بِسْمِ اللهِ الرَّحْمٰنِ الرَّحِيم

Гуруҳлар ўртасидаги ўзаро қуролли тўқнашувлар инқилоб бўйнидаги фитналар сиртмоғини янада таранглаштирмоқда

Хабар:

Чоршанба куни кечаси “Миллий озодлик фронти” оммавий тревога эълон қилди ҳамда ““Нусра” томонидан тажовузкор ҳаракат”” номли матбуот баёноти тарқатди. “Нусра” номи остида “Таҳрир аш-Шом Ҳайъати” назарда тутилган. Унда айтилишича: “Миллионлаб инсонлар қурбон берилган инқилобни “Нусра” томонидан назорат қилинишига йўл қўйилмайди”.

Бошқа томондан, alarabiya.net сайтига “Миллий озодлик фронти” расмий вакили қуйидагиларни айтди: “Оммавий тревога охирги уч кун ичида “Таҳрир аш-Шом Ҳайъати” эгаллаб олган минтақаларни тўлиқ назоратга олиш учун қаттиқ кураш бошланганини билдиради” (almustaqbal.com).

Изоҳ:

Афтидан, Суриядаги қуролли гуруҳлар ўз ақл-идрокларини ҳам, қарор қабул қилишни ҳам Америка бошчилигидаги Ғарб мустамлакачилари қўлига топшириб қўйишган. Бу гуруҳлар Шом инқилобига қарши тил бириктирувларнинг якуний босқичига тайёргарлик сифатида бир-бирларини ўлдиришга тушиб кетдилар. Бу гуруҳлар бир-бирларини Халаб ва Идлибда қирғин қилиш билан овора бўлаётган бир вақтда режим кучлари ушбу минтақаларни зўр бериб бомбалаб, аҳолини қўрқувга солмоқда ва қонли қирғинлар уюштириб қувғин қилмоқда.

Биз бу жоҳиллардан сўрамоқчимиз: Сизнинг ўзаро ички урушларингиз Ислом ва инқилобга эмас, Америка ва унинг малайи Башар фойдасига бўлаётганини биласизларми? Сизларнинг барча бошлиқларингиз саккиз йил давомида дин ва инқилобни ҳар хил ёлғон шиорлар остида сотиб келганини наҳот билмасангиз? Шом аҳли улардан ёлғон ва хиёнатдан бошқа ҳеч нима кўрмади.

Биз Шом инқилобининг холис жангчиларига мурожаат қиламиз: сизлар бошлиқларингизни бир-бири билан шармандали курашида қатнашмаслигингиз керак, сизлар уларни ҳақда собит туришга мажбур қилишингиз лозим. Акс ҳолда уларни тарк этинг, инқилобнинг асл асосига қайтиб, халқ қўлловига эга бўлинг, фақат шундагина сизларга бу дунёда азизлик, Охиратда эса ютуқ бор. Аллоҳ айтади:

إِنَّ فِي هَٰذَا لَبَلَٰغٗا لِّقَوۡمٍ عَٰبِدِينَ

– “Албатта, бу(Қуръон)да ибодат қилгувчи қавм учун етарли ўгит бордир”, (Анбиё:106)

وَٱللَّهُ أَعۡلَمُ بِأَعۡدَآئِكُمۡۚ وَكَفَىٰ بِٱللَّهِ وَلِيّٗا وَكَفَىٰ بِٱللَّهِ نَصِيرٗا

– “Аллоҳ сизнинг душманларингизни билувчи зотдир. Валийликка Аллоҳнинг Ўзи кифоя қилур. Нусрат берувчиликка Аллоҳнинг Ўзи кифоя қилур”. (Нисо:45)

Муҳаммад Абдулмалик

2 Жумадул аввал 1440 ҳ.й.

08.01.2019й.