بِسْمِ اللهِ الرَّحْمٰنِ الرَّحِيمِ

Яҳудийлар билан хавфсизлик келишуви ҳалокат жарлигига етакловчи хатарли йўлдир!

Суриядаги ўтиш даври раҳбари Аҳмад Шара яқин кунларда яҳудий вужуди билан олиб борилаётган музокаралар хавфсизлик келишувига олиб келиши мумкинлигини билдириб, жуда шубҳали баёнотлар берди. У бундай келишувларни Суриянинг ҳудудий яхлитлигини ҳурмат қилиш ва БМТ назорати остида бўлиши шарти билан «зарурат» сифатида баҳолади. Унинг маълум қилишича, агар жараённи издан чиқарган Сувайда вилоятидаги ўзгаришлар рўй бермаганида, ўтган июл ойида икки тараф мазкур келишувнинг асосий принциплари юзасидан келишиб олишга бор-йўғи бир неча кун қолган эди.

Яҳудий вужуди билан хавфсизлик келишуви ғоясини илгари суришнинг ўзиёқ Умматнинг ўзгармас тамойилларидан бошиданоқ чекиниш ва оғиш ҳисобланади. Чунки мусулмонлар билан яҳудийлар ўртасидаги кураш ақидавий ва тарихий хусусиятга эга: яҳудийлар асл душман ва мусулмон ерларининг босқинчилари ҳисобланади. Шом аҳли эса Умматнинг ажралмас қисми сифатида бу курашнинг бевосита иштирокчисидир. Шу боис бу заминда яҳудийлар аввалдан босиб олган ҳудудлар ҳам, режим раҳбари Башар қочиб кетгандан кейин босиб олинган янги ерлар ҳам мавжуд. Бундан ташқари, яҳудийлар Даръадан то Кисвагача ва бошқа ҳудудларда Шом аҳлига қарши қонли қатлиомлар содир этган. Шу боис бундай келишув Шом қўзғолонининг ўзгармас тамойилларига ва Шом аҳли қўзғолон давомида баланд кўтарган «Қуддус ва Ғазо – Дамашқдан кейин» деган шиорларга мутлақо зиддир. Шунингдек, босқинчи вужудга қарши курашиб шаҳид бўлганларнинг қонига очиқдан-очиқ хиёнат ҳисобланади.

Яҳудий вужуди ҳеч қачон тинчлик ва барқарорликни истайдиган қўшни бўлмаган. Аксинча, у турар-жойларни кенгайтиришга йўналтирилган мустамлакачилик лойиҳаси бўлиб, Фаластин босиб олинган кунлардан то бугунгача Умматга қарши тил бириктириш, ерларни эгаллаш ва фуқароларни ўлдириш билан боғлиқ ҳаракатларни тўхтатмади. Шундай экан, бундай хавфсизлик келишувлари орқали унга айбсизлик гувоҳномаси берилишини қандай оқлаш мумкин?! Чунки бу келишувлар унинг мавжудлигини қонунийлаштириш билан бирга, Суриянинг ички ҳудудларида мустаҳкам ўрнашишига йўл очади. Бугун «зарурат» деб аталган нарса – бу ўтган ўн йиллар давомида қўғирчоқ режимлар илгари сурган мантиқнинг яна такрорланишидир. Ўшанда улар «тинчлик – стратегик танлов» шиорини кўтариб чиқишган эди. Натижада Осло ва Води Араба келишувлари имзоланган. Аммо бу келишув халқларга на хавфсизлик, на тинчлик олиб келди. Аксинча, хорлик, тобелик ва стратегик жиҳатдан заифликни кучайтиришдан бошқа натижа бермади.

Яҳудийлар билан келишув «зарурати» ҳақидаги ҳар қандай гап бу таслим бўлишни яширувчи ниқобдан бошқа нарса эмас. Бу, аслида, яҳудий вужуди лойиҳасини ҳимоя қилаётган халқаро кучлар манфаатларини кафолатлайди.

Сувайда воқеалари бўлмаганида яҳудийлар билан келишув амалга ошарди, деган даъво мутлақо асоссиз. Гўё Суриядаги ички инқироз яҳудийларга тезроқ ён беришни тезлатиш мақсадида босим воситаси сифатида ишлатилмоқда. Ички масалани яҳудийлар лойиҳаси билан боғлаш бу икки баробар сиёсий жиноят бўлиб, у орқали жамоатчиликка гўё ички хавфсизлик фақат яҳудий вужуди розилиги билан таъминланиши мумкин деган тасаввур сингдирилмоқда. Аслида эса очиқ-ойдин ҳақиқат шуки, асосий хатар ташқи аралашувлар ва бўлиниш лойиҳаларидадир. Бу лойиҳаларнинг марказида эса доимо яҳудий вужуди турган.

Юз берган ва юз бераётган воқеалар таҳлилидан шундай хулоса чиқади: бу йўналишни АҚШдан айри ҳолда кўриб бўлмайди. Айниқса, айнан АҚШ Сувайда масаласини ўз назоратига олган. АҚШ бир неча марта турли минбарларда Иброҳим келишуви ҳақида сўз юритиб келмоқда. Ҳақиқат шуки, АҚШ «Иброҳим» лойиҳасининг асосий ҳомийси ва ташаббускоридир. У бир неча йилдан бери ушбу лойиҳани ишлаб чиқиш, тартибга солиш ҳамда минтақани яҳудий вужуди билан кенг қамровли нормаллашув доирасига киритиш йўлида фаол ҳаракат қилиб келмоқда. Бугун эса Сурияни ҳам шу ҳалқага тортишга уринишмоқда. Бу эса «хавфсизлик келишуви» деган ниқобда, гўё ички зарурат сифатида тарғиб этилмоқда. Аслида АҚШ Суриянинг ҳақиқий барқарорлигига эришишни эмас, балки минтақани хавфсизлик нуқтаи назаридан очиқ майдонга айлантиришга интилмоқда. Бу ерда сиёсий муҳит, самовий ҳудуд, чегаралар ва муҳим қарорлар яҳудий вужуди назорати ва шартларига бўйсундирилиши кўзда тутилмоқда.

Бу хавфли оқибатлар, яъни яҳудийлар билан тузилаётган «хавфсизлик келишуви», қуйидагиларни англатади:

• Суверенитет тушунчасига зарба берилиб, Сурия минтақавий ва халқаро даражада поймол этилади. Шу билан бирга, бу ҳолат мамлакатни Уммат масалалари ва ундаги воқеалар ҳақида эркин сўз юритиш қобилиятидан маҳрум қилади. Айниқса, агар бу жараёндаги қарши тараф яҳудийлар бўлса, озодлик, зулмдан қутулиш ва азизлик ҳақида гапириш имконияти йўқолади. Барча муносабатлар эса фақат қоралаш, норозилик билдириш ва ўзини тийишга чақириш билан чекланиб қолади.
• Бу эса яҳудий вужудининг мавжудлигини қонунийлаштириш ва унинг минтақа хавфсизлигидаги ролини зимнан тан олишни англатади. Шу билан бирга, давлат ўз ишларини назорат қила олмайдиган итоаткор ҳокимият сифатида намоён бўлади.

Аслида Аҳмад Шара ўзгармас тамойилларнинг бузилмаслигини очиқ баён этиши лозим эди. Умматнинг виждонидаги энг асл ҳақиқат шундан иборатки, яҳудий вужуди босқинчи бўлиб, унга ҳеч қандай қонунийлик берилмайди ва унга хавфсизлик ёки чегаралар топширилмайди. Чунки бу вужуд ҳар бир тафсилоти билан хиёнаткор, бутун борлиғи билан жиноятчидир. Шу боис, ҳозирги маъмурият яхши англаб қўйсин: хавфсизлик келишувлари ёки қисман келишувлар орқали яҳудий вужуди башарасини «чиройлилаштириш» йўлидаги ҳар қандай уриниш ўзгармас тамойиллардан воз кечиш ва сиёсий позицияларни энг арзон баҳога сотиш билан баробардир. Ҳеч бир сиёсатчи, мақоми қандай бўлишидан қатъий назар, бу тамойиллардан воз кечишга ҳеч қандай ваколатга эга эмас.

Сурия бугун хавфли чорраҳада турибди: ё яҳудий вужуди билан ҳар қандай келишувни рад этади, ёки келишувлар домига сурилиб, Асадлар ҳукмронлиги даврида бўлганидек, Америкага хор ва итоаткор тобеликда қолади. Шу боис ҳар бир инсон ўз зиммасига масъулият юклаб, қатъий мавқе эгаллаши ва овозини баланд кўтариб, бу келишувни очиқ рад этиши зарур. Зеро, «хавфсизлик» шиори остида ўтказилмоқчи бўлган ишлар яҳудий вужуди интилаётган ҳукмронликни ниқоблаб кўрсатишдан бошқа нарса эмас.

Шуни билингларки, ҳақиқий хавфсизлик босқинчи душмандан импорт қилинмайди. У, аввало, ўзгармас тамойилларга қатъий амал қилиш орқали яратилади, сўнг катта қурбонликлар берган халқ базасига таяниб мустаҳкамланади.

Тарих хорликка асосланган барча келишувлар барбод бўлганига ва уларни тузганлар ҳам улар билан бирга қулаганига гувоҳдир.

Роя газетасининг 2025 йил 24 сентябр, чоршанба кунги 566-сонидан

+1

0