Халифалик барпо этилганда ҳақиқий зафарни нишонлаймиз!
Матбуот баёноти
Халифалик барпо этилганда ҳақиқий зафарни нишонлаймиз!
2024 йил 28 сентябр, шанба куни Суданнинг Шенди, Атбара, Портсудан ва бошқа кўплаб шаҳарларида ва ҳатто Мисрда байрамлар қилинди. Армиянинг ғалабани қозонгани, яъни Хартум шимолидаги Жалили нефтни қайта ишлаш заводининг қўлга киритилиши муносабати билан хурсандчилик тадбирлари бўлиб ўтди. Ҳолбуки, ғалаба хабари ушбу баёнот ёзилаётган вақтга қадар ўз тасдиқини топгани йўқ.
Одамлардаги бу қувонч кўриб чиқиш лозим бўлган бир нечта фактларни кўрсатмоқда:
Биринчи факт: Судан аҳли бу лаънати уруш оқибатида шунчалик умидсизликка тушиб, ҳафсаласи пир бўлдики, ҳатто қисман ғалабадан ҳам қувонмоқда.
Иккинчи факт: Судан армияси ўтган йил апрелда аланга олган уруш давомида Тезкор қўллаб-қувватлов кучларини йўқ қилишга қодир эди. Аммо у сохта дастак-баҳоналар билан ўзини-ўзи кишанлаб олди. Чунки унинг қўмондонлиги Америкага тобедир. Америка эса Британия ва Европанинг Судандаги нуфузини йўқ қилиш учун урушни давом эттиришни истаяпти. Айнан шунинг учун уруш шу пайтгача тўхтамади.
Учинчи факт: Судан халқи нусратга муштоқ. Чунки у мағлубият билмас Ислом Умматининг бир бўлагидир. Ҳақиқатда, агар рувайбиза ҳукмдорлар бўлмаганда Ислом Уммати шундай бўлар эди. Зеро, бу рувайбизалар ўз динларини бировларнинг дунёси эвазига сотиб, мустамлакачи кофир Ғарбнинг қули бўлишни ўзларига муносиб кўришди ҳамда унинг Умматга қарши фитналарини амалга ошириб келишмоқда. Улар на аҳдга боқишяпти ва на бурчга.
Судандаги аҳлимиз шуни аниқ билиб олмоғи лозимки, юртимизга кофир инглиз мустамлакачиси кириб келгандан бери шу кунгача бошдан кечирганимиз ушбу аянчли ҳолат бизнинг энг яхши нарсани энг тубан нарсага алмаштирганимизни кўрсатади. Зеро, биз Роббимиз Китобини, Пайғамбаримиз ﷺнинг Суннатларини ва рошид халифалар суннат-йўлини тарк этдик. Ваҳоланки, бу ҳақда Росулуллоҳ ﷺ
«فَعَلَيْكُمْ بِسُنَّتي وسُنَّةِ الخُلَفَاءِ الرَّاشِدينَ الْمَهْدِيِّينَ، عَضُّوا عَلَيْهَا بالنَّواجِذِ»
«Менинг ва тўғри йўлни тутган рошид халифаларнинг суннат-йўлини тутинглар, уни оғиз тишларингиз билан маҳкам тишланглар», деганлар. (Термизий, Аҳмад ва Абу Довуд ривояти). Аммо биз бу суннатни ортимизга улоқтирдик ва кофир Ғарб тузумини, жумладан, фуқаролик ва ҳарбий демократик бошқарувни ва бошқа Ислом кўрсатмаган ва инсон томонидан ясалган тузумларни олдик. Ўнлаб йиллар ҳаётимиз учун қабул қилганимиз тузумлар бизни хорликка мубтало қилди.
Қувонишга лойиқ ҳақиқий ғалаба шундай бир кунда бўладики, унда биз мустамлакачи кофир Ғарбнинг гегемонлигидан, анави режимларидан ва халқаро қонун деб аталаётган қонунидан озод бўламиз ва ер юзида Аллоҳ Субҳанаҳу ва Таолонинг бошқаруви бўлмиш Пайғамбарлик минҳожи асосидаги рошид Халифалик тузумини барпо этамиз. Ана шунда шодлансак арзийди. Аллоҳ Таоло бундай деган:
﴿قُلۡ بِفَضۡلِ ٱللَّهِ وَبِرَحۡمَتِهِۦ فَبِذَٰلِكَ فَلۡيَفۡرَحُواْ هُوَ خَيۡرٞ مِّمَّا يَجۡمَعُونَ﴾
«(Эй Муҳаммад), айтинг: «Аллоҳнинг фазлу марҳамати ва раҳмати ила — мана шу (нусрат) билан шодлансинлар. (Зеро), бу улар тўплайдиган мол-дунёларидан яхшироқдир» [Юнус 58]
Иброҳим Усмон (Абу Халил)
Ҳизб ут-Таҳрирнинг Судан вилоятидаги расмий нотиғи
