Эрдоган: Хавфсизлик Кенгашига доимий аъзо давлатлар орасида мусулмон давлатининг йўқлиги адолатдан эмас
بِسْمِ اللَّـهِ الرَّحْمَـٰنِ الرَّحِيمِ
Роя газетаси:
Эрдоган: Хавфсизлик Кенгашига доимий аъзо давлатлар орасида мусулмон давлатининг йўқлиги адолатдан эмас
Ўтган шанба куни Туркия президенти Ражаб Тоййиб Эрдоган «Хавфсизлик Кенгашига доимий аъзо давлатларнинг бешаласи ҳам масиҳий давлат, уларнинг орасида бирорта ҳам мусулмон давлати йўқ, бу эса адолатдан эмас», деди. Кейин «Биз адолат ҳукмрон бўлган олам яратиш учун курашамиз ва шунга ҳаракат қиламиз», дея қўшимча қилди.
Турк президенти «БМТ ташкилотининг ҳозирдаги ишлаш механизмини ислоҳ қилиш кераклигини ҳамда барча қитъалар ва диний жамоаларни ўзида гавдалантирган халқаро хавфсизлик кенгашига бутун инсониятнинг муҳтожлигини» урғулади.
Эрдоган Истанбулдаги бир нечта хизмат кўрсатиш лойиҳаларининг очилиш маросимида Хавфсизлик Кенгашига доимий аъзо давлатларга ишора қилиб, олам бу бешта давлатдан каттароқ эканига эътиборни қаратди. Сўнг «дунёдаги 196 давлат тақдирини шу бешта давлатнинг лаби орасига ташлаб қўйишимиз мумкин эмас. Эҳтимол, бу биринчи жаҳон уруши шароитида мумкин бўлгандир. Аммо ҳозир мумкин эмас», дея қўшимча қилди. (Арабий 21).
Роя газетаси шарҳи:
Агар Эрдоган адолат ҳукмрон бўлган олам яратиш учун кураши ва ҳаракатида чиндан ҳам жиддий бўлганда эди, Туркияда Пайғамбарлик минҳожи асосидаги рошид Халифалик давлатини эълон қилган бўлар эди. Чунки шу давлатгина Исломни татбиқ қилиш билан оламда адолат ўрнатади. Бироқ Эрдоган қандай ҳам жиддий бўлсин, ахир, у илмоний дастурни ўз зиммасига олган бўлса!?
Кейин, Эрдоган Хавфсизлик Кенгашидаги муаммо исломий юртлардаги давлатлардан бирортасининг унга аъзо бўлмаганида эмас, балки бу кенгашнинг мустамлакачи давлатлар, хусусан Америка қўлидаги бир қўғирчоқлигида эканини билмайдими??!! Шунингдек, Хавфсизлик Кенгашидаги муаммо унинг ушбу давлатлардаги адолатсиз қонунларга таянишида эканини, Туркия ва бошқа бирорта давлатнинг Хавфсизлик Кенгашига аъзо бўлиб қолиши билан ҳеч нарса ўзгармаслигини тушунмайдими?!!
Шунингдек, Туркияда АҚШ қўшинлари учун Инжирлик базасини очиб берган, яҳудийлар давлати билан алоқа ўрнатиб келаётган, Ғарб сиёсатини ижро қилувчи қўғирчоқлардан бири бўлган бу Эрдоган, Ғарб давлатларига ва уларнинг исломий оламга нисбатан аралашувларига гўё қарши тургандек ҳамда Хавфсизлик Кенгашига аъзо бўлишни кучли позицияни эгаллаш мақсадида хоҳлаётгандек гапиряпти.
Хавфсизлик Кенгаши мустамлакачи Ғарб давлатлари қўлидаги бир қўғирчоқ ташкилот эканини тушунган ва унинг ҳукмронлигидан озод бўлишни хоҳлаётган ҳар бир киши бу ташкилотни ислоҳ қилишга уринмаслиги керак. Балки уни парчалаб ташлашнинг, мустамлакачи давлатлар ҳукмронлик қилолмайдиган янги оламий ташкилотга алмаштиришнинг муқаддимаси сифатида унга қарши халқаро жамоатчилик фикрини пайдо қилмоғи лозим. Бу янги ташкилот оламшумул ташкилот бўлиб, зулмни олдини олишга ва мазлумга ёрдам беришга асосланиши ҳамда бутун башарият ўртасида адолат улашиши лозим. У бирор бир давлатнинг ҳисобига ҳаракат қилмайдиган, балки бутун башарият манфаати учун ҳаракат қиладиган оламшумул ташкилот бўлгани боис маънавий кучга эга бўлади, халқаро жамоатчилик ҳам уни қўллаб-қувватлаб, ўз ҳурмат ва ишончини билдиради.
Роя газетасининг 2016 йил 13 апрел чоршанба кунги 73-сонидан
