Матбуот баёноти

Фаластин аҳли яҳудийлар ҳамда уларнинг арзонгаров хизматкори бўлмиш Фаластин маъмурияти қўли билан ўлдирилмоқда

Фаластин маъмурияти хавфсизлик хизмати Жанин қочқинлар лагеридан бўлган Язид Жуояса ва унинг 13 ёшли ўғли Муҳаммад Омирни отиб ўлдирди. Ундан бир неча кун олдин Робҳий Шалабий исмли йигитни шафқатсизларча ўлдирган, бир ҳафта олдин эса «Ибн Сино касалхонаси»ни штурм қилиб, «фавқулодда ҳолат бўлими»ни ўққа тутган эди. Хавфсизлик хизмати уйлар томларига снайперларини ва кўчаларга аскарларини жойлаштириб ташлаган. Бундай манзара яҳудийларнинг Ғазодаги жиноятларига жуда ўхшайди. Хавфсизлик хизмати аскарлари худди Фаластин аҳлини қаттиқ ёмон кўрувчи яҳудийлар менталитети каби менталитет билан ҳаракат қилишмоқда. Ўзларини бир оғиз сўз билан хафа қилган кимсалардан ҳам ўч олишмоқда. Кейин режимнинг жиноятларига қарши намойиш қилганларга кўздан ёш оқизувчи газ қўллашяпти. Бу қилмишлари билан маъмурият ва хавфсизлик хизмати тобора жирканч ва чиркин бўлиб бораётган башараларини яна бир бор фош этиб, ўзларини яҳудийлар билан бирга ва улардан эканликларини, Фаластин аҳлига алоқалари йўқлигини, фақат терилари бир хил эканини исботлашди.

Дайтон тарбиялаган хавфсизлик хизмати ходимлари Аббоснинг «вазифангни бажармагунча қайтма», деган буйруғи асосида ҳаракат қилди. Фаластин маъмурияти хавфсизликни мувофиқлаштиришдан (муқаддас) ниқоб сифатида фойдаланиб, Жанин лагери аҳолиси ва мужоҳидларга қарши жиноятларини оқлаш учун барча ишларни синовда ўтказмоқда. У бу жиноятга бош вазирдан тортиб виртуал оламдаги тролларгача, ҳатто масжидларда ваъз қилаётган имомларга қадар барчани шерик қилмоқда. Хавфсизлик хизмати «хавфсизликни сақлаш ва тартибсизликларни олдини олиш» ниқоби остида одамларни ўлдираётган бир пайтда, Вақф вазирлиги имом-хатибларга хавфсизлик хизматини мақташни ва халқни уларни қўллаб-қувватлашга даъват қилишни буюрди, бу билан вазирликнинг вазифаси Шабиҳа шайхлари вазифасига айланди! Агар Вақф вазирлиги ва унинг ортидаги маъмурият озгина бўлса ҳам уятни билганда эди одамларнинг норозилик намойишидан кейин ўз қилмишлари ҳақида ўйлаб кўришган бўларди. Дарҳақиқат, «Ҳожи Маъзуз Мисрий» масжидида жума намозидан кейин одамлар Вақф вазирлигининг яҳудийларни дўст тутган хавфсизлик хизматини қўллаб-қувватлаш учун қилган чақириғига қарши намойиш қилишди.

Бугун Жанин лагерида ёки бошқа жойларда нишонга олинган мужоҳидларнинг «жинояти» қуролларини босқинчиларга қаратганлари ва Аллоҳ йўлида яҳудийларга қарши жиҳод қилаётганликларини айтишгани бўлди. Шундан сўнг яҳудийлар Жанин, Наблус, Тулкарм ва Ғарбий Соҳилда кўплаб одамларни ўлдиришди. Бироқ улар ёш мужоҳидларни йўқ қила олмадилар. Чунки ёш мужоҳидлар ушбу жангда тенглик йўқлигини, Фаластин ва унинг аҳлига ёрдам берадиган армиясиз озод қилиш қўлларидан келмаслигини билсалар-да, бир қўлларида кафан, иккинчи қўлларида қурол кўтариб жиҳод қилишни танладилар.

Фаластин маъмурияти ўзининг бу жиноятлари билан яҳудий вужудига хизмат қилмоқда. Ҳатто бу вужуд Фаластин аҳлини ўлдиришда маъмурият ўзига қўл келаётганлигидан хурсанд. Чунки у Жанин лагерида қуролсизлантиришга ва мужоҳидларни ўлдиришга ожизлик қилаётган эди. Бу ишни маъмурият ва унинг хавфсизлик хизмати бажариб бермоқда.

﴿هُمُ ٱلۡعَدُوُّ فَٱحۡذَرۡهُمۡۚ قَٰتَلَهُمُ ٱللَّهُۖ أَنَّىٰ يُؤۡفَكُونَ﴾

«Улар душмандирлар. Бас, улардан эҳтиёт бўлинг! Уларни Аллоҳ лаънатлагай! Қандай адашмоқдалар-а!»!                  [Мунафиқун 4]

Маъмурият ўзининг бу қилмишларини «хавфсизликни сақлаш», «ИШИД ва терроризмга қарши кураш», «тартиб ўрнатиш» каби оқловлар билан оқлаётган экан, бу нарса Фаластин аҳлига ўтмайди. Чунки улар маъмурият ва унинг гумашталарини ёмон кўрадилар, Ғазодаги аҳлимизни ёрдамсиз қўйишганини, Ғарбий Соҳил аҳлини кўчманчи яҳудий қароқчиларига ташлаб қўйишганини ўз танларида ҳис қилмоқдалар. Яҳудий кучлари томонидан штурм қилинган пайтда уларнинг ўз казармаларига, ҳатто «бронитехникаларига» биқсиниб олишаётганига гувоҳ бўлишяпти. Уларнинг исломий юртлардаги Башар, Қаззофий, Сисий, Ибн Салмон режимлари каби мусулмон юртларида ўз халқини ўлдирган ва қийноқларга солган режимларнинг хунук нусхалари эканини англаб етдилар.

Эй муборак заминдаги аҳлимиз!

Яҳудий вужуди кўчманчи яҳудийларни кучайтириш, янги воқелик яратиш сари шошмоқда, сизга ё таслим бўласан ёки кўчиб чиқиб кетасан дея икки вариантни қолдирмоқда. Маъмурият ҳам буни яхши тушуниб турибди. У яҳудийларга тиз чўкиш ҳамда уларнинг жинояткорлик сиёсатини татбиқ қилувчи жирканч қуролларига айланиш билан аллақачон ўз йўлини танлаб бўлди. Шу орқали ўз маъмуриятимни сақлаб қоламан деб ўйлаяпти. Бироқ қаёқда ҳам сақлаб қолсин, ахир у ғарблик хўжайинлари учун қачон эскирса, тарих ахлатхонасига улоқтириладиган бир латта бўлса.

Бугунги кунда Фаластин аҳли икки олов ўртасида қолди. Бир томонда яҳудий вужуди, иккинчи томонда унинг арзонгаров хизматкори бўлмиш Фаластин маъмурияти. Бироқ уларнинг Байтул Мақдис худди Хиттиндаги каби хокисор қўллар билан албатта яҳудийлар ва уларнинг тарафдорлари ифлослигидан тозаланишига ишончи комил. Чунки улар бугун Муҳаммад ﷺ Умматининг барчаси хоин ва муте режимлардан қутулиб, ўзининг мўмин қўшинлари билан биргаликда Ақсо масжидида озодлик намозини адо этишга ошиқаётганини кўриб турибдилар. Ўша кунда золимларга узр фойда бермайди, Уммат уларни асло кечирмайди ва ўғлонлари қони учун қасосни қолдирмайди, ҳар бир хоинга ҳатто Каъбанинг пардасига осилиб олса ҳам қувиб етади.

﴿وَيَقُولُونَ مَتَىٰ هُوَۖ قُلۡ عَسَىٰٓ أَن يَكُونَ قَرِيبٗا﴾

«Улар: «У (кун) қачон бўлур?» деб (сўрайдилар). «Шоядки яқин бўлса», деб айтинг!»       [Исро 51]

Ҳизб ут-Таҳрирнинг муборак

Фаластин заминидаги матбуот бўлими