بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

АҚШ Ҳиндистонга Покистон ҳарбий денгиз кучлари позициясини заифлаштиришда ёрдам бермоқда

Хорижий давлатларга бўлган таянчни йўқ қилинг!

Биз Покистондаги хавфсизликнинг издан чиқишига АҚШ-Ҳиндистон ҳамкорлиги сабаб бўлаётганини шунча қоралаб-таъкидлаб келаётганимизга қарамай, Бажва-Навоз режими зўр бериб Вашингтон билан иттифоқчилик қилишда давом этмоқда. 2017 йил 27 март куни миллий хавфсизлик маслаҳатчиси истеъфодаги генерал Носир Хон Жанжуа «Ҳиндистон билан АҚШнинг айни денгиздан ўзларига алоҳида ҳудуд ажратиб олишган»идан ҳамда «Хитойга қарши Ҳиндистон вазнини мустаҳкамлаётгани»дан афсусда эканини билдирди.

Бирин-кетин келаётган Покистон режимлари барчаси Қўшма Штатлар билан иттифоқчилик қилишга қаттиқ ёпишиб олишган. Ҳолбуки, Ҳиндистоннинг Покистон денгиз кучларини заифлаштиришини тўхтовсиз қўллаб-қувватлаб келаётган шу Америка бўлади. 2000 йил ўша пайтдаги АҚШ президенти Билл Клинтон ўз сафари давомида Ҳиндистонда олти кун бўлиши, Покистонда эса олти соат бўлиб, кетиб қолиши билан Американинг бу мушриклар давлатига нақадар мойил эканини намоён қилган эди. 2002 йилда АҚШ-Ҳиндистон денгиз кучлари ўртасида Малабар ҳарбий машғулотларини ўтказишди ва бу Хитой денгиз кучларига қўшимча, Покистон денгиз кучларини заифлаштиришга қаратилди. 2005 йил ўша пайтдаги Ҳиндистон бош вазири Манмохан Сингх билан ўша пайтдаги АҚШ президенти Жорж Буш ўртасида чиқарилган қўшма баёнотда, Американинг ядровий ҳамкорлик борасида асосан, Ҳиндистонни қўллаб-қувватлаши айтилди. Бундан ташқари, Мушаррафнинг Америка томонидан Афғонистонни босиб олинишига ёрдам бериши, мусулмонларга жуда қимматга тушди. Ўз навбатида, Америка ўшанда дарҳол Ҳиндистон разведкасига Афғонистон дарвозаларини ланг очиб берди. Америка билан Ҳиндистон разведка хизматлари Покистон денгиз потенциалига қарши мувофиқлашган ҳолда ҳужумлар қилишга муваффақ бўлди. 2011 йил май ойида «P-3C Orion» учоғи Покистоннинг Меҳрон ҳарбий денгиз кучлари базасини нишонга олиб, уни бутунлай вайрон қилди. 2012 йил август ойида Эроннинг «AEW&C» тизими (душманнинг денгиз нишонлари ҳақида эрта огоҳлантирувчи ва назорат қилувчи тизим) билан таъминланган «Saab 2000» русумли учоқ Камра ҳаво базасига ҳужум қилди.

АҚШнинг Ҳиндистонни қўллаб-қувватлаш билан юртимизга зарар келтиришига асло шубҳа йўқ. Бироқ бугунги режимларимиз бу ҳақиқатдан кўзларини юмиб олиб, Вашингтон билан зўр бериб иттифоқчилик қилишмоқда ҳамда америкалик ҳарбий ва фуқаровий тизимдаги масъулларнинг юртимиз режалари, бойликлари билан яқиндан танишишларига мудом йўл қўймоқда. Ҳукмдорларимиз ўзларини шу даражада ҳақ-ҳуқуқдан маҳрум сезишадики, ҳатто мусулмонларнинг Ислом билан кучли бўла олишларини билишмаяпти. Бунинг ўрнига, куч-қудратда – АҚШ, Россия ва Хитой каби – хориж кучларига суянишда давом этишяпти. Покистон ва бутун Ислом Уммати, агар бундай гумроҳ раҳбариятга эътиборсиз қарашда давом этаверар экан, бу иллат ҳаргиз тузалмайди. Бас, аллақачон вақт бўлди, покистонлик мусулмонлар Пайғамбарлик минҳожи асосидаги рошид Халифалик лойиҳасини маҳкам ушлаб, уни рўёбга чиқаришда молу жонларини қурбон этсинлар. Ёлғиз ушбу Халифаликкина Умматни бирлаштиради, унинг улкан куч-қудрати ва потенциалларини бир жойда жамлаб, АҚШ ва Ҳиндистон каби душманларга қарши қўяди.

Аллоҳ Таоло огоҳликка чақириб бундай дейди:

مَّا يَوَدُّ الَّذِينَ كَفَرُوا مِنْ أَهْلِ الْكِتَابِ وَلَا الْمُشْرِكِينَ أَن يُنَزَّلَ عَلَيْكُم مِّنْ خَيْرٍ مِّن رَّبِّكُمْ ۗ وَاللَّـهُ يَخْتَصُّ بِرَحْمَتِهِ مَن يَشَاءُ ۚ وَاللَّـهُ ذُو الْفَضْلِ الْعَظِيمِ

«На аҳли китоблардан бўлган кофирлар ва на мушриклар сизга Роббингиз тарафидан бир яхшилик тушишини истамайдилар. Аллоҳ эса раҳмат-марҳаматини ўзи хоҳлаган кишиларга хос қилиб беради. Аллоҳ буюк фазлу карам соҳибидир» [Бақара 105]

Ҳизб ут-Таҳрирнинг Покистондаги матбуот бўлими

Телефон: +(92)333-561-3813

Факс: +(92)21-520-6479

Электрон почта: htmediapak@gmail.com

Веб саҳифа: www.hizb-pakistan.com