بِسْمِ اللهِ الرَّحْمٰنِ الرَّحِيمِ

Халқаро ҳамжамиятнинг иккиюзламачилиги Путинни Украинада жиноятчига ва Сурияда тинчлик кабутарига айлантирди!

Франс 24 веб-сайтида (ҳижрий 1444 йил 25 шаъбон, милодий 2023 йил 17 март жума куни) нашр қилинган хабарда бундай дейилади:

«Халқаро Жиноят судининг жума куни эълон қилган баёнотида айтилишича, Россия президенти Владимир Путинни 2022 йил февралдан бошлаб Украинада содир этган «уруш жинояти бўйича жавобгарлик» учун ҳибсга олиш тўғрисида ордер чиқарилган.

Суд баёнотига кўра, Халқаро Жиноят судининг иккинчи судгача бўлган палатаси Украинадаги вазиятга алоқадор икки шахсни: Россия президенти Владимир Владимирович Путин билан РФ президенти ҳузуридаги Болалар ҳуқуқлари бўйича вакили Мария Алексеевна Львова-Беловани ҳибсга олиш тўғрисида ордер берди».

Роя:

Ҳизб ут-Таҳрир – Сурия вилояти радиосининг 2023 йил 18 март шанба куни эфирга узатилган хабарига кўра, Ҳизб ут-Таҳрирнинг Сурия вилоятидаги матбуот бўлими аъзоси устоз Носиршайх Абдулҳай ўзининг твиттердаги саҳифасида мазкур хабарга қуйидагича изоҳ ёзди:

«Путин Украинада «уруш жиноятчиси», Сурияда «тинчлик кабутари» ва «терроризмга қарши курашган шахс»дир!

Халқаро ҳамжамият қалбида Ислом ва Шом қўзғолонига нисбатан гина-адоват туйган ғирт мунофиқдир… Унинг мунофиқлигига биргина мисол: АҚШ собиқ президенти Барак Обама 2015 йилда Россияда Путин билан учрашгандан сўнг эртасигаёқ Россия самолётлари Шом аҳли бошига бомбалар ёғдиришни бошлаган!».

Роя газетасининг 2023 йил 22 март чоршанба кунги 435-сонидан