Мусулмонлар бутун инсоният олдидаги бурчларидан ғафлатда қолмоқдалар, натижада хорлик уларни тарк этмаяпти!
بسم الله الرحمن الرحيم
Мусулмонлар бутун инсоният олдидаги бурчларидан ғафлатда қолмоқдалар, натижада хорлик уларни тарк этмаяпти!
Тарихга назар солар эканмиз, инсоният яшаган барча давр мобайнида Аллоҳ Таъоло Ўз бандаларига меҳрибончилик қилиб, уларнинг фаровон яшашлари учун ҳаёт қонунларини Ўз элчилари томонидан ерга юбориб келган. Ушбу қонунлар мажмуасини дин деб атаб, уларнинг энг сўнгиси сифатида Исломни дин қилиб, барча инсониятга юборди. Ўз динини инсонларга етказиш вазифасига пайғамбарларни масъул этиб, мутасадди қилиб қўйди.
Қачонки, охир замон пайғамбари бўлган Мухаммад С.А.В вафотларидан сўнг, бу масъулият барча мусулмонлар зиммасидаги энг асосий вазифага айланди. Ушбу масъулиятни тўлиқ идрок этган аждодларимиз, бутун дунёга Исломни етказишдек шарафли вазифани адо этиб келдилар. Натижада, дунёни барча ерларида такбир садолари янграй бошлади. Шунингдек, Роббиларининг буйруқлари бўлган даъват ишига астойдил бўлганликлари туфайли, XIII аср мобайнида азиз ва мукаррам бўлиб, дунё жилови уларнинг қўлларида бўлди.
Сўнги икки асрда яшаган мусулмонлар ҳаётига назар солсак, ана шу буюк масъулятни тиниқ тасаввур қилишни аста-секин йўқотдилар. Аввалдаги мусулмон аждодларимиз, ҳаётда бор бўлишлари фақат Ислом учун, мусулмоннинг ҳаётдаги вазифаси исломий даъватни олиб бориш деб тушунган эдилар. Сўнги дамларда эса аввало мол-дунё топиш, сўнгра – шароит тўғри келиб қолсагина даъват қилиш деб биладиган бўлиб қолдилар. Ушбу бепарволигимиз туфайли, мусулмонлар дунё карвонидан ортда қолдилар. Бунинг натижасида, сизу биз мусулмонлар мустамлакачилар тузоғига тушиб, бир бутун давлатимиз бўлиниб “учинчи олам” мамлакати вакилларига айландик.
Ҳамда, ўзга юртларда иш излаб сарсону саргардон юрадиган, ер ости ва ер усти бойликларига эга юртларимизни эса, душманнинг полигонига айлантириб бердик. Юртларимиз оламдаги энг бой юрт бўла туриб, бойликларимиздан душманлар фойдаланиб қасрлар, шаҳарлар, театрлар, сузиш ҳавзалари, клублар, тунги дискобарлар қурилишларига ва мусулмонлар устидан иш юритувчи жосуслик маҳкамаларига сарфлаётган бир пайтда, юртимизнинг навқирон, кучга тўлган ёш авлодлари бир парча нон кетидан ажнабий юртларда сарсон саргардон юрибдилар. Хуллас мусулмонлар итлар, балки бўрилар қарамоғидаги бир пода қўйга айландилар. Бўрилар уларни ғажиб, хомталаш қилиб ташлашди, қонга бўяшди.
Мусулмонлар жамият инқирозга юз тутаётганини, фарзандларини зулматли келажак кутаётганини, юртлари вайроналик ва харобазорга томон бораётганини англадиларми? Уларни ғафлат уйқусидан уйғониб, мудроқларини кетказиб, жамиятни ўзгартиришга интилиш вақти келмадимикин? Ахир ҳамма ёқни тубанлик эгаллиб кўкрагигача, балки унданда ёмонроқ даражада хорлик остида қолмадиларми?
Шулардан келиб чиқиб айта оламизки, бу умматни олам гулига, яъни қайта азизликка қайтариш учун ягона йўл бор. У ҳам бўлса аждодларимизни оламда биринчи рақамли умматга айлантирган, бутун олам улар билан хисоблашган ҳамда барча инсониятни зулматдан нурга олиб чиқувчи ўз динимиз бўлган муқаддас Исломни хаёт майдонига олиб келиш билангина амалга оширилади. Яъни, уйғониш неъмати муяссар бўлмоғи учун Ислом асосидаги ҳаётни қайтадан бошламоғимиз, Ислом мафкурасини дунё майдонига олиб чиқмоғимиз лозимдир. Бунинг учун, Ислом даъватини ёйиш, бу даъват воситасида Ислом мафкурасини жахон сахнасига олиб чиқадиган Исломий давлатни вужудга келтирмасдан, Ислом асосидаги ҳаётни ҳаргиз қайтадан бошлай олмаймиз.
Аллоҳ Таъоло мусулмонларни амри маъруф ва наҳий мункар (яхшиликка чақириш ёмонликдан қайтариш) дан тўхтаб қолмасликлари учун огоҳлантириб, бало фақат йўлдан озганлар ва тойилганларгагина эмас, балки уларни қайтармаганларга ҳам, яъни бало жазога лойиқ амал қилганлар билан бирга уларни бу амални қилишдан қайтармаганларга ҳам келишининг хабарини бериб, шундай дейди:
وَاتَّقُوا فِتْنَةً لا تُصِيبَنَّ الَّذِينَ ظَلَمُوا مِنْكُمْ خَاصَّةً وَاعْلَمُوا أَنَّ اللَّهَ شَدِيدُ الْعِقَابِ
–„Ҳамда сизлардан фақат золим кимсаларнинг ўзигагина етмай, балки барчага баробар етадиган балодан сақланингиз! Ва билингизки, Албатта Аллоҳнинг азоби қаттиқдир!“. (8:25)
Яхшилик (Ислом)га даъват этиш, амри маъруф ва наҳий мункар барчамизга қатъий буйруқ бўлиб, қуйидаги оятдан ҳам буни тушуниб олиш мумкин. Аллоҳ Таъоло айтади;
كُنْتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنكَرِ وَتُؤْمِنُونَ بِاللَّهِ
– „(Эй уммати Муҳаммад), одамлар учун чиқарилган умматларнинг энг яхшиси бўлдингиз, зеро сиз яхши амалларга буюрасиз, ёмон амаллардан қайтарасиз ва Аллоҳга иймон келтирасиз“. (3:110)
Қуйидаги оятда ҳам амру маъруф, наҳий мункар Аллоҳга итоат қилувчиларнинг ажралмас сифати эканлиги билдирлмоқда. Аллоҳ Таъоло айтади:
وَالْمُؤْمِنُونَ وَالْمُؤْمِنَاتُ بَعْضُهُمْ أَوْلِيَاءُ بَعْضٍ يَأْمُرُونَ بِالْمَعْرُوفِ وَيَنْهَوْنَ عَنِ الْمُنكَرِ
– „Мўмин ва мўминалар бир-бирларига дўстдирлар, яхши амалларга буюрадилар, ёмон амаллардан қайтарадилар“. (9:71)
Таъкидлаб айтамизки амри маъруф, наҳий мункар мўминларнинг энг хос сифатларидан асосийси бўлиб, намоз ўқиш, закот бериш каби фарзлар қаторида саналмоқда. Қуйидаги оят ушбу буйруқни аниқ ва равшан баён қилмоқда. Аллоҳ Таъоло айтади:
الَّذِينَ إِنْ مَكَّنَّاهُمْ فِي الاَرْضِ أَقَامُوا الصَّلاَةَ وَآتَوْا الزَّكَاةَ وَأَمَرُوا بِالْمَعْرُوفِ وَنَهَوْا عَنِ الْمُنْكَرِ
– „Уларни, яъни мусулмонларни агар Биз ер юзига ғолиб қилсак, улар намозни тўкис адо этадилар, закотни (ҳақдорларга) берадилар, яхшиликка буюрадилар, ёмонликдан қайтарадилар“. (22:41).
Ҳузайфа ибн Ямандан ривоят қилинган хадисда Пайғамбар (с.а.в.) шундай дедилар: “Жоним қўлида бўлган Зотга қасамки, ё сизлар амри маъруф, наҳий мункарни албатта қиласизлар, ё Аллоҳ Таъоло ўз тарафидан сизларга бир азобни юбориши яқиндир. Кейин унга дуо қилганларингизда дуоингиз ижобат бўлмайди”. Ушбу хадисдан, таъкидли буйруқ оханги яққол кўриниб турибди. Агар бу ишни қилиш қатъий талаб қилинмаётган бўлганида, уни бажармасликни азобга ва дуонинг ижобат бўлмаслигига сабаб қилинмасди. Чунки мандуб ишларнинг тарк қилинганлиги учун азобланилмайди. Шунинг учун ҳам бу ишни қилишга талаб қатъий бўлаётир. Демак, амри маъруф, наҳий мункар мусулмонларга фарздир.
Абу Саид Худрийнинг ривоят қилишича, Пайғамбар (с.а.в.) шундай деган эдилар; “Ким сизлардан бир мункар ишни (содир бўлганини) кўрса, бас, уни қўли билан ўзгартирсин, бунга қурби етмаса тили билан, бунга ҳам қурби етмаса қалби билан. Лекин буниси (қалб билан ўзгартириш) энг заиф иймондир”.
Агар жамият мана шу даражада тубанлашса, зулм ҳаддан ошиб бузуқлик ёйилиб, завқлар бузилиб, ҳислар ўлиб одамлар зулм аламини сеза олмайдиган, бузуқликнинг бадбўй ҳидини туя олмайдиган бўлиб қолсалар, дилларидаги иймон заифлашса, Аллоҳнинг Китоби ва Пайғамбарининг Суннатидан йироқлашсалар, улардаги гуноҳдан қўрқиш ҳисси ўлиб кетса, жамиятдаги мувозанат издан чиқса, одамлар Аллоҳнинг буйруқлари ва наҳийларидан, чегараларидан четлашсалар, мана шундай бузуқ воқеликдан чиқиш учун бир йўл борми?
Ҳа, бор албатта! Ислом маъбдаси ҳаётдаги барча муаммоларимизга ечим берганидек, бу масаланинг ягона ечими этиб Ислом эътиқодига асосланган, исломий даъватни ёйиш иши билан фаолият олиб бориш қилиб белгилади.
Эй, вазиятни ўнглашга қодир инсонлар айтингларчи, сизлар одамларнинг ҳолини била туриб, уларни қутқариш имконига эга бўлган ҳолда индамасдан уларнинг ҳалок бўлаётганига томошабиндай қараб тураверсангизлар, сизларнинг гуноҳларингиздан ҳам каттароқ гуноҳ бўлиши мумкин-ми? Айтинглар-чи, йўлнинг оғирлигию хатарлилигига қарамасдан, уларни қутқариш ва гўдакларига кўмаклашишга шошилиб югурсангиз, сизнинг савобингиздан ҳам буюкроқ савоб бўлиши мумкин-ми? Сизнинг амалингиздан кўра Аллоҳнинг мақтовига лойиқроқ амал бўлиши мумкин-ми?
Сиз бу ишингиз билан бутун бир Умматни ҳалокатдан қутқарасиз, халқларни вайронагарчиликдан халос этасиз, қанчадан-қанча мазлумларни золимлар қўлидан озод бўлишига ёрдамчи бўласиз. Йўқ бўлиб кетган Ислом салтанатини қайта тиклаш ва ҳаётдан суриб ташланган Қуръон ва Суннатни қайта ҳаётга қайтаришдек амалдан ҳам кўра кўпроқ Аллоҳнинг мукофотига сазоворроқ амал борми? Эй мўъминлар, Аллоҳ вожиб қилган амалга шошилинг! Аллоҳ Таъоло айтади;
وَعَدَ اللَّهُ الَّذِينَ آمَنُوا مِنْكُمْ وَعَمِلُوا الصَّالِحَاتِ لَيَسْتَخْلِفَنَّهُم فِي الاَرْضِ كَمَا اسْتَخْلَفَ الَّذِينَ مِنْ قَبْلِهِمْ
– „Аллоҳ сизлардан иймон келтирган ва яхши амаллар қилган зотларга худди илгари ўтган иймон-эътиқодли зотларни ер юзига халифа-ҳукмрон қилганидек, уларни ҳам ер юзида халифа қилишни ваъда қилди“. (24:55)
Ҳизб ут-Таҳрирнинг Ўзбекистондаги медиа офиси Зайниддин
11.12.2015й.
