Гўдакларнинг хавфли сиропдан ўлишига ким айбдор?
Гўдакларнинг хавфли сиропдан ўлишига ким айбдор?
بسم الله الرحمن الرحيم
Жорий йилнинг 15 декабр куни Самарқанд вилоят болалар кўптармоқли тиббиёт маркази бош шифокори Маматқул Азизов вилоят соғлиқни сақлаш бошқармасига шошилинч мурожаат йўллайди. Мазкур мурожаатда аҳолида, айниқса болалар ўртасида нафас йўллари вирусли касалликлар анча кўпайгани, бу беморларни даволаш жараёнида врачлар ва оналар “Док-1 Макс” препаратини қўллаётгани, оқибатда бу дорини қабул қилган 21 нафар боланинг 15 таси вафот этгани айтилади. Шунингдек, бош врач М. Азизов мазкур препаратни болаларда қўллашни тақиқлаш бўйича буйруқ чиқаришни сўрайди. Бошқармага йўлланган йигирмадан зиёд илтимосномалар кутилган натижани бермагач, М. Азизов мурожаат нусхасини машҳур блогерга юборади. Шундан сўнг бу фожиа ижтимоий тармоқларни ларзага келтириб аҳоли орасида ваҳима уйғотди. Шундан кейингина давлат муассасалари ҳаракатга келди. Олий Мажлиснинг Бола ҳуқуқлари бўйича вакили Алия Юнусова Самарқандга бориб, болалар шифохонасида вафот этганлар сони 15 эмас, 18 нафар эканлигини аниқлади. Бунинг ортидан соғлиқни сақлаш вазири (иқтисодчи, ҳозирда камбағалликни қисқартириш ва бандлик вазири) Беҳзод Мусаев 18 нафар норасида гўдакларнинг ўлими юзасидан ҳамдардлик билдирди. М. Азизов ва олти шифокор ишдан олиниб, уларга касалхонадаги ишларни сир сақлаш буюрилганлиги, агар бунга амал қилинмаса қаттиқ жазолаш билан таҳдид қилинган. Бу шифокорлар беморлардаги буйрак зарарланиши ва етишмовчилигига “Док-1 Макс” препарати сабаб бўлганини тахмин қилишган. Бироқ давлат бу фожиага масъулиятсизлик билан ёндашиб тиббий экспертиза ўтказмай туриб “Док-1 Макс” препаратини ўлим сабаби сифатида кўрсатди. Эҳтимол бунга, Ўзбекистон аъзо бўлган Жаҳон Соғлиқни Сақлаш Ташкилотининг (ЖССТ) “Док-1 Макс” дохил Ҳиндистоннинг йўтал сиропларидан огоҳлантиргани сабаб бўлгандир. Бу йўтал сиропларидан Индонезияда 100 нафар, Гамбияда 70 дан зиёд бола ҳалок бўлгач, бу давлатлар глобал миқёсда огоҳлантиришларини эълон қилди. Ниҳоят, ЖССТ Ҳиндистонда ишлаб чиқарилган йўтал сиропларидан болалар ўлими қайд этилгани тўғрисида баёнот чиқарди.
Ўзбекистон ҳукумати ер юзининг бирор нуқтасида Исломий уйғониш учун ҳаракат юзага келса бу минтақада ўзбекистонликлар бор-йўқлигини тезликда ўрганиб чиқади ва бу Исломий юксалиш ўзбекистонликларга ижобий таъсир ўтказмаслиги учун яҳудий ва мушрикларга устозлик қиладиган даражада Исломий ҳодисани ўта салбий тарзда талқин қилади. Ҳақиқат шуки, инсониятга раҳмат ва эзгулик дини сифатида нозил бўлган Ислом низомига қарши курашувчи ҳукуматлар халқига ғамхўрлик қилиши ва уларнинг соғлиғи ҳақида қайғуриши мумкин эмас. Йўтал сиропларидан аҳолиси ёппасига ўлаётган давлатлар “Док-1 Макс” ва бошқа йўтал сиропларидан огоҳлантириб бутун дунёга жар солаётган бир пайтда, Ўзбекистон ҳукумати бу дориларнинг ҳатто телевидениедаги рекламасини ҳам бекор қилмади.
“Док-1 Макс” дори воситасини ишлаб чиқарувчи Marion Biotech Pvt. ООО компанияси маҳсулотлари Ўзбекистонда 2012 йилдан буён эркин сотувда. Бу дорилар барча вилоятларга тақсимлангани ҳолда ўлим ҳолати фақат Самарқандда қайд этилгани ғоят шубҳалидир. Бундан ташқари, Ўзбекистонда беморларнинг ўлими давлат сиёсатига ёки унга боғланган тармоқларга ёки шифокорлар қилмишига алоқадор бўлса, бундай ўлим ҳолатлари сир сақланади. Шунга кўра айтиш мумкинки, Самарқандда йўтал сиропидан заҳарланиб ўлган болалар сони маълум бўлганидан анча юқори ва бошқа вилоятлардаги болалар ўлими ҳам сир сақланяпти. Мирзиёев ҳукумати бегуноҳ гўдакларнинг ўлими билан боғлиқ бу мудҳиш жиноятни соҳа раҳбарлари ва мутасаддиларининг лавозимини ўзгартириш билан “ёпди-ёпди” қилишга уринмоқда. Бутун айбни фармацевтика тармоғи раҳбарларига, шифокорларга ва ота-оналарга ағдармоқда. Ҳолбуки, тиббиёт тизимининг абгорлашишига, ҳатто дориларни рецепт билан сотишни йўлга қўёлмаган, бундан ҳам ачинарлиси дориларнинг қўлланма тартиби ва муддатини назоратга ололмаган ҳукумат ва у татбиқ қилаётган чирик тузум айбдордир. Шунинг учун хавфли сироплардан ўлган болалар учун давлат товон тўлаши керак. Мирзиёев даврида Ўзбекистонда энг даҳшатли воқеа содир бўлганига қарамай, президент Самарқандга бормади. Ўлган норасида гўдакларнинг яқинларига ҳамдардлик билдиришни лозим топмади. Эҳтимол, ҳукумат куфр байрами арафасида кайфиятини бузишни истамаган кўринади. Чунки президентнинг янги йил тадбирида, айниқса тиббиёт масаласига тўхталганида Мирзиёевда зарра қадар ташвиш ва ачиниш ҳисси кўринмади. Ваҳоланки, унинг ўзи 2022 йилни “Инсон қадрини улуғлаш…” йили деб эълон қилиб, инсон қадри биз учун қандайдир мавҳум, баландпарвоз тушунча эмас, деган эди.
Бу халқни тиббиётга оид илмий меъросидан рус мустамлакачилиги маҳрум қилган бўлса, капиталистик тузум келиб тиббиёт соҳасини ажнабийга буткул қарам қилди. Шу сабабдан Ибн Сино, Ҳасан ибн Нуҳ, Абу Лайс Самарқандий авлодлари биргина йўтал дори ишлаб чиқаришга ҳам қодир бўлмай қолган. Бугина эмас, мусулмонлар янги туғилган фарзандларини қандай вакцина билан мажбуран эмлашаётганини ўрганишдан ҳам ожиз қолишган. Айнан мана шу вакцина янги туғилган болаларда ақлий ва жисмоний заифликни келтириб чиқариб, уларни дори ва эмлашларсиз енгил касалликдан соғаймайдиган нимжон наслга айлантирган. Аслида эса, янги туғилган чақалоқларнинг иммунитети кўплаган касалликни енгишга қодир бўлади. Боланинг иммунитети касалликни енгишга қодир бўлмаган тақдирдагина шифокорнинг маслаҳати билан эмлаш ёки дори берилиши тўғри бўлади. Шунинг учун тиббиёт тизимидаги туб ислоҳот айнан мана шу четдан юбориладиган шубҳали вакциналарни бекор қилишдан бошланиши зарур. Капиталистик тузум шароитида бундай вакциналарни бекор қилиш имконсиз ишдир. Бунга фармацевтика соҳасининг қолоқлиги эмас, сиёсий қарамлик тўсиқ бўлади.
Самарқандда 2 ойликдан 4 ёшгача бўлган норасида гўдаклар бутун ҳужайраларига азоб тарқаб мислсиз қийноқлар исканжасида жон таслим қилди. Уларнинг ўлимида айбланиб айрим мутасаддилар эҳтимол қамалар, бироқ устимизда татбиқ қилинаётган капиталистик тузум бу раҳбарларни йирик бойларга айлантирган. Бу куфр тузумида бутун имтиёзлар бойларга муҳайё қилинади. Шу боисдан уларнинг қамоқхоналарда азоб чекиши ва бошқаларга сабоқ бўлиши кутилмайди. Шунинг учун капиталистик тузумни таг-томири билан қўпориб ташлаб, унинг ўрнига Ислом тузумини барпо қилиш зарур. Акс ҳолда дори-дармон номи остида хавфли моддалар, тараққиёт номи остида бузуқ маданиятлар юртимизни ишғол қилишда давом этаверади. Ислом ҳукмларини татбиқ қилувчи Рошид Ҳалифалик эса, давлат ҳудудига шубҳали ва тўлиқ текширилмаган дори воситаларини киритишни душманлик ҳаракати, деб баҳолайди. Рошид Халифалик тиббиёт ва фармацевтика соҳасини ташқи қарамликдан буткул халос этади.
Аҳолининг соғлиғини сақлашда Исломга хос чуқур ислоҳот йўлидан бориб озиқ-овқат маҳсулотларини табиий бўлишига, атроф-муҳитни соф ҳолда сақлашга қаттиқ эътибор қаратади. Шундай экан, мусулмонлар ўзлари ва келажак авлоднинг дунё ва охиратини барбод қилмаслик учун Ислом ҳукмларини ҳаётга қайтаришга жиддий ҳаракат қилишлари зарур. Акс ҳолда устимиздаги зулмларнинг ортишига ўзимиз сабабчи бўлиб қоламиз.
يَا قَوْمَنَا أَجِيبُوا دَاعِيَ اللَّهِ
– “Эй қавмимиз, Аллоҳга даъват қилгувчининг даъватини қабул қилинглар”. (Аҳқоф:31)
Ҳизб ут-Таҳрирнинг Ўзбекистондаги матбуот бўлими аъзоси Абдураҳмон
07.01.2023й
