بِسْـــمِ اللهِ الرَّحْمٰـــنِ الرَّحِيـــم

Роя газетаси:

Эронда режимга қарши намойишлар аланга олди

Ҳижрий 1439 йил 12 робиус-соний, милодий 2017 йил 30 январ шанба куни «Русиял Явм» сайти нашр қилган хабарда бундай дейилади:

«Уч кундирки, Эроннинг Теҳрон ва бошқа бир неча шаҳарларида минглаб намойишчилар нарх-наво кўтарилишига ҳамда ҳукуматнинг ички ва ташқи сиёсатига норозилик билдиришмоқда. Фаолларнинг айтишича, намойишни тарқатиш чоғида ҳалок бўлиш ва жароҳатланиш ҳоллари юз берган».

Роя газетаси шарҳи:

Форс халқи яшаган Машҳад, Шероз ва Исфаҳон шаҳарлари бошқарув режимининг асосий таянчи, дея кўрилади. Шунинг учун бу шаҳарларнинг тебраниши режимни кучли ларзага келтирди ва Эрон давлати бошдан кечираётган ички хавфли касалликларни фош этди ҳамда портлаш ичкаридан юз берганини кўрсатди. Бу ҳол Эрон ҳукуматининг одамларни рози қилишда – хусусан, асосий регионларда – омадсизликка учраганига яққол далилдир. Агар бу ҳодисалар юрт жанубидаги Аҳвоз, ғарбдаги Карманшоҳ, шарқдаги Балужистон, шимолдаги озарийлар минтақаларида юз берганда эди, биз этник озчилик саналган бу минтақалардаги ҳодисалар режим барқарорлигига таъсир қилмайди, деган бўлар эдик. Зеро, режим бу минтақалар аҳолисига арзимаган майда миллатлар, деган эътиборда қараб келади. Эрон шаҳарларидаги вазиятнинг мураккаблиги ва намойишларнинг худди хашакка тушган олов каби тез тарқалиши, режимни, унинг армиясини ва инқилоб посбонларини давлатга қарши намойишларни аланга олдиришда Ғарбни ва ташқи кучларни айблаган баёнотларни чиқаришга ундади. Зеро, исломий юртлардаги тоғут рувайбизалар одати асли шундай. Улар бўлаётган намойишларни ташқи кучларга боғлаш билан, давлатнинг ички муваффақиятсизлигини яширмоқчи бўляпти.

Бугун Эрон режими ҳисоб куни яқинлашиб қолганини тушунмоғи лозим. Чунки Шомдаги тул аёллар фарёди, гўдаклар ноласи Эрон ва унинг жангариларини таъқиб қилувчи лаънат бўлиб қолади… Эрон ҳукмдорлари, улар билан бирга Туркия, Миср, Саудия ҳукмдорлари Америкага малайлик қилишгани учун ўз халқлари интиқомидан ҳаргиз қутулолмайдилар.

Роя газетасининг 2017 йил 3 январ чоршанба кунги 163-сонидан