Фаластин Озодлик ташкилоти зараркунанда ташкилотдир
بِسْمِ اللهِ الرَّحْمنِ الرَّحِيمِ
Роя газетаси:
Фаластин Озодлик ташкилоти зараркунанда ташкилотдир
Унга аъзо бўлиш учун рақобатлашиш эмас, балки уни йўқ қилиш керак
Ҳижрий 1438 йил 10 зул-қаъда чоршанба куни, милодий 2017 йил «Фаластин стратегик тадқиқотлар институти» сайтида бундай хабар тарқатилди:
«Миллий ва исломий гуруҳлар Фаластин Озодлик ташкилотини ислоҳ қилиш ва Фаластин миллий лойиҳасини ривожлантиришга эришиш учун уни қайта фаоллаштириш зарурлигига чақирди. Бу чақириқ бугунги кунимизда айни масала устида катта тортишув ва курашлар кетаётган бир пайтда янгради.
Шунингдек, айни чақириқ кеча Ғазо шаҳрида Фаластин стратегик тадқиқотлар институти уюштирган семинар чоғида ҳам айтилди. «Миллий лойиҳани ривожлантириш учун миллий қарашлар» номли бу йиғилишда ёзувчилар ва академиклар, кузатувчилар қатнашди».
Роя газетаси шарҳи:
Фаластин масаласининг мана шундай бадбўй миллийлик қафасига чеклаб қўйилиши сабаби, фаластинлик гуруҳларнинг ушбу муборак заминни озод этишга атиги бир қадам бўлса ҳам ташлашдан ожизлик қилаётганидир, шунингдек, исломий юртлардаги мавжуд режимларнинг Фаластиндан воз кечганликлари ҳамдир.
Фаластин масаласи бир кун ҳам миллий ва арабий масала бўлмаган. У доим Ислом Уммати масаласи бўлиб келган ва шундай бўлиб қолиши шарт.
Фаластинни илк фатҳ қилган Умар ибн Хаттоб араб бўлганини, уни озод этган Салоҳиддин-курд бўлганини, унинг мудофааси йўлида қонли жанглар олиб борган Бейбариснинг мамлуклардан бўлганини, уни ҳимоя қилиб келган султон Абдулҳамиднинг турк бўлганини, ушбу инсонларнинг барчасини жамлаган нарса эса Ислом эканини, миллийлик ҳам, ватанпарварлик ҳам эмаслигини бирор мусулмон унутганми?!
Фаластин Озодлик ташкилотини малай ҳукмдорлар ва уларга эргашган айрим фаластинликлар тузган. Тузишдан мақсад эса, Фаластинни озод этиш эмас, аксинча, ундан воз кечиш эди.
Шунинг учун бу ташкилотни ислоҳ қилиш ва унга аъзо бўлишга қаратилган даъволар Фаластин заминининг яҳудийлар давлати томонидан босиб, топталиб, аҳлига зулм қилинишининг давом этишига ҳисса қўшади. Чунки бу каби даъволар билан бу заминни озод этиш масъулияти фақат у ердаги гуруҳлар зиммасига юкланиб қолади, бу гуруҳлар эса уни ҳаргиз озод этишолмайди… Демак, бундай даъво эртага айни гуруҳлар учун Озодлик ташкилотини тузиш ва унга аъзо бўлиш борасида худди кечаги гуруҳлар юрган йўлдан юришларига тайёр баҳона бўлади.
Фаластин масаласини ҳал этиш масаласида армияларга йўлланмаган ҳар қандай чақириқ шубҳалидир. Чунки яҳудийлар давлати йўқ қилинмагунча, бу масала асло ҳал бўлмайди. Уни йўқ қилиш эса, Уммат армияларини сафарбар этиш билан амалга ошади, анави ташкилотни ривожлантириш ва унга аъзо бўлишда кимўзар ўйнаш билан эмас. Чунки бу ташкилотнинг яҳудийлар ва улар ортида турган ғарблик мустамлакачиларга ён беришларини таърифлашга қомусдаги луғатлар ҳам камлик қилади.
Хуллас калом, Фаластин Озодлик ташкилотини «ислоҳ» қилинса-да, Ҳамас каби исломий ҳаракатларга қўшилиб, жиҳод қилинса-да, бу уринишларнинг барчаси, роса ошиб борса-бир жойда тўхтайди… Яъни Ғарб давлатлари ва уларнинг минтақадаги ювиндихўр ҳукмдорлари қарорларидан нарига ошиб ўтолмайди. Бу қарорларда эса, яҳудийлар давлатини сақлаб қолиш, унинг эвазига, Фаластиннинг 1967 йил босиб олинган ерларидан қолган бир парча ерда ҳеч қандай ваколатга эга бўлмаган ва қуроллари тортиб олинган давлатча тузиб бериш таъкидланган.
Роя газетасининг 2017 йил 9 август чоршанба кунги 142-сонидан
