بِسْمِ اللَّـهِ الرَّحْمَـٰنِ الرَّحِيمِ

Роя газетаси:

Фурот қалқони амалиётлари тамом бўлди

Энди навбатдаги амалиётларга ном излашмоқда!

 Ҳизб ут-Таҳрир-Туркия вилояти матбуот

бўлими раиси Маҳмуд Кар қаламига мансуб 

2016 йил 24 августда бошланган «Фурот қалқони» амалиётлари етти ой давом этгандан сўнг, 2017 йил 31 март куни ниҳоясига етгани эълон қилинди. Туркия президенти Эрдўған, бош вазир Йилдирим ва армия бош штаб бошлиғи амалиётларнинг муваффақият билан тамомлангани ҳақида баёнотлар беришди. Эрдўған ҳам «Суриядаги биринчи қадамни тамомладик, энди навбатдаги ҳаракатларимизни навбатдаги номлар билан атаймиз», дейишни унутмади.

Ҳа, ҳақиқатдан ҳам, «Фурот қалқони» амалиётларининг Туркияга нисбатан муваффақияти Ҳалабни мағлуб этиш ва аҳлидан бўшатишдан иборат бўлди. Эрдўған билан Адолат ва Тараққиёт партияси пешонасида умр бўйи шармандалик ва хорлик доғи бўлиб қолиш учун мана шу «муваффақият»нинг ўзи етарли.

2016 йил апрел ойида жинояткор АҚШ президенти Обама Оқ уйдаги ўзининг «қизил хона»сида Эрдўғанга «Фурот қалқони» амалиёти учун ҳозирлик кўриш ҳақида фармон берган эди. Ўшанда Эрдўған Америка сафаридан қайтиши билан, Россия билан муносабатларни нормаллаштиришга киришди. Амалиёт йўлидаги сиёсий ва ҳарбий тўсиқлар олиб ташланиб, амалиёт учун йўл очилди. Сўнг, Эрдўған Санкт-Петербургда Путин билан учрашиб, Ҳалабда қилиниши мумкин бўлган қўшма амалиётлар борасида келишиб олди. Шундай қилиб, Давлат ташкилотига қарши кураш баҳонасида, Суриядаги жангчи гуруҳлар ўртасида уруш ва фитнани аланга олдириш билан айни амалиёт бошланди… Турк армияси ва унинг қўмондони Эрдўған Сурия ва Ироқда Америка ваколати билан жанг қилувчи ёлланган қотил сифатидаги ролини аъло даражада бажарди, бу билан бутун Сурияга, хусусан, Ҳалабга хиёнат қилди…

Хўп, майли хиёнат қилибди, аммо Эрдўған бу ишларни нима учун қилди? Эвазига нима олади?

Дарҳақиқат, Эрдўған шунча ишларини Сурияда аланга олган қўзғолоннинг олти йили мобайнида қайта-қайта омадсизлик ва қоқилишларга юз тутаётган Обама учун қилди. Ҳа, шунча қилмишларни Обама билан «Оқ уй»да сўнгги бор видолашувида унга омад келтираман, деган ваъда билан қилди. Шунча қилмишларни у ҳокимиятга қўйган қаттиқ ҳирси сабабли ҳамда Америка уни бу чириб қолган тожу тахтда олиб қолади, деган илинжда содир этди! Ўз навбатида, Америка ҳам Эрдўғандаги ҳокимиятга бўлган кучли ҳирсни ва бу аҳволда Америкага содиқ, вафодор қул бўлажагини тушуниб етди. Янги Америка маъмурияти эса ўзининг такаббур адовати билан, Эрдўғандан хорижда янада катта, янада омадли амалиётларни талаб қилади. Эрдўған ҳам, ҳозиру нозир бўлиб, янги буйруқларни кутиб турибди. У ўзининг «Суриядаги биринчи қадамни тамомладик, энди навбатдаги ҳаракатларимизни навбатдаги номлар билан атаймиз», деган гапида айнан шуларга ишора қилди.

У бу гаплар билан Курдистон Ишчилар партиясининг Сурия шимоли билан Ироқдаги икки қанотига қарши келаси ойларда режалаштираётган ҳарбий амалиётларни назарда тутмоқда, деб айтаётганлар ҳам бор. Бироқ Эрдўған ва унинг партияси бошлаган бу каби ташвиқотлар 16 апрел куни бўладиган референдум фойдасига миллатчилар овозини тўплаш учун бошланган медиа кампаниясидан бошқа нарса эмас. Зотан, Курдистон Ишчилар партияси Американинг Ўрта Шарқдаги душмани эмас. Унинг душмани Дамашқ, Лозиқия, Ҳама ва Ҳалаб қишлоқларидаги хусусан, Идлиб текисликлари ва Хон Шайхундаги холис ростгўй мусулмонлардир. Маълумки, қонхўр Сурия режимининг кимёвий ҳужумларига учраган Хон Шайхун шаҳри стратегик жой ҳисобланиб, Ҳалаб ғарби, Ҳама шимоли ва Лозиқия шарқига олиб борувчи чорраҳа вазифасини ўтайди. Демак, АҚШнинг иккинчи мақсади, Сурия шимоли ҳам, Ироқ ҳам эмас, Курдистон Ишчилар партияси жойлашган жойлар ҳам эмас, балки Идлибдир. Бу сиёсий ечим малай Сурия режимини қайта ишлаб чиқишдан бошқа нарса эмас.

Сурияда навбатдаги ҳарбий амалиётлар бошлангудек бўлса демак, унинг асосларини, ғоя ва йўналишини, ҳатто номини ҳам Америка белгилаб берган бўлади, Эрдўған эмас. Бунга Эрдўғаннинг АҚШ томонидан қилинган мазкур намойишкорона зарба ортидан айтган қуйидаги бир неча баёнотлари ҳам тасдиқлаб турибди: «Агар бу бомбардимон ҳақиқатдан ҳам ривожланадиган бўлса, биз ҳам ўз вазифамизни адо этишга тайёр турибмиз». «Бомбардимонни ижобий иш, дея баҳолаймиз, аммо у етарли эмас». У айни баёнотлари билан Америкага нақадар боғланиб қолганини очиқламоқда. Эрдўған – бу зарбалар Суриядаги жангчи гуруҳлар ишончини қозониш мақсадида хўжакўрсинга қилинаётган нопок ўйин эканини яхши билади. Шунингдек, Американинг Сурия режими ортида туриб, унга қирғинлари учун фурсат яратиб бераётганини, уни қош қовоқни асрагандек асраб келаётганини ва шунда давом этиб келаётганини жуда яхши билади. Шу билан бирга, Америка учун Сурия режими худди Туркия режими сингари холис қўғирчоқдан бошқа нарса эмаслигини ҳам яхши тушунади. Шунинг учун Эрдўған Америка зарбасини мақтаб, ўзининг навбатдаги вазифасини адо этишга тайёр эканини билдирар экан, улкан хиёнатга аралашди… Эрдўғаннинг АҚШни Ўрта Шарқда ҳамкорлик қилишга чақираётганидан ажабланишнинг ҳожати йўқ. Куни кеча майдонларда АҚШ ва Европани айблаб, «Туркия халқаро ёвуз кучлар томонидан қуршаб олинди. Бу кучлар Туркиянинг ўсишини исташмайди!», дея империализмга қарши шиорларни очиқ кўтараётган эди. Бугун бўлса, бу гаплар садоси ҳали ўчмай туриб, террористлар боши бўлган Америкадан Ўрта Шарқда унга роль беришини илтимос қилмоқда, Американинг у ердаги манфаатларини ҳимоя қилишни билдирмоқда!!

Роя газетасининг 2017 йил 12 апрел чоршанба кунги 125-сонидан