بسم الله الرحمن الرحيم

Таъзия

إنا لله وإنا إليه راجعون

  Бугун Андижон вилояти Хўжаобод туманида яшаган Рустамов Абдуманноб 80 ёшида вафот қилдилар.

    Отахон 60 ёшида Ҳизб ут-Таҳрир кўтариб чиққан Ислом ғояларини чин ихлос ила қабул қилиб, ўз ҳаётида энг катта бурилишни ясадилар. 1999 йил Ўзбекистон ҳукумати тарафидан қамалиб, 20 йил ўта оғир зоналарда сабот билан турдилар. 2018 йил озодликка чиққан эдилар. Отанинг икки ўғли ҳам узоқ йиллар Ҳизб ут-Таҳрир фаолиятида бўлганлиги учун қамалиб чиқдилар. Иккинчи ўғлини шу ойда яна қайта қамоққа ташлашди. Отахонга садоқатли аёллари зонама-зона эри, икки ўғли ва куёвлари ортидан қатнаб бундан 4 йил аввал дийдорни қиёматга қолдириб вафот қилгандилар.

  Зонадан чиққач оғир операцияларни бошидан ўтказиб эндигина оёққа турганларида бугун тонгда бомдод намозига масжидга кетаётганида йўловчи машина уриб кетиб вафот қилдилар.

 Дунёсини, умрини, жонини Аллоҳ йўлида заррача иккиланмай бера олган бу отахоннинг охиратини обод қилишини Аллоҳ Субҳанаҳудан тилаб қоламиз. Ва ҳануз изтиробларда қолиб келаётган оиладаги азизларга чуқур таъзия изҳор қиламиз.

 Азиз отахонимиз ўз ҳаётида Роббим Аллоҳ дегувчилар учун етарли ибрат қолдирдилар. Бу юрт яна бир мард кишисидан жудо бўлди. Отахонимиз билан дийдор қиёматга қолди. Роббимиздан Абдуманноб тоғамизни Ўз раҳматига буркашини ва Росулуллоҳ ﷺ Ҳавзу Кавсарда кутиб олишларини башорат берган гуруҳ сафида қилишини сўраб дуо қилиб қоламиз.

Биродаримиз Абдуманноб тоға, сиздан айрилиқдан маҳзунмиз, лекин Роббимизни рози қиладиган сўзни айтамиз:

إنا لله وإنا إليه راجعون

مِّنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ ۖ فَمِنْهُم مَّن قَضَىٰ نَحْبَهُ وَمِنْهُم مَّن يَنتَظِرُ ۖ وَمَا بَدَّلُوا تَبْدِيلًا

“Мўминлар орасида ўзлари Аллоҳга берган (У зотнинг йўлида жиҳод қилиб, шаҳид бўлиш ҳақидаги) аҳду паймонларига содиқ бўлган кишилар бордир. Бас улардан (айрим) кишилар ўз аҳдига вафо қилди, (яъни шаҳид бўлди), улардан (айрим) кишилар эса (шаҳид бўлишга) интизордир. Улар (мунофиқларга ўхшаб Аллоҳга берган аҳду паймонларини) ўзгартирганлари йўқ.”         (Аҳзоб: 23).