بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Хавфсизлик кучлари Аллоҳнинг ҳаром ойида – ташвиқот нашрасини тарқатди, деган иддио билан – Ҳизб ут-Таҳрир аъзосини ҳибсга олди

Малайзия хавфсизлик кучлари Ҳизб ут-Таҳрир аъзоси, 49 ёшли Азмий Раҳмон ибн Мот Зувайнийни ҳибсга олди. Биродар Азмий Селангор штати Шоҳ-Алам шаҳридаги «Наҳзат Ислом» масжидида Ҳизб ут-Таҳрир-Малайзия томонидан нашр қилинган «Сатун Наҳза» номли хафталик журналини тарқатаётган пайт ҳибсга олинди. Унга 1995 йилда ишлаб чиқилган «шаръий жиноятлар бўлими»нинг 12 моддаси «муфтий амрини бузиш ва фатвога зид фаолият қилиш» айблови қўйилди.

Бу ерда 2015 йил сентябр ойида Селангор муфтиёти томонидан Ҳизб ут-Таҳрирга қарши чиқарилган ёлғон-яшиқ айбловлар билан тўлиб тошган ва унинг номини қора қилган фатво назарда тутилмоқда.

Азмий ҳибсга олиниши биланоқ бевосита Шоҳ-Алам хавфсизлик хизмати бўлимига олиб кетилиб, унга қарши иш очилди. Сўнг кафолат эвазига озод қилиниб, 2017 йил 17 апрелда терговни тамомлаш учун қайта келиши талаб қилинди. Хавфсизлик хизмати биродар Азмийни суд қилинадиган кунни 2017 йил 7 декабрга қилиб белгилади.

Бундай ҳибсга олиш шуни яна бир бор исботладики, хавфсизлик хизмати илоҳий шаръий ҳукмни менсимасдан Ҳизб ут-Таҳрирга қарши шафқатсизларча ҳаракат қилмоқда ҳамда Ҳизбнинг мазкур фатво бўйича адлияга даъво аризаси топширганидан ҳам, бу ишни Шоҳ-Алам Олий шаръий маҳкамаси кўраётганидан ҳам атайин кўз юммоқда. Аслида, Ҳизб ут-Таҳрирнинг айни фатвога оид эътирозларига жавоб бериш, Селангордаги диний ҳокимиятнинг қўлидан келмади. Жавоб беролмагани сабабли, Ҳизб аъзоларини репрессия қилиш учун зўравонлик йўлини танлашди… Масалан, айни ҳибсга олиш ҳам шаръий ҳукмга мутлақо зид ҳаракат. Улар мана шундай сохта фатво орқали Ҳизбни ёмонотлиқ қилиш билан Аллоҳ Азза ва Жалладан қўрқмасликларини, Аллоҳ йўлида даъват етказаётган йигитларимизни қамоққа олиш билан Аллоҳ Субҳанаҳудан ҳаё қилмасликларини намоён этишди. Бир вақтнинг ўзида, судхўрликка асосланган кредитларнинг шаръан ҳаромлигига қарамасдан, кредитлар реклама варақаларининг Селангор масжидларида эмин-эркин тарқатилишига қўйиб беришмоқда. Шунингдек, қиморхоналар, дискотекалар, вино заводлари ва кўплаб ҳаром нарсаларнинг Селангорда ҳеч қандай чекловсиз мавжудлигидан ҳам кўз юмишмоқда.

Эй Селангордаги диний ҳокимият ходимлари!

Сиз биродар Азмийдан тортиб олган «Сатун Наҳза» журналида «Технократ ҳукумат демократия бадбўйлигини яшириш учун вино бозорини чаққон қилмоқда» сарлавҳали мақола бор, ўшани ўқингларчи, сўнг бизга бу журналнинг қаери Исломга зид эканини кўрсатиб бера олармикинсиз?! Агар унда Исломга зид бирор нарса бўлса, марҳамат қилиб бизга насиҳат қилинг-биз насиҳатингизни олиб, хатойимизни тузатамиз, инша Аллоҳ. Агар унда Исломга зид ҳеч нарса бўлмаса, демак, сизнинг ҳақ сўзни айтаётган биродарни ҳибсга олиш билан шайтоннинг ишини қилганингиз исботланади! Сизда шу даражада ҳужжат танқис эканки, ҳақни тарқатаётган бир биродаримизни ҳибсга олишдан ўзга чора тополмаяпсиз! Бугун қилмишингиз учун бизга ҳужжат топиб беролмаётган бўлсангиз, у ҳолда, қиёмат куни Аллоҳ азза ва Жалла олдида нима қила оласиз?!

Эй Селангордаги диний ҳокимият ходимлари!

Биродар Азмийни ҳибсга олиш билан, саййидул Айём жума куни ғоят ёвуз ишга қўл урганингизни биласизми?! Бундан ҳам ёмони, бу қилмишни ажрларимиз Аллоҳ Субҳанаҳу ва Таоло ҳузурида бир неча баробар кўпаядиган уруш ҳаром қилинган ражаб ойида содир этдингиз! Шу жиҳатдан келиб чиққан ҳолда, биз сизга насиҳат қилиб, Ҳизбга қарши шафқатсиз ҳаракатингизни дарҳол тўхтатишга чақирамиз. Агар тўхтатмасангиз, Аллоҳнинг ғазаби ва лаънатига лойиқ бўласиз! Бизга қарши фатволар чиқариш, фаолиятимизни тазйиқ остига олиш, электрон сайтларимизни ёпиб қўйиш, аъзоларимизни ҳибсга олиб, уларга сохта айбловлар тиркаш, бу каби ёвуз ишларнинг бари сизга яхшилик олиб келмайди. Йўқ, аксинча, ёмонлик олиб келади. Шояд, Аллоҳ Субҳанаҳу ва Таоло буни кечириб, сизга раҳм қилса.

Биз Ҳизб ут-Таҳрир аъзолари, то Аллоҳнинг шариатини ер юзида ҳоким қилмагунимизча, сиёсий ва фикрий фаолиятимизни ҳаргиз тўхтатмасликка ҳамда ер юзидаги барча мусулмонларни Росулуллоҳ САВнинг байроғи остига жамлайдиган Пайғамбарлик минҳожи асосидаги рошид Халифалик давлатини барпо этишга Аллоҳга ваъда берганмиз. Биз сиз учун, Ислом Уммати учун фаолият қиламиз, бизга карами кенг қудрати улуғ Аллоҳ ризоси ва жаннатидан ўзга нарса керак эмас. Қўлингизни қўлимизга беринг, биз билан бирга ушбу улуғ ғоя сари фаолият қилинг, даъват қаршисида тўсиқ бўлманг. Чунки бу билан бу дунё бахтсизлиги ва охират шармандалигидан ўзга нарса ололмайсиз.

Абдулҳаким Усмон

Ҳизб ут-Таҳрирнинг Малайзиядаги

матбуот бўлими раиси

Телефон: 03-89201614

Электрон почта: htm@mykhilafah.com

Веб саҳифа: www.mykhilafah.com

Адрес: Khilafah Centre, 47-1, Jalan 7/7A,

Seksyen 7, 43650 Bandar Baru Bangi, Selangor