بِسْمِ اللهِ الرَّحْمٰنِ الرَّحِيمِ

Матбуот баёноти

Халифа Модининг Кашмирдаги мусулмонларга қарши жиноятларига якун ясаш учун Покистон армиясини сафарбар қилади

Босқинчи ҳинд кучлари томонидан беш нафар кашмирлик ўлдирилиши ортидан, шаҳидларнинг оилалари ўз фарзандлари жасадларини талаб қилиб намойиш ўтказди. Лекин 2020 йилдан бери репрессив сиёсат олиб бораётган мушрик ҳинд давлати уларнинг жасадларини номаълум жойга кўмиб юбориб, оилаларини ўз шаҳидларини сўнгги бор кўришдан, ҳурмат-иззат билан дафн этишдан маҳрум қилди. Кейин ижтимоий тармоқларда ночор ва етим қолган кашмирлик қизнинг Покистондаги мард мусулмонларни ёрдамга чақириб йиғлаётгани акс этган видео тарқалди. Бироқ малай Бажва-Имрон режими ҳар доимгидек баёнотлар орқали қоралаб қўйиб, Кашмир аҳлига ёрдам бериш жавобгарлигини халқаро ҳамжамият, деган нарса зиммасига юклади. Халқаро ҳамжамиятдан ёрдам сўраш Кашмир аҳлига ёрдам бериш учун керакли чораларни қабул қилишдан бош тортиш жиноятидан кам эмас. Зотан, босиб олинган Кашмирда ва бошқа шаҳарларда Модининг мусулмонларга қарши янада кўпроқ репрессия қилишига журъат бераётган нарса Бажва-Имрон ҳукуматининг ушбу ҳодисага нисбатан жанговар жавоб қайтаришдан бош тортганидир.

Эй Покистон қуролли кучлари зобитлари!

Аллоҳ Субҳанаҳу ва Таоло бундай деган:

﴿يَا أَيُّهَا الَّذِينَ آمَنُوا مَا لَكُمْ إِذَا قِيلَ لَكُمُ انْفِرُوا فِي سَبِيلِ اللَّهِ اثَّاقَلْتُمْ إِلَى الْأَرْضِ أَرَضِيتُمْ بِالْحَيَاةِ الدُّنْيَا مِنَ الْآخِرَةِ فَمَا مَتَاعُ الْحَيَاةِ الدُّنْيَا فِي الْآخِرَةِ إِلاَّ قَلِيلٌ﴾

«Эй мўминлар, сизларга нима бўлдики, Аллоҳ йўлида (жиҳодга) чиқинглар, дейилса, ерга ёпишиб олдингиз?! Охират (неъматлари)дан юз ўгириб, ҳаёти дунё (лаззатлари)га рози бўлурмисиз?! (Бас) охират олдида бу дунё матоси жуда оз нарсадир?!»                                                                      [Тавба 38]

Мана, фарзандларимизга бугунги куннинг Ража Дахирлари зулм қилаётган экан, улар бугунги куннинг Муҳаммад ибн Қосимларидан нусрат-ёрдам сўрашмоқда. Аллоҳ Субҳанаҳу ва Таоло сиз ҳарбийларга ўртадаги назорат чизиғини оёқларингиз билан депсаб, Модининг гирибонидан олишни буюрди. Агар бугунги ҳарбий ва сиёсий раҳбариятнинг тоғут Модига қарши уруш эълон қилишини кутаётган бўлсангиз, овора бўласиз, чунки уларнинг ҳар бири хоинлар бўлиб, аллақачон Байден ва Модиларнинг фронтига ўтиб олган. Бу ҳукмдорлар Модининг дўстлари ва Байденнинг малайлари бўлган ҳиндуларга ёлланган арзонгаров ишчилардир, бундан бошқа кимса эмаслар. Босиб олинган Кашмир мусулмонлари сизнинг Аллоҳ Субҳанаҳу ва Таолонинг фарзларига бепарволик қилишингизга энди тоқат қила олмайди. Аллоҳ Субҳанаҳу ва Таолонинг буйруғини бундан ҳам кечиктириб бўлмайди. Шу боис, барчангиз оёққа туриб, қаршингиздаги барча тўсиқларни енгиб ўтинг, Сиринагарни такбир садолари остида озод қилиб, мусулмонлар ҳурматини оёқ-ости қилаётган қўрқоқ ҳинду аскарларини ер тишлатинг.

Бу қўрқоқ ҳиндулар ва уларнинг аскарлари сизни оёққа турганингизни кўрибоқ ортларига қарамай қочиши ва сизга дош беролмай, даҳшат ва умидсизликдан ўз жонларига қасд қилиши турган гап. Улар босиб олинган Кашмирдаги оддий мусулмонларнинг қақшатқич қаршилигига учрашган пайтда, шафқатсиз тактика қўллашга мажбур бўлишган эди. Шундай экан, (X) корпуси, стратегик кучлар қўмондонлиги, (SSG) қўмондонлиги ва Шаҳин ҳаво кучларига дуч келган пайтда қай аҳволга тушишларини тасаввур қилаверинг?! Сизлар Ҳинд давлатининг такаббурлигини шаҳидлар қони билан суғорилган тупроққа кўмишингиз мумкин. Зеро, сизни икки гўзал натижа кутиб турибди: ё нусрат ёки шаҳидлик. Унутманг, агар ҳаракатга келмасангиз, бу кашмирлик етим қизнинг ноласи сизни қиёматга қадар таъқиб қилади. Шундай бўлгач, Умматни ҳарбий ва сиёсий ғарбпараст, ҳиндупараст раҳбариятдан қутқаришга шошилиб, Пайғамбарлик минҳожи асосидаги рошид Халифаликни барпо этинг. Умматга қалқон ва ҳимоячи бўлувчи халифага байъат қилишдек, зиммангиздаги вазифангизни адо этинг. Зеро, халифа бугун заифлашиб, емирилиш арафасига келиб қолган Американинг халқаро тизими кишанларини парчалаб ташлаб, босиб олинган исломий юртларни озод қилиш учун Уммат шерларини сафарбар қилади.

Д. Насрин Навоз

Ҳизб ут-Таҳрирнинг марказий матбуот

бўлими аёллар қаноти мудираси