Халифалик қўл чўзса етадиган мевадир. Эй мусулмонлар, уни узишга шошилинглар
Матбуот баёноти
Халифалик қўл чўзса етадиган мевадир
Эй мусулмонлар, уни узишга шошилинглар
Ражаб ойининг мусулмонларни хурсанд қиладиган хотиралари аслида жуда кўп. Лекин Ислом Умматининг бугунги авлодлари эътиборидан четда қолмаслиги керак бўлган аламли хотираси мавжуд. У ҳам бўлса, ҳижрий 1342 йил ражаб ойида содир бўлган Халифалик қулатилганининг аламли хотирасидир.
Ҳа, Халифалик қулатилиши шундай бир фалокат бўлдики, у ўтган аср давомида Ислом Уммати бошига тушган қатор фалокатларга йўл очиб берди. Исломий Уммат бу фалокатнинг бевосита оқибатларини ҳамон бошдан кечираётган экан, Халифалик қулатилишининг аламли хотирасини вазиятни ўнглаш ва Халифаликни қайта барпо қилиш билан қаршиламоғи лозим. Зеро Халифалик мусулмонларни душманлари ёвузлигидан ҳимоя қилиб, фалокатлардан сақлайди ҳамда уларнинг давлатлар ўртасидаги мавқеини қайта тиклайди.
Мустамлакачи кофир Ғарб мусулмонлар ва уларнинг юртларига ҳукмрон бўлиш учун Халифаликни ағдаришга муваффақ бўлгандан бери Ислом Умматини турли хил зулмларга дучор қилиб келмоқда. Умматнинг ҳоли гўё қийноқ камерасида тергов қилинаётган кишининг аҳволига ўхшаб қолди! Бу ҳолатида у сон-саноқсиз жисмоний зўравонликларга юз тутди: фарзандлари қирғин қилинди, номуслари топталди, бойликлари таланди, ерлари босиб олинди, юртлари бўлиб ташланди, халқлари орасига турли фитналар уруғи сочилди. Бундан ташқари, Уммат бошига турли маънавий азоб-уқубатлар ҳам солинди: исломий шаръий аҳкомлар таҳқирланди, Пайғамбар ﷺ ҳақорат қилинди, Умматнинг поклиги ва иффати қораланди, шаъни пастга урилди, ҳатто инсон наслидан бўлган, аммо жиноятчи ва бадбахт иблис саналган кимсалар ҳам унга кўз олайтирадиган бўлди. Биз бугунги кунда ер юзининг турли минтақаларида мусулмонлар болаларини тортиб олишга журъат қилинаётганига, асирга олиш, қийноққа солиш, ўғирлаш, қатл қилиш, оч қўйиш, эътиборсиз қолдириш каби қилмишларга гувоҳ бўляпмиз… Шубҳасиз, бунинг ягона сабаби ушбу норасида гўдаклар ва бечора оилалар ортида суянчиқнинг йўқлиги, яъни Пайғамбар алайҳиссаломнинг минҳожи асосидаги халифанинг бўлмаганидир. Зеро, Халифа Умматнинг шижоатли эр кишиларини тўплаб, барчаларининг ғазабини уларга зулм қилган кимсаларга қаратади ҳамда бундай кимсаларни шайтон васвасасига солиб қўяди. Абу Ҳурайра ривоят қилган ҳадисда Пайғамбаримиз ﷺ марҳамат қиладилар:
«إِنَّمَا الإِمَامُ جُنَّةٌ يُقَاتَلُ مِنْ وَرَائِهِ وَيُتَّقَى بِهِ»
«Имом-халифа қалқондир. Унинг ортида туриб жанг қилинади ва у билан ҳимояланилади».
Ислом Уммати қатор қўзғолонлар қилганлиги шуни исботламоқдаки, Уммат пайт пойламоқда ва фурсатни ҳаргиз қўлдан бой бермайди. Қачон Уммат қаршисидан унинг куч-қудратига ишонган ва унинг манфаатларини ўйлайдиган кишилар чиқса-топилса, албатта Уммат уларга ўз ишончини билдиради, уларнинг атрофида бирлашиб, қайта ташаббусни қўлга олади ҳамда тортиб олинган ҳокимиятини биргаликда яна барпо этишга ҳаракат қилади.
Исломий Уммат қандайлигини ҳатто унинг душманларидан ҳам яхши биладиганлар бир ҳақиқатни тушунмоқдалар. Ҳақиқат шуки, Уммат бу аҳволдан қутулиб чиқишга роса уриниб, ҳатто уринишлари самара бермаётган эса-да, бироқ Ғарб ва унинг малайларининг Исломни қанчалик ёмон кўришлари, шу боис уларни мусулмон юртлардаги нуфузини қўпориб ташлаш зарурлиги Уммат хотирасида ва онгида муҳрланиб қолди. Шунинг учун бугунги кунда Уммат шундай ҳолатдаки, у кишанларни синдириш учун курашиб, жаллодларга боқар экан, ғазабдан тишларини қайраб, уларга эртанги оқибатлари билан таҳдид қилмоқда. Ҳаммасидан ҳам муҳими, Уммат Ислом олиб келган тузум Халифаликдир, ундан бошқасини олиш ҳаромдир, деган тўхтамга келди.
Бугун Ислом Уммати Ғарб ва унинг цивилизацияси билан очиқ тўқнашмоқда. У ўзининг исломий юртларида араб баҳори, деган нарса орқали мустамлакачилик столини ағдариб ташлади. Натижада, Ғарб унинг бу курашига дош беролмади… Фақат куч ва зўравонлик билан жавоб қайтарди ва бу билан вақтинча ечимни қўллади, холос. Мусулмонлар кўчиб борган Ғарб юртларига келсак, у ердаги бутун мусулмонлар диаспоралари, айниқса уларнинг оилалари Ғарб цивилизациясига қоришишга мутлақ қарши турмоқда, бунинг оқибати куфр, фаҳш ва бузуқлик эканини яхши тушунишмоқда. Бу эса, Ғарбни эсидан оғдириб, асабларини таранглатяпти. Бунинг оқибатида у шундай қилмишларга қўл урмоқдаки, бу билан ўзининг мағлубиятини ва мусулмонларни енгишдан ҳафсаласи пир бўлганини очиб қўймоқда. У мусулмон ва Ғарб давлатларида жамоатчилик фикрига очиқдан-очиқ қарама-қарши қарорлар қабул қилиб бўлса ҳам мусулмонларга куч ишлатиш йўли билан уларга илмоний эътиқод ва ҳаёт тарзини сингдиришга ҳаракат қилмоқда. Унинг бу қилмишларга воқеда мисоллар талайгина, жумладан: АҚШ президенти ўз халқи билан бутун дунёни мусулмонларга қарши гижгижлади… Франция президенти ўз юртида яшаётган мусулмон оилаларни жамиятдан изоляция қилди… Скандинавия юртлари исломий оилалар болаларини тортиб олиш ва яшириш жиноятига қўл урди… Саудия оиласи ҳукмдорлари уламоларни қамоққа ташлаб, икки ҳарам заминида раққос ва раққоса бузуқлар клубини очишди. Буларга Форс кўрфази давлатлари ҳам эргашиб, муборак Фаластин замини босқинчилари бўлмиш яҳудийлар билан муносабатларни очиқдан очиқ нормаллаштиришди… Бу қилмишларнинг барчасидан Ғарбнинг қанчалар тупикка кириб қолгани ҳамда Умматни ўз цивилизациясига қориштириш ва тиз чўктиришда омади чопмагани кўриниб турибди.
Умматнинг бу ҳаракатлари сиёсат коридорларининг заҳарли лойиҳаларига ҳамда «ол ва талаб қил» ёндашувларига унинг алданиб қолмаслигини, шунингдек, Аллоҳнинг ғазаби ҳамда дунё ва охират шармандалиги билан тугайдиган Макиавел мантиқи тузоқларига тушиб қолмаслигини англатмайди. Умматни бу тузоқлардан ёки малайларга бўлган ишончидан фақатгина унга хитоб эта оладиган, сўз ва насиҳатларини эшиттира оладиган самимий, холис инсонларгина қутқара олади. Бу инсонлар ҳозирги замонимизда жамоатчилик фикрини пайдо қиладиган холис кишилардир. Биз уларни тил бириктирувларни фош қилишдан тортинмаслик, Умматни хоин ва малайларга эргаштирмаслик ҳамда унинг тақдирий масаласидан эътиборини буриб юбормаслик ҳақида огоҳлантирамиз.
Шу ўринда, биз Ҳизб ут-Таҳрир марказий матбуот бўлими ходимлари оммавий ахборот воситаларига, журналист ва мухбирларга, хусусан Ислом Умматини бугунги хор аҳволидан чиқаришни истовчи холис ахборот воситалари ходимларига даъват йўллаб, сиз Пайғамбарлик минҳожи асосидаги рошид Халифаликни қайта барпо этиш кампаниямиз фаолиятини ёритиш билан ҳақиқатпарварлар ва яхшилик маёқлари бўлинг, дея мурожаат йўллаймиз.
Куч-қудрат аҳлига келсак, Уммат билан Пайғамбарлик минҳожи асосидаги рошид Халифаликнинг қайта барпо бўлиши ўртасида турганлар шулардир. Зеро, ҳозир Уммат бирлашиш, Халифаликни барпо қилиш, структура яратиб, сафарбарлик эълон этиш учун тайёр турибди, унда ҳамма нарса топилади. Фақатгина Ислом хавфсизлиги кафолатланган марказни қўлга киритувчи куч топилмаяпти, холос. Қачон шундай куч топилса, Уммат барча диққат-эътиборини унга қаратади ва у билан бирга бутун олам сари қадам ташлайди. Бу эса, фақатгина Ислом Уммати қўлига ҳокимиятни хоин ва ювиндихўрлардан тортиб олиб беришга қодир инсонларнинг нусрати билан амалга ошади.
Аллоҳ Таоло бундай деди:
﴿وَالَّذِينَ آوَوْا وَنَصَرُوا أُوْلَئِكَ هُمُ الْمُؤْمِنُونَ حَقًّا﴾
«(Муҳтожларга) уй-жой бериб, ёрдам қилган зотлар – ана ўшалар ҳақиқий мўминлардир» [Анфол 74]
Муҳандис Салоҳиддин Азоза
Ҳизб ут-Таҳрирнинг марказий матбуот бўлими раиси
