Фитначи режим Росулуллоҳ САВ васиятларини бузиб саҳоба Тамим Дорий РА ерини Умматнинг рус душманларига мулк қилиб бермоқчи
بِسْمِ اللَّـهِ الرَّحْمَـٰنِ الرَّحِيمِ
Фитначи режим Росулуллоҳ САВ васиятларини бузиб саҳоба Тамим Дорий РА ерини Умматнинг рус душманларига мулк қилиб бермоқчи
2016 йил 17 январ куни Фаластин режими вазирлар кенгаши Халил шаҳридаги рус православ черкови (Маскубия) жойлашган Субта Ерини мулк қилиб бермоқчи бўлаётганини эълон қилди.
Ушбу эълонга қадар режим расмий муассасалар орқали бу ерни русларга мулк қилиб беришга ўлиб-тирилиб ҳаракат қилди. Яъни махсус комиссия қонунга хилофлиги сабабли мулк қилиб берилиш талабини рад этганидан сўнг Фаластин режими ерлар бўйича ҳокимликка босим ўтказди. Кейин суд ва судьяларга босим ўтказди, ўзига қарши чиқаётган холис мусулмонлар иродасини синдириш учун уларга таҳдид қилди. Лекин Тамим оиласи, Халилдаги нуфузли кишилар ва аҳоли орасидаги ҳақиқий эр кишилари қаттиқ туриб, ернинг мулк қилиб берилишига қаршилик қилдилар. Бугун эса режим одамларга ва адлия ходимларига очиқдан-очиқ тазйиқ ўтказиб, ерни давлат ғазнасига мулк қилиб беришга аҳд қилганини эълон қилиш йўлига ўтди. Чунки бу билан ушбу заминни русларга мулк қилиб бериши осон бўлади.
Фаластин режимининг бу ерни рус православ черковига мулк қилиб беришга уриниши жинояткор Россиянинг режим раҳбари Аббосга берган буйруқларига жавобан бўлаётганига асло шубҳа йўқ. Албатта бу гуноҳи азим ва Аллоҳга, Росулига, мўминларга хиёнатдир. Чунки бу улуғ саҳоба Тамим Дорий РА ва унинг авлодига Росулуллоҳ САВ томонидан вақф қилиб берилган ердир. Дарҳақиқат, Росулуллоҳ сАВ уларга бундай нома берганлар:
«بِسْمِ اللهِ الرَّحْمَنِ الرَّحِيمِ هَذَا كِتَابٌ مِنْ مُحَمَّدٍ رَسُولِ اللهِ، لِتَمِيمِ بْنِ أَوْسِ الدَّارِيِّ، أنَّ لَهُ قَرْيَةَ حَبْرَى وَبَيْتَ عَيْنُونَ، قَرْيَتَهَا كُلَّهَا سَهْلَهَا وَجَبَلَهَا وَمَاءَهَا وَحَرْثَهَا وَأَنْبَاطَهَا وَبَقَرَهَا، وَلِعِقَبِهِ مِنْ بَعْدِهِ، لاَ يُحَاقُّهُ فِيهَا أَحَدٌ، وَلاَ يِلِجُهُ عَلَيْهِمْ أَحَدٌ بِظُلْمٍ فَمَنْ ظَلَمَهُمْ أَوْ أَخَذَ مِنْ أَحَدٍ مِنْهُمْ شَيْئًا، فَعَلَيْهِ لَعْنَةُ اللهِ وَالْمَلاَئِكَةِ وَالنَّاسِ أجْمَعِينَ»
«Бисмиллаҳир Роҳманир Роҳим. Ушбу нома Муҳаммад Росулуллоҳдан Тамим ибн Авс Дорийга, шу хусусдаким, Ҳабро қишлоғи ва Байт Айнун, унинг ҳамма қишлоқлари, пасттекисликлари, тоғу тоши, суви, даласи, халқи ва қора моллари Тамим ва унинг авлодигадир. Ҳеч ким у билан ушбу ер устида ҳақ талашмайди. Ҳеч ким зулм билан у ерга кириб олмайди. Бас, кимда-ким уларга ушбу ер устида зулм қилса ёки у ердан бирор нарсани олса, унга Аллоҳнинг, малоикаларнинг ва жамики инсонларнинг лаънати бўлсин».
Умар ибн Хаттоб халифа бўлиб, Аллоҳнинг изни ила Шомни забт этгач. Тамим Дорий Росулуллоҳ берган номани келтиради. Умар РА – мен бунга гувоҳман, дейди ва ерни унга бериб, «уни сотишга ҳаққингиз йўқ», дейди. Яъни бу айни замин Тамим оиласининг вақфидир, улардан бошқага кўчмайди, деганни англатади.
Эй мусулмонлар!
Россия Ислом ва мусулмонлар душманидир. Унинг Шом, Чеченистон, Афғонистон, Қрим ва бошқа ерларда содир этган ва содир этаётган даҳшатли жиноятларидан илонлар пўст ташлайди… У айни заминни Фаластин режими ҳимояси остида зўрлик билан тортиб олмоқчи. Бу режим у билан тил бириктирди ва унинг шунча қонхўрлигини Росулуллоҳ САВ вақфини мулк қилиб бериш билан тақдирламоқчи.
Бундан ташқари, Қуддусдаги Умар ибн Хаттоб майдони, Абу Ғаним тоғи ва булардан бошқа ерларни яҳудийларга яширинча сотишда миссионерлик фаолияти тарихи қорайиб бўлди. Арубдаги Байтул Барака воқеасини ҳали унутганимиз йўқ. Кўриниб турибдики, бугун русларга мулк қилиб берилаётган айни замин эртага яҳудийларга мулк қилиб берилишига муқаддима сифатида хизмат қилиши ҳам мумкин. Халили Раҳмон шаҳри яҳудийларнинг навбатдаги ўзлаштирилган ерларига айланиб, Халил аҳли унинг оловида жизғинак бўлиши ҳам эҳтимолдан холи эмас. Ахир, Дабуёда ва Шуҳадолар кўчасида шундай бўлмоқда?!
Эй муборак замин аҳли!
Фаластин режими ва у ердаги раҳбарлар яҳудийлар учун ушбу заминингизнинг аксар қисмидан воз кечишди. Улар кофир давлатларнинг тобесига, яҳудийлар давлатининг посбонига айланиб қолишларига рози бўлишди. Шунинг учун Тамим оиласи ерини ҳам манфур русларга мулк қилиб беришдан тап тортмаяптилар. Бу режим ва у ердаги раҳбарларнинг Фаластинга, унинг аҳлига қарши жиноятлари тўхтагани йўқ. Аксинча, Фаластин аҳлини яҳудийларга топшириб қўйиш ва Ғарбнинг динимиз, заминимиз ва муқаддас нарсаларимизга қарши кўзлаётган режаларини рўёбга чиқариш учун ҳамон жиноят қилишда давом этмоқда. Яҳудийларнинг фарзандларимиз қонини дарё қилиб оқизишлари, уйларимизни вайрон этишлари, Ақсомизни кечаю кундуз топташлари камлик қилганидек, Фаластин раҳбарлари улар билан хавфсизлик ҳамкорлиги ўрнатилгани билан мақтанмоқда, солиқлар билан одамлар тинкасини қуритмоқда.
Эй муборак заминдаги насронийлар!
Ушбу баёнотимизда хусусан сизларга ҳам мурожаат қиляпмиз. Сизлар мусулмонлар билан юзлаб йиллар давомида бирга яшаб, улардан кўп яхшилик кўрдингиз: Улар жонингиз, молингиз, номусингиз ва черковларингизни ҳимоя қилдилар. Айримларингиз бу муборак заминга ер юзининг бошқа бир бурчагидан келганингизда мусулмонлар сизни яхшилик билан қарши олиб, ораларидан жой бердилар. Билиб қўйинг: биз эртага барпо қиладиган рошид Халифалик давлати ҳам сизни ҳақ-ҳуқуқингизни ҳимоя қилади ва мусулмонлар орасида ҳурмат-иззатда яшашингизни кафолатлайди. Аммо золим ҳукмдорларингиз ва уларнинг йирик давлатлардаги хўжайинлари эса сизни сариқ чақалик қадрламайди. Улар учун энг муҳими, ўз манфаатлари, бойликлари ва нуфузларидир. Кўпчилигингиз бу ҳақиқатни билади ҳам. Биз эса сизга насиҳат қиляпмиз. Ҳукмдорларингизга эргашманг. Чунки улар мусулмонлар билан бирга яшаётган ҳаётингизни бузадилар. Биз Ислом Уммати куч-қудрат уммати бўлиб, барча инсонларга эзгулик, нур ва адолат улашамиз, аҳдимизга вафо қилиб, зиммамиздаги масъулиятга риоя қиламиз. Бу сиз учун бир эслатмадир. Бас, уни унутманг. Эслатмамизни исботи сифатида 2014 йил 25 январда Маскубия черковига йўллаган мактубимизни ҳам эслатмоқчимиз. Мактубда бундай деган эдик:
«Ҳидоятга эргашганларга салом.
Шуни яхши биласизларки, черковингизни қуриб олган бу ер сизнинг мулкингиз эмас ва уни ижара битими асосида мусулмонлардан ижарага олгансиз. Шу боисдан бу ерга эга бўлишга ҳаракат қилишингиз ва рус ҳукуматининг бу йўлдаги аралашуви мусулмонлар томонидан асло қабул қилиб бўлмас ҳаракатдир».
Орамизда ўнлаб йиллар яшадингиз, бу вақт ичида биз сизга берган ваъдамизга вафо қилдик ва уни бузмадик. Мусулмонлар сизга яхшилик кўрсатиб келган эканлар, буни Росулимиз Муҳаммад САВнинг сизга яхшилик қилишга буюрган кўрсатмаларига жавобан шундай қилдилар.
Биз сизга ана уларни тийиб қўйинг, биз билан ўйнашмасин, улар сизнинг мусулмонлар орасидаги ҳаётингизни бузишмоқчи, ўзингиз ҳам бу ерга эга бўлишга ҳаракат қилишдан тийилинг, дея насиҳат қиламиз.
Айримлар ушбу замин эгалигини сизга олиб бера оламан, дея сизни фитналантиряпти. Бироқ, шуни билингки, бунга мусулмонлар ҳаргиз рози бўлмайдилар. Унутмангки, сиз билан кеча шу ер устида ижара битимини тузган Халифалик давлати яқинда албатта қайта барпо бўлади. Бас, бизга берган ваъдангизга риоя қилинг, уни бузманг. Агар бу насиҳатимиздан юз ўгириб, шу хилдаги ҳаракатингизда давом этаверсангиз, билиб қўйинг, ваъдани сиз буздингиз, биз эмас».
Эй мубурак заминдаги мусулмонлар, хусусан, Халилур Раҳмон аҳли!
Ушбу заминни ҳимоя қилишга ва режимнинг бундай жиноят содир этишига йўл қўймасликка сиз жавобгарсиз. Аллоҳ бу борада сиздан албатта сўрайди. Биламиз, сиз бу ерни ҳимоя қилишга қодирсиз. Зеро, сизга бу ишни Росулуллоҳ васият қилганлар. Сизга, Халилдаги нуфузли кишиларга ва Тамим вақфи нозирларига шуни айтмоқчимизки, ушбу вақф еридан бир қаричи устида бўлса ҳам руслар билан савдолашишга, музокарага киришишдан сақланинг. Чунки Росулуллоҳ вақф қилиб қўйган ер борасида қилинган ҳар қандай эътиборсизлик уни душманимизга бериб юборишни англатади. Зотан, сиз Фаластин режимини ушбу вақфни ҳақдор бўлмаганларга бериб юборишдан олтмиш йилдан зиёд вақт мобайнида тийиб кела олдингиз. Демак, бугун ҳам уни ҳаддидан ошиб, шундай жиноятга қадам қўйишдан тийиб қўйиш қўлингиздан келади. Аллоҳ ва солиҳ мўминлар сиз билан биргадир.
Фаластин режими бош вазирлари, уларнинг кенгашларию тарафдорларига келсак, уларни бундай қарордан қайтмоққа чақирамиз. Агар чақириғимизни рад этиб, Росулуллоҳ САВнинг саҳобий Тамим Дорийга вақф қилиб берган ерни русларга ўтказиб бериш учун ҳар хил баҳоналар келтирадиган бўлишса, Аллоҳнинг ва мўминларнинг тоқат қилиб бўлмас ғазабига дучор бўлажакларига асло шубҳа йўқ. Биз уларга ҳам Росулуллоҳ сАВнинг ушбу сўзларини айтамиз: «Бас, кимда-ким уларга ушбу ер устида зулм қилса ёки у ердан бирор нарсани олса, унга Аллоҳнинг, малоикаларнинг ва жамики инсонларнинг лаънати бўлсин».
Ҳизб ут-Таҳрир 12 робиус-соний 1437ҳ
Муборак замин 22 январ 2016м
Фаластин
