба куни) нашр қилган хабарда «Туркия президенти Ражаб Тоййиб Эрдоганнинг душанба куни яҳудий вужуди президенти Ицхак Герцог билан телефон орқали мулоқот олиб боргани» айтилди.

Герцог Эрдоганни Рамазон ҳайити билан табриклади. Ўз навбатида, Эрдоган ҳам «байрам саодат ва тинчлик олиб келади, минтақа дилларини бирлаштиради», дея Герцогни яҳудийлар байрами билан табриклари. Ваҳоланки, уларнинг байрами яҳудийларнинг Фаластинни босиб олиб, муборак заминда жирканч давлатларини қуриш байрамидир.

Ҳар икки раҳбар ҳам «бутун минтақада, хусусан, шу кунларда тинчлик ва барқарорликни сақлаш учун очиқ ва узлуксиз мулоқотнинг муҳимлиги»ни таъкидладилар.

Бундан икки ой муқаддам Герцог Туркияга сафар қилганди. Ўшанда Эрдоган у билан ўтказган қўшма конференцияда «Tуркия ва Исроилнинг муштарак мақсади муштарак манфаатлар ва икки томонлама ҳушёрликни эътиборга олиш асосида икки давлат ўртасида сиёсий мулоқотни қайта жонлантиришдир», дея таъкидлаган эди. У «Исроил раҳбарига биз минтақадаги кескинликни юмшатишга ва икки давлат ечими қарашларини сақлашга катта аҳамият беришимиз керак», деганди. Эрдоган шунингдек, «тинчлик ва фаровонлик ўрнатиш, минтақада бирга яшаш маданиятини тиклашга ҳисса қўшиш ўзимизнинг қўлимизда», дея қўшимча қилиб, «Туркия-Исроил муносабатларини ривожланиши ва мустаҳкамланиши юртларимиз ва бутун минтақанинг тинчлиги ва барқарорлиги учун катта аҳамият касб этади», дея таъкидлаганди.

Роя газетасининг 2022 йил 11 май чоршанба кунги 390-сонидан

0

0

Related posts:

Эрдоган Маърабнинг Ҳусийлар қўли билан қулашига қулайлик яратиш учун «зайтун новдаси» операциясига ўхшаган операцияни қайталашга уринмоқда Эрдоган яҳудий вужуди билан муносабатларни жуда яхши нормаллаштирмоқчи Эрдоган яҳудий етакчиларни олқишламоқда! Эрдоган Тунис ишларига нима учун ва кимнинг фойдасига аралашяпти?!