ХАЛИФАЛИК ДАВЛАТИ ЖИҲОЗИ

(Бошқарув ва идора)

بِسْمِ اللهِ الرَّحْمٰنِ الرَّحِيم

Ўн иккинчи: Ахборот

(2)

Халифа ёки унинг ноиблари билан куфр давлатлари ўртасида олиб бориладиган музокаралар, мунозаралар ва ярашиш тўғрисидаги хабарлар ҳарбий ахборотлар сирасига киради. Музокаралар борасидаги мисоллардан бири Ҳудайбияда Пайғамбар ﷺ билан Қурайш вакиллари ўртасида ўзаро сулҳ бандларига келишилган музокарадир. Набий ﷺнинг бевосита мунозараларидан бири Нажрон вакиллари билан қилган мунозаралари ва баҳсга чақиришларидир. Расул ﷺнинг буйруқларига биноан Собит ибн Қайс ва Ҳассоннинг Тамим вакиллари билан олиб борган мунозаралари ва бошқалардир. Буларнинг ҳаммаси ошкор тарзда бўлиб, ҳеч қандай сирли тарафи бўлмаган.

Бошқа ахборотлар, масалан, кундалик хабарлар, сиёсий, сақофий ва илмий программалар, оламда бўлаётган ҳодисаларга ўхшашлар – гарчи улар давлатга тегишли бўлган ҳамда халифанинг бевосита раъйи керак бўлган хабарлар сирасига кирмаса-да, лекин улар ҳам қисман ҳаёт ҳақидаги нуқтаи назарга ва давлатнинг халқаро алоқаларига бўлган кўз қарашига киради. Шундай бўлса ҳам, давлатнинг бу ахборотларни назорат қилиши биринчи турдаги ахборотларникидан фарқ қилади.

Шунга кўра, ахборот жиҳози асосий икки доирани ўз ичига олиши лозим:

Биринчи: Унинг иши ҳарбий ишлар, ҳарбий саноат, халқаро алоқалар каби давлатга тегишли ахборотлар тўғрисида.

Бу доира шундай ахборотларни бевосита назорат қилади. Хуллас, улар ахборот жиҳози кўригидан ўтмасдан туриб давлат ёки хусусий ахборот воситаларида ёритилмайди.

Иккинчи: Унинг иши бошқа ахборотларга ҳам алоқадор бўлиб, уларни назорат қилиш эса билвосита бўлади. Давлат ахборот воситаларига ёки хусусий ахборот воситаларига ўз хабарларини ёритиши учун ҳеч қандай рухсатноманинг кераги йўқ.

Ахборот воситалари рухсатномаси (лицензияси)

Ахборот воситаларига рухсатноманинг кераги йўқ. Исломий давлат фуқаролигига эга ҳар бир шахс ҳар қандай ахборот воситасини – эшиттиришми, кўрсатувми ёки матбуотми – ташкил қилиши мумкин. У фақат ўзи ташкил қилган ахборот воситаси хусусида ахборот жиҳозига хабар қилиб, билдириб қўйиши керак, холос.

Унга – биз илгари айтиб ўтганимиздек – давлатга тегишли ахборотларни ёритишга рухсат керак, холос. Бошқа ахборотларни эса, аввалдан рухсат олмасдан туриб тарқатаверади.

Ҳамма ҳолатда оммавий ахборот воситаси эгаси ўзи тарқатадиган ахборот материали борасида жавобгар бўлади ва шариатга хилоф иш тутса, ҳар бир фуқаро каби жавоб беради.

Давлатнинг ахборотга оид сиёсати

Давлатнинг ахборот сиёсати бўйича кенг кўламли режаларини баён қилувчи қонун шаръий ҳукмларга мувофиқ чиқарилади. Давлат Ислом ва мусулмонларга хизмат қилиши, кучли жипслашган, Аллоҳ арқонини маҳкам тутувчи Исломий жамиятни қуриши учун ўша асосда юради. Яхшиликлар шу қонундан ва шу асосда таралади. Бузуқ, бузғунчи фикрларга ҳам, адашган, адаштирувчи сақофатларга ҳам ўрин қолмайди. Исломий жамиятки, бадбўйликни рад этиб, хушбўйликни таратади, Оламлар Раббиси – Аллоҳга тасбиҳ айтади.

Ҳизб ут-Таҳрирнинг Ўзбекистондаги матбуот бўлими

27.11.2021й