Халқаро қонун ўрмон қонуни бўлиб, унга таяниш жоиз эмас!
Матбуот баёноти
Халқаро қонун ўрмон қонуни бўлиб, унга таяниш жоиз эмас!
﴿أَفَحُكۡمَ ٱلۡجَٰهِلِيَّةِ يَبۡغُونَۚ وَمَنۡ أَحۡسَنُ مِنَ ٱللَّهِ حُكۡمٗا لِّقَوۡمٖ يُوقِنُونَ﴾
«Динсизлик ҳукмрон бўлишини истайдиларми?! Иймонлари комил қавм учун Аллоҳдан ҳам гўзалроқ ҳукм қилгувчи ким бор?!»
2025 йил 20-21 май (сешанба ва чоршанба) кунлари Санъо шаҳрида Халқаро Қизил Хоч жамиятининг Ямандаги ваколатхонаси ташаббуси билан медиа ва матбуот муассасалари ходимлари учун махсус тренинг ўтказилди. Ушбу тадбир Яман ташқи ишлар вазирлиги ва ахборот вазирлиги ҳамкорлигида ташкил этилди. Тренингда халқаро қонуннинг асослари ва мақсадлари, инсонпарварлик ҳуқуқига оид атамалар муҳокама қилинди. Хусусан, инсон ҳуқуқларини муҳофаза қилиш, муносиб ҳаёт кечириш, зўравонлик ҳолатларини олдини олиш, эҳтиёжманд тоифаларга ёрдам бериш, тинч аҳолини уруш таъсирларидан ҳимоялаш ҳамда ортиқча зиён ва беҳуда азобларни ман қилиш каби мавзуларга эътибор қаратилди. Бу тренинг Халқаро Қизил Хоч жамиятининг Ямандаги инсонпарварлик ишлари бўйича мувофиқлаштирувчиси Даниэл Кафоли ҳомийлигида ўтказилди.
Ушбу халқаро қонун бўйича ўтказилган тренингнинг эътиборга молик жиҳати шундаки, унда Яман Ахборот вазирининг ўринбосари доктор Умар Бахитий ҳам қатнашиб, Ямандаги оммавий ахборот воситалари орасида халқаро инсонпарварлик ҳуқуқи қоидаларини ёйиш ва уларни амалда қўллашга чақирди. Шунингдек, Халқаро Қизил Хоч жамиятининг Ямандаги бу каби ўқув дастурларини давом эттиришдаги саъй-ҳаракатларини олқишлаб, бундай тренингларни янада кўпроқ ўтказишга чақирди. Ушбу тадбирда, шунингдек, ташқи ишлар вазирлиги ҳузуридаги дипломатия институти раҳбари элчи доктор Аҳмад Имод, Ямандаги Халқаро Қизил Хоч жамиятининг ҳуқуқий маслаҳатчиси Муҳаммад Назилий, ташқи ишлар вазирлиги матбуот котиби Ваҳид Шомий кабилар ҳам қатнашдилар. Улар ўз нутқларида халқаро қонун ва унинг асосий қоидаларини, унинг тушунчалари ва аҳамиятини, шунингдек, уни тарғиб қилиш ва жамият онгида мустаҳкамлаш ҳақида сўз юритишди. Бунинг барчаси иймон ва ҳикмат диёри бўлмиш Яманда, ўзларини «Ансоруллоҳ» деб атайдиган ҳокимият эгалари розилиги ва раҳнамолигида бўлмоқда! Шундай экан, булар қайси юз билан инқилоб, ўзгариш ва қурилиш даъволарини қилишяпти?! Бундай ёлғон ва мазмунсиз шиорлардан нима фойда?!
Халқаро қонун ўзининг барча босқичларида (1648, 1919 ва 1945 йилларда) Ислом ва мусулмонларга қарши душманлик асосида тузилган. Бинобарин, унинг барча мафкурасини Ислом ўлкаларида татбиқ этиш, ёйиш ва уларга чақириш жоиз эмас. Чунки бу мафкура Ислом ақидаси ва ундан келиб чиқадиган ҳаёт муаммоларига бериладиган ечимларга тўғридан-тўғри зиддир. Зотан, Биринчи ва Иккинчи Жаҳон урушлари айнан шу халқаро қонун соясида содир бўлмадими?!
Яманда 11 йилдирки, БМТ ҳомийлигида, еттинчи банд бўйича ва «дунё тинчлигини сақлаш» деган қуруқ шиорлар остида мусулмон фарзандлари бир-бирини қириб келмаяптими?! Шунингдек, Ғазода қарийб икки йилдан бери давом этаётган қирғин ҳам айнан шу халқаро қонун соясида амалга оширилмаяптими?!
Исломда давлатлар ўртасидаги муносабатлар халқаро қонун асосида эмас, балки дунёни тинчлик (яъни Ислом) диёрига ва куфр диёрига бўлиш асосида тартибга солинади. Давлатлар ўртасидаги муносабат тенглик ва адолат асосида юритилади. БМТ Хавфсизлик Кенгашидаги каби қарорларни вето қилиш ҳуқуқига эга доимий аъзолар ва бундай ҳуқуққа эга бўлмаган доимий бўлмаган аъзоларга бўлинмайди!
Ҳизб ут-Таҳрир эса бошқарув, иқтисод, ижтимоий ҳаёт ва бошқа соҳаларда ҳаётни тартибга солувчи исломий низомга эга бўлгани каби, ташқи сиёсат ва давлатлар ўртасидаги муносабатлар масаласида ҳам аниқ ва шариат асосидаги назарияга эга. Кофирлар билан муроса қилиш, уларнинг изидан бориш ва улардан ёрдам сўраш сиёсий жиҳатдан ўз жонига қасд қилиш билан бирга, у очиқ хиёнат ҳамда Ислом ва мусулмонларга қарши жиноят ҳамдир.
Биз Ҳизб ут-Таҳрир аъзолари жинояткор малайларни фош этишдан тўхтамаймиз. Уммат фарзандлари орасида сиёсий онг уйғотишда давом этамиз. Кофир Ғарбга ва унинг малайларига қарши туриб, Умматни рошид Халифаликни барпо этиш орқали исломий ҳаётни қайта бошлашдек буюк мақсад сари етаклаймиз.
﴿وَٱللَّهُ غَالِبٌ عَلَىٰٓ أَمۡرِهِۦ وَلَٰكِنَّ أَكۡثَرَ ٱلنَّاسِ لَا يَعۡلَمُونَ﴾
«Аллоҳ Ўз ишида ғолибдир лекин одамларнинг кўплари (буни) билмайдилар» [Юсуф 21]
Ҳизб ут-Таҳрирнинг Яман вилоятидаги матбуот бўлими
