Фикрлашимиз керак

بِسْمِ اللهِ الرَّحْمٰنِ الرَّحِيم

Қандай яшаш тўғрисида ўйлаймиз. Лекин бу ўйлаш етарли эмас. Чунки бу ўйлашнинг замирида фақат моддий таъминот турган бўлса, ундай ўйлаш тараққий этишимизга олиб бормайди.

Фикрлаш керак, фикрламасак бўлмайди. Чунки Ўзгартириш керак, ўзгартирилмаса бўлмайди. Ўзгартириш учун фикрлаш керак. Ўзгартиришнинг тўғри йўли учун фикрлаш керак. Дунё ва Охират ҳаёти учун фикрлаш керак, йўқса бу икки ҳаётимизни бой берамиз. Хуллас фикрламасак бўлмайди, ўзга чора йўқ. Хорлик жонга теккан бўлса фикрлашимиз шарт. Охират диёрида азобланишни истамасак фикрлашимиз шарт.

Тасаввур қилинг, бир одам ахлат ташланадиган жойнинг яқинидаги уйга яшаш учун келди. Аввалига у одам бу ердаги ҳидга, кўринишга рози бўлмайди. Вақт ўтгани сари у кўника бошлайди. Бора-бора у эътибор ҳам бермай қўяди. Худдики аслида ҳам шундай бўлиши керакдек.

Бу кўникиш қандай содир бўлди? Унинг вужудга келишида сизу бизни қизиқтирадиган муҳим омил бор. Агар у одам ўзининг яшаш жойидаги ахлат тўғрисида ҳар доим ўйлаб, яъни фикрлаб юрганида у ўз ҳолатини унутмас эди. Тўғри, ахлатнинг ҳидини сезганда ёки уни кўрганда ўйлаб қўйиши мумкин, лекин ўз ҳолатини ўзгартириш учун бундай ўйлаш камлик қилади. Қандайдир иш билан банд бўлди, нимагадир чалғиди, ўзи учун ёқимсиз ҳолатни ёки уни норози қилаётган воқеликни унутди. Ва кўнди. Энди кўникиб бўлган. Айтганимиздек, у энди ўзгартирилиши керак бўлган воқелик тўғрисида фикрламайди. Кўниккунигача фикрлашдан тўхтади, унутди ва секин-секин кўникди, энди бу ҳолат у учун фожеа эмас.

Савол туғилади. Албатта бундай савол туғилмаслигининг ўзи фожеа. Яъни у инсон аввалги ҳолатига қайтиш учун нима қилиши керак? Жавоб яна ўша. Фикрлаши керак.

Ҳизб ут-Таҳрирнинг Ўзбекистондаги медиа офиси. Абдуллоҳ

24.02.2020й