بسم الله الرحمن الرحيم

Роя газетаси:

Эрдўған бошқаруви давридаги Туркия Американинг Шом аҳлини жиловлаб-алдаш, ҳатто уларни қирғин қилишда қўлловчи асосий воситасидир!

 Ҳизб ут-Таҳрир – Сурия вилояти 2018 йил 16 июл душанба куни чиқарган варақада қуйидагиларни таъкидлади:

Америка гуруҳлар етакчиларини разведка идораларига боғлаш, тинчлик сулҳларига бир томонлама амал қилишга уларни мажбурлаш орқали «Асадни сақлаб қоламиз, акс ҳолда, юртни ёқамиз, дейилаётган гапнинг амалдаги ижрочисига айланди. Бу эса, қонхўр режимга бирин-кетин минтақаларни ўз назорати остига олишига имкон берди».

Варақада яна таъкидланишича, бу ишларга жангчи гуруҳлар орасидаги тартибсизликлар қўшилди. Натижада, рувайбиза ва хоин етакчилар «қон тўкишни тўхтатишимиз ва қолган-қутган ерларни сақлаб қолишимиз керак», деган иддаолар билан таслим бўлиш фикрини оқлаб беришди, алал оқибат, қўзғолоннинг сўнгги қалъаси Идлиб ҳам шу аҳволга тушди.

Шунингдек, варақада Американинг барча минтақаларни – ҳарбий ёки сиёсий ечим орқали – Шом тоғутига топширишга қаттиқ ҳаракат қилаётгани таъкидланиб, қўзғолон аҳли қуйидагича огоҳликка чақирилди: Сизни турк режими бераётган ваъдалар алдаб қўймасин, чунки бу режим Американинг Шом аҳлини жиловлаб-алдаш, ҳатто уларни қирғин қилишда қўлловчи асосий воситасидир. Шунингдек, уларга қуйидагича савол йўлланди: Туркия билан Сурия ўртасига тортилган миллатчилик деворини нима билан изоҳлайсиз? Бутун Сурия иккинчи Ҳалабга айлантирилиб, қизил чизиқ бўлган Ҳалаб Шом тоғутига топширилган экан… айниқса, Дарадаги аҳлимизга Америка кафолатлари қуруқ алдовдан бошқа нарса эмаслиги аён бўлган экан, энди бу ёғига нима қилмоқчисиз?

Варақада таъкидланишича, бугун онгли ва холис сиёсий етакчиликдан ҳамда аниқ сиёсий исломий лойиҳадан ғафлатда қолингани сабабли, ҳар бир гуруҳ учун алоҳида сиёсий қурбақалар пайдо қилиниб, хос минтақавий лойиҳалар ясаб берилмоқда. Бундай вазиятда холис инсонлар ўз жонларини фидо этаётган бўлса-да, Ғарб бундан ўзининг Исломни давлат ва жамиятдан узоқлаштирган демократик фуқаролик давлатини қуришда фойдаланмоқда. Ғарб ўзининг бу лойиҳасини, Росулуллоҳ A қайта барпо бўлишини башорат қилган Пайғамбарлик минҳожи асосидаги рошид Халифаликда гавдаланувчи Ислом лойиҳасига муқобил лойиҳа сифатида тиқиштирмоқда.

Варақа сўнггида Шом аҳлига бундай дейилади: Биз қўзғолонингиз мобайнида тутган ҳар бир ростгўй позициянгизга гувоҳ бўлган эканмиз, бугун барчангизни нима қилаётганингизни обдан ўйлаб қўришга, ёлғон ваъдаларга алданиб қолмасликка, балки, биз билан биргаликда ҳаракат қилиб, Росулуллоҳ A биз учун белгилаб берган буюк Исломий лойиҳани барпо этишга даъват қиламиз.

Роя газетасининг 2018 йил 25 июл чоршанба кунги 192-сонидан