بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Ҳусийлар Ҳизб ут-Таҳрир йигитларидан бирини пойтахт Санъодаги масжидда ҳибсга олди

Ҳусий жангарилари 2017 йил 23 март жума куни аср намозидан сўнг пойтахт Санъо марказидаги Жумҳурият касалхонаси ёнида жойлашган «Уста Коин» масжидидан Ҳизб ут-Таҳрир-Яман вилояти аъзоларидан бири 38 ёшли биродар Муҳсинаҳмад Жаъдабийни ҳибсга олди. Ҳодиса пайтида биродаримиз масжид имом-хатибини даъват қилиб, насиҳат йўллаш билан ўзининг даъватни етказиш вазифасини адо этаётган эди. Фақат фикрий мунозара ва ҳужжатга ҳужжат билан даъват қилиб, Ғарб давлатлари ишлаб чиққан режани фош қилаётган ҳамда юрт устида Америка-Англия кураши кетаётганига, маҳаллий ва регионал малайлар уларга ёрдам бераётганига оид ҳақиқатни ёритиб бераётган эди… Бироқ – бизга етиб келган хабарга кўра – кутилмаганда масжид имоми яқинларидан бири Ҳусий жангариларини чақириб, биродаримизни полиция бўлимига олиб кетишади. Муҳсинаҳмадни Ҳануз қўйиб юборишгани йўқ!!

Фикрий мунозара ва шаръий раъйни ҳибсга олиш, таҳдид қилиш ва қийноққа солиш билан қарши олиш, такаббур ва бебош Ҳусийларнинг омадсизликларидан ўзга нарса эмас. Уларнинг қўлидан фақат шу келади. Бирор шаҳарни бошқаришга ожизлик қилишади, фақат темир ва олов билан бошқара олишади… Инсонлар томонидан кечаю кундуз лаънатланаётган ёвуз тоғутлар ва ҳукмдорларнинг чизган чизиғидан чиқишмайди… Бу Ҳусийлар Яман аҳли орасига қўрқув ва фитна уруғини сочиш, омма бойлигини талон-тарож қилиш, юртни ички урушларга гирифтор этиш билан мустамлакачи кофирларга хизмат қилишмоқда. Кошки, ҳукуматга келганда Исломни татбиқ қилиб, юртни Аллоҳ нозил қилган нарсалар билан бошқаришганда эди… Йўқ, бундай қилиш қаёқда, йўқни йўндиришнинг, бўлмасни бўлдиришнинг иложи йўқ экан! Улар қаёқдан ҳам, ақлини ишлатиб, қилаётган ишлари нима оқибатларга олиб келаётганини тушунсин. Ахир, улар бўғизланаётган чорва каби типирчилаб, охири умидсизликдан тинчиб қолишса. Зулмлари қанча узоқ вақт чўзилмасин, албатта тугайди, золим оқибати эса, жуда ёмон ва аламли эканига асло шубҳа йўқ.

Биз уларни имон биродарлиги билан даъват қиламиз ҳамда Ислом аҳкомларига риоя қилишга, зулмларидан, золимларга эргашганларидан, Америка етакчилигидаги Ғарбнинг юртни мазҳабпарастлик асосида парчалаб ташлаш режаларини татбиқ этаётганларидан тавба қилишга насиҳат қиламиз. Шунингдек, мазлум маҳбус биродарларни озод қилишга ва Аллоҳнинг мўмин дўстларига қарши курашишдан тийилишга чақирамиз.

Ҳизб ут-Таҳрир-Яман вилояти аъзолари ўз ғояларига етгунларига қадар оламга ҳидоят ва нур машъаласини етказишда – Аллоҳнинг изни ила – давом этадилар. Пайғамбарлик минҳожи асосидаги рошид Халифаликни барпо этиш орқали исломий ҳаётни қайта бошлашдан иборат бўлган ушбу ғоялари сари Набий САВнинг Мадинаи Мунавварада илк Ислом давлатини барпо этишдаги тариқатларидан юрадилар. Бундан уларни золимлар зулми ҳам, маккорлар макри ҳам оздиролмайди. Ва ниҳоят, улар билан анавилар ўртасида Аллоҳнинг ўзи ҳаққоний ҳукм чиқаради, чунки У ҳукм қилувчиларнинг яхшироғидир.

Ҳизб ут-Таҳрирнинг Яман вилоятидаги матбуот бўлими

Телефон: 735417068

Электрон почта: aan1924@gmail.com

Ҳизб ут-Таҳрир сайти: www.hizb-ut-tahrir.org

Ҳизб ут-Таҳрирнинг матбуот бўлими сайти: www.hizb-ut-tahrir.info