بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Ҳизб ут-Таҳрир – Судан вилояти одамларга Ҳизб ут-Таҳрир амири, улуғ олим Ато ибн Халил Абу Роштанинг Халифалик қулатилганининг 99 йиллик хотираси муносабати билан сўзлаган нутқини тарқатди

Ҳизб ут-Таҳрир – Судан вилояти милодий 23 март 2020 йил, ҳижрий 28 ражаб 1441 йил, душанба куни Ҳизб ут-Таҳрир амири, улуғ олим Ато ибн Халил Абу Роштанинг (Аллоҳ у кишини сақласин ва у киши орқали фатҳ берсин) сўзлаган нутқи нусхаларини тарқатди. Ҳизб ушбу нусхаларни кенг доирада пойтахтда ва Суданнинг турли минтақаларида тарқатар экан, Умматга 99 йил олдин, яъни 1342 ҳижрий сана 28 ражабда юз берган аламли ҳодисани эслатди.

Дарҳақиқат, Ҳизбнинг амири ўз нутқини умуман Исломий Уммат, хусусан Ҳизб ут-Таҳрир йигитлари ва ўзининг электрон почтасидаги зиёратчиларига йўллади. Амир унда аср жиноятчиси Мустафо Камолнинг Халифаликни бекор қилгани ва Аллоҳ нозил қилган аҳкомлар билан ҳукм юритишни тўхтатганини эслатди. Шунингдек, бу иш очиқ куфр бўлгани, уни амалга оширган шахс ўлдирилишга лойиқ бўлгани ва бу иш Умматдан бор йўғини қурбон қилишини талаб қилиши, аммо Уммат ушбу жиноятчига нисбатан ўз вазифасини бажармаганини айтди. Бундан ташқари, Халифалик даврида Уммат тарихи ҳақ ва адолат билан тўлгани, бугун эса 50дан ортиқ давлатчаларга бўлиниб кетгани, уни шафқатсиз ва одамлар ишларини назорат қилмайдиган ҳокимлар бошқараётгани ҳамда кофирларга қул ва мустамлакачиларга қарам рувайбиза ҳокимлар ҳукм юритаётгани ҳақида гапирди.

Шундан сўнг амир (Аллоҳ у кишини сақласин) Халифалик Умматнинг тақдирий масаласи экани ва у улуғ фарзлигини баён қилди. Ўз сўзларини қатъий далиллар билан исботлади. Шунингдек, саҳоба розияллоҳу анҳулар мусулмонлар уч кеча-кундуз халифасиз яшаши жоиз эмаслигига ижмо қилишгани ва бу каби уч кунликлардан бир қанчаси ўтиб кетганини баён қилди. Аммо Аллоҳнинг раҳматидан ноумид бўлмаслигимизни эслатди.

﴿إِنَّهُ لَا يَيْأَسُ مِنْ رَوْحِ اللَّهِ إِلَّا الْقَوْمُ الْكَافِرُونَ﴾

«Зеро, Аллоҳнинг раҳматидан фақат кофир қавмгина ноумид бўлур» [Юсуф 87]

Дарҳақиқат, Аллоҳ Таоло мўминларга уларни ер юзида халифа қилишни ваъда берган ҳамда Росулуллоҳ ﷺ зўравон подшоҳлардан кейин Пайғамбарлик минҳожи асосидаги Халифалик барпо бўлажаги ҳақида башорат қилганлар. Шунингдек, амир ўз нутқида – Умматни Пайғамбарлик минҳожи асосидаги рошид Халифаликни барпо этиш орқали исломий ҳаётни қайта бошлаш ишига жонини фидо этаётган Ҳизб ут-Таҳрир билан икром қилгани учун Аллоҳ Таолога ҳамд айтди.

Ҳизб амири улуғ олим Ато ибн Халил Абу Рошта ўз нутқи якунида Халифалик учун ҳаракат қилишнинг нафақат Ҳизб ут-Таҳрир аъзоларига, балки ҳар бир қодир мусулмонга фарз эканини эслатиб ўтди.

Амир ҳафизаҳуллоҳ яна ким Халифаликни барпо этиш учун ёрдам берса, унинг ажри Халифаликни барпо этилгандан кейин қиладиган ёрдамининг ажридан улуғ бўлишини айтди.

﴿لَا يَسْتَوِي مِنْكُمْ مَنْ أَنْفَقَ مِنْ قَبْلِ الْفَتْحِ وَقَاتَلَ أُولَئِكَ أَعْظَمُ دَرَجَةً مِنَ الَّذِينَ أَنْفَقُوا مِنْ بَعْدُ وَقَاتَلُوا وَكُلّاً وَعَدَ اللَّهُ الْحُسْنَى وَاللَّهُ بِمَا تَعْمَلُونَ خَبِيرٌ﴾

«Сизлардан (Макка) фатҳ бўлишидан илгари инфоқ-эҳсон қилган ва (Росулуллоҳ билан бирга кофирларга қарши) уришган кишилар (Макка фатҳидан кейин инфоқ-эҳсон қилган ва уришган кишилар билан) баробар бўлмас. Улар кейин инфоқ-эҳсон қилган ва уришган кишилардан улуғроқ мартабададирлар. Барчаларига Аллоҳ гўзал (оқибат-жаннат) ваъда қилгандир. Аллоҳ қилаётган амалларингиздан хабардордир»                                                                                  [Ҳадид 10]

Биз Халифалик парчаланганининг 99 йиллигини хотирлар эканмиз, Аллоҳдан улуғ нусрат келишини сўраймиз. Шунингдек, Халифалик бутун дунёни янгидан нурга тўлдиришини сўраймиз.

﴿وَيَوْمَئِذٍ يَفْرَحُ الْمُؤْمِنُونَ * بِنَصْرِ اللَّهِ يَنْصُرُ مَنْ يَشَاءُ وَهُوَ الْعَزِيزُ الرَّحِيمُ﴾

«Ўша кунда мўминлар Аллоҳ нусрат бергани сабабли шодланурлар. (Аллоҳ) Ўзи хоҳлаган кишини ғолиб қилур. У қудрат ва раҳм-шафқат эгасидир»    [Рум 4-5]

Ҳизб ут-Таҳрирнинг Судандаги

матбуот бўлими